1 Corinthianee 1:6 - Yn Conaant Noa 1810

⁶ Dy jarroo myr va recortys Chreest er ny hickyraghey ny vud eu:

Yn Vible Casherick 1775 1819

⁶ Dy jarroo myr va recortys Chreest er ny hickyraghey ny-vud eu:

1 Corinthianee 1:6 ပူးပေါင်းရင်းမြစ်များ

Noo Mark 16:20

As hie ad magh, as ren ad preacheil dy chooilley raad, y Chiarn gobbraghey mâroo; as jannoo yn goo breeoil liorish ny mirrillyn va goll lesh. Amen.

Jannoo 11:17

Son wheesh eisht as dy row Jee er choyrt dauesyn yn un ghioot hug eh dooinyn v’er chredjal ayns y Chiarn Yeesey Creest, quoi va mish, dy shassin magh noi Jee?

Jannoo 11:21

As va laue yn Chiarn mâroo: as ren earroo mooar dy leih credjal as chyndaa gys y Chiarn.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 22:18

As honnick mee eh, gra rhym, Jean siyr, as cosne royd er‐y‐chooyl ass Jerusalem: son cha jean ad soiaghey jeh’n eanish ayd’s my‐mychione’s.

Jannoo 23:11

As yn oie er‐giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

2 Corinthianee 12:12

Dy firrinagh va cowraghyn jeh ostyl obbrit ny vud eu ayns dy chooilley hurranse, ayns cowraghyn as yindyssyn, as obbraghyn niartal.

Galatianee 3:5

Eshyn er‐y‐fa shen ta shirveish yn Spyrryd erriuish, as ta gobbraghey mirrillyn nyn mast’ eu, vel eh dy yannoo eh liorish obbraghyn y leigh, ny liorish y clashtyn dy chredjue?

2 Thessalonianee 1:10

Tra hig eh dy ve er ny ghloyraghey ayns e nooghyn, as dy ve er y laa shen shilley yindyssagh ayndoosyn ooilley ta credjal (er‐yn‐oyr dy row yn recortys ainyn nyn mast’ eu er ny chredjal):

1 Timothy 2:6

Hug eh hene ny lhiassaghey son ooilley, dy ve er ny hoilshaghey ayns traa cooie.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

Ashlish 1:2

Ren gymmyrkey feanish gys goo Yee, as recortys Yeesey Creest, as jeh dy chooilley nhee honnick eh.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 12:17

As va’n dragon elgyssagh noi’n ven, as hie eh dy yannoo caggey rish y chooid elley jeh’n sluight eck, ta freayll annaghyn Yee, as oc ta feanish Yeesey Creest.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.

Ashlish 6:9

As tra v’eh er vosley yn wheiggoo seal, honnick mee fo’n altar ny anmeenyn ocsyn v’er ny choyrt dy baase son goo Yee, as son yn eanish dymmyrk ad.