1 Corinthianee 1:7 - Yn Conaant Noa 1810

⁷ Myr shen nagh vel shiu cheet er‐gooyl ayns gioot erbee; farkiagh son cheet y Chiarn Yeesey Creest;

Yn Vible Casherick 1775 1819

⁷ Myr shen nagh vel shiu cheet ergooyl ayns gioot erbee; farkiagh son cheet y Chiarn Yeesey Creest;

1 Corinthianee 1:7 ပူးပေါင်းရင်းမြစ်များ

Noo Mian 25:1

Eisht bee reeriaght niau er ny hoylaghey gys jeih moidynyn, ghow ny lampyn oc, as hie magh quail y dooinney‐poosee.

Noo Luke 12:36

As shiu hene goll‐rish deiney ta farkiaght son cheet‐thie nyn Jiarn veih’n vannish, ec y cheet echey tra nee eh cronkal, dy vod ad fosley da chelleeragh.

Noo Luke 17:30

Eer er yn aght cheddin vees eh er y laa vees yn Mac dooinney er ny hoilshaghey.

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

Romanee 8:23

As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.

1 Corinthianee 4:5

Shen‐y‐fa ny jean‐jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 12:13

Son cre eh, ayn va shiuish ergooyl rish kialteenyn elley, mannagh row eh son nagh dug mee shiu gys cost? leih‐jee dou yn aggair shoh.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Philippianee 3:20

Son ta cairys cummaltee ain ayns niau, veih ta shin myrgeddin jeaghyn son yn Saualtagh, yn Chiarn Yeesey Creest:

Colossianee 3:4

Tra vees Creest, ta’n vea ain, er ny hoilshaghey, eisht nee shiuish neesht cheet kionfenish mârishyn ayns gloyr.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

2 Thessalonianee 1:7

As diuish ta seaghnit, fea mârin, traa vees y Chiarn Yeesey er ny hoilshaghey veih niau marish e ainleyn niartal.

2 Timothy 4:8

Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.

2 Peddyr 3:12

Farkiagh son, as kiartaghey shiu hene ry‐hoi cheet laa Yee, tra vees yn aer er ny stroie lesh aile, as stoo yn theihll lheïe lesh chiass aileagh.

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.

Jude 1:21

Freill‐jee shiu hene ayns graih Yee, jerkal rish myghin nyn Jiarn Yeesey Creest gys bea dy bragh farraghtyn.