1 Corinthianee 1:18 - Yn Conaant Noa 1810

¹⁸ Son ta preacheil y chrosh ommijys dauesyn ta cherraghtyn; agh dooinyn t’er nyn sauail te pooar Yee.

Yn Vible Casherick 1775 1819

¹⁸ Son ta preacheil y chrosh ommijys dauesyn ta cherraghtyn; agh dooinyn t’er nyn sauail te pooar Yee.

1 Corinthianee 1:18 ပူးပေါင်းရင်းမြစ်များ

Jannoo 13:41

Cur‐jee my‐ner, shiuish ghan‐nidee, gow‐jee yindys, as jean‐jee cherraghtyn: son ta mish gobbraghey obbyr ayns ny laghyn, euish, obbyr nagh jean shiu er aght erbee y chredjal, ga dy beagh eh ny hickyraghey diu.

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 17:32

As tra cheayll ad jeh irree‐seose‐reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Romanee 1:16

Son cha vel nearey orrym jeh sushtal Chreest: son te pooar Yee gys saualtys, da dy chooilley unnane ta credjal, da’n Ew hoshiaght, as myrgeddin da’n Greek.

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Corinthianee 15:2

Liorish ta shiu myrgeddin er nyn sauail, my ta shiu freayll ayns cooinaghtyn shen ny ren mee y phreacheil diu, mannagh vel shiu er chredjal ayns fardail.

1 Corinthianee 2:14

Agh cha vel y dooinney dooghyssagh goaill rish ny reddyn ta jeh Spyrryd Yee: son t’ad ommijys dasyn; chamoo oddys tushtey ve echey jeu, er yn‐oyr dy vel ad er nyn doiggal ayns aght spyrrydoil.

1 Corinthianee 2:2

Son va mee kiarit gyn dy hoiggal nhee erbee ny mast’ eu, agh Yeesey Creest, as eshyn er ny chrossey.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

1 Corinthianee 4:10

Ta shinyn goit son ommydanyn er coontey Chreest, agh ta shiuish creeney ayns Creest: ta shinyn annoon, agh ta shiuish lajer: ta shiuish ooasle; agh ta beg er ny hoiaghey j’inyn.

2 Corinthianee 10:4

(Son cha vel ny greinyn‐caggee ain jeh stoo foalley, agh niartal trooid Jee dy lhieggal sheese tooryn lajer)

2 Corinthianee 4:3

Agh my ta’n sushtal ain follit, te follit vouesyn ta caillit:

1 Thessalonianee 1:5

Son cha daink y sushtal ainyn hiu ayns goo ny lomarcan, agh myrgeddin ayns pooar, as ayns y Spyrryd Noo, as ayns slane shickyrys, myr ta fys eu kys ren shin gymmyrkey shin hene nyn mast’ eu, er y choontey eu.

2 Thessalonianee 2:10

As lesh dy chooilley oalsaght dy neu‐ynrickys, ayndoosyn ta cherraghtyn; er‐yn‐oyr nagh ghow ad rish graih yn ynrickys, dy voddagh ad ve er nyn sauail.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 4:12

Son ta goo Yee bioal, as breeoil, as ny s’geyrey na cliwe erbee dy ghaa foyr, roie trooid gys eer rheynn veih‐my‐cheilley yn annym as y spyrryd, as ny juntyn as y smuirr, as ronsaghey magh smooinaghtyn as kiarailyn y chree.