1 Corinthianee 1:5 - Yn Conaant Noa 1810

⁵ Son dy vel shiuish ayns dy chooilley nhee dy palchey er nyn yannoo magh liorishyn ayns dy chooilley ghlare, as ayns dy chooilley hushtey;

Yn Vible Casherick 1775 1819

⁵ Son dy vel shiuish ayns dy chooilley nhee dy palchey er nyn yannoo magh liorishyn ayns dy chooilley ghlare, as ayns dy chooilley hushtey;

1 Corinthianee 1:5 ပူးပေါင်းရင်းမြစ်များ

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Romanee 11:12

Nish, my ta’n tuittym ocsyn berchys y theihll, as y coayl oc cosney ny Hashoonee; cre‐woad smoo vees yn slane cheet stiagh oc [gys y chredjue?]

Romanee 15:14

As ta mish mee hene myrgeddin ayns slane treishteil mychione eu, vraaraghyn, dy vel shiuish myrgeddin lane dy vieys, jeant magh lesh dy chooilley hushtey, fondagh myrgeddin dy choyrlaghey yn derrey yeh yn jeh elley.

Romanee 15:4

Son cre‐erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

1 Corinthianee 12:10

Da fer elley dy obbraghey mirrillyn; da fer elley phadeyrys; da fer elley yn briwnys dy phrowal ny spyrrydyn; da fer elley caghlaaghyn dy ghlaraghyn; da fer elley dy chur bun er glaraghyn.

1 Corinthianee 12:8

Son da fer ta er ny choyrt liorish y Spyrryd, yn goo dy chreenaght; da fer elley yn goo dy hushtey liorish y Spyrryd cheddin;

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.

1 Corinthianee 13:8

Cha vel graih dy bragh failleil: agh edyr ad dy ve phadeyr‐ysyn, nee adsyn failleil; edyr ad dy ve chengaghyn, nee ad scuirr; edyr eh dy ve tushtey, nhee eh lheïe ersooyl.

1 Corinthianee 14:26

Cre te eisht, vraaraghyn? tra ta shiu cheet cooidjagh, dy vel ec dagh unnane eu er‐lheh arrane spyrrydoil, dy vel echey ynsagh, dy vel echey glare yoarree, dy vel echey ashlish, dy vel echey dy chur bun er y ghoo. Lhig da dy chooilley nhee ve jeant gys ynsagh yn agglish.

1 Corinthianee 8:11

As kyndagh rish yn tushtey ayd’s nee dty vraar annoon cherraghtyn, er e hon hur Creest baase?

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

2 Corinthianee 8:7

Shen‐y‐fa myr ta shiu jeant magh ayns dy chooilley nhee, ayns credjue, ayns goan, as tushtey, as ayns dy chooilley chiarail, as ayns nyn ghraih er nyn son; jeeagh‐jee dy jean shiu bishaghey ayns y grayse shoh myrgeddin.

2 Corinthianee 9:11

Dy palchey er nyn yannoo magh ayns dy chooilley nhee gys dy chooilley feoiltys, ta coyrt oyr booise gys Jee er y choontey ainyn.

Ephesianee 1:17

Dy jean Jee nyn Jiarn Yeesey Creest, Ayr ny ghloyr, cur diuish yn Spyrryd dy chreenaght as dy hoilshey flaunyssagh, dy choyrt enney er:

Ephesianee 2:7

Ayns ny earishyn ta ry heet dy voddagh eh soilshaghey berchys erskyn‐towse e ghrayse, ayns e chenjallys dooinyn, trooid Creest Yeesey.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

Ephesianee 6:19

As er my hon’s er‐lheh, dy vod glare ve er ny choyrt dou, dy voddym fosley my veeal dy dunnal, dy hoilshaghey folliaght y tushtal;

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

Colossianee 2:3

Ayn ta follit dy chooilley verchys dy chreenaght as tushtey.

Colossianee 3:10

As dy vel shiu er chur erriu yn dooinney noa, ta er ny yannoo ass‐y‐noa ayns tushtey, lurg y co‐chaslys echeysyn ren eshyn y chroo.

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.