Zacarías 9:10 - Cofán: Chiga Tevaen'jen

¹⁰ Jipa tsu Efraín (israendeccu) gera caroma nepiaña. Jerusaléni'su (judándeccu) gera cavayoma'qque itsapa gera battittianccuma'qque u'ccaya. Poi andeni “¡Opatsse canse'faja!” qquen mandapa tsu fae mar'ye faesu marnga mandaya. Nane Eufrates naene sefacco já ccutsuni tsu mandaya.

Zacarías 9:10 ပူးပေါင်းရင်းမြစ်များ

1 Reyes 4:21

Nane Salomónjan poi faesu nasundeccuma patsupa manda'je Eufrates naine ashaemba filisteo andepi toya'caen Egipto ande utufangae. Poiyi'cco tseni'su nasundeccu Salomón cansuiteja tisema pañamba poi canqque'fa tise iñajan'cho corifin'dima afepoen'jen'fa.

Salmos 89:26

Tiseja ñama suya: ‘Queja ña yaya. Nane queja ña Chiga, ñama ccushaen'su. Ñama coira'su qui.’

Isaías 11:10

Banderama jangiansi a'i tsanga boqquia'caen tsu tsequi a'ta va Isaí setsa'cho'su shoyo'cho attiansi poiyi'cco a'i tisenga bo'faya. Nane poi ande'su aindeccu tsu tise've tta'tta'faya. Tise can'jeña'ttija tise a'tatssiai'ccu ñoa'me ñotssiya.

Oseas 1:7

Tsa'ma judándeccuma gi mendeyepa ña, Na'su, que'i Chiga tise'pama ccushaeña. Gerai'ccu tise'pama ccushaeña'bi gi ni battittianccu ni matichi, ni cavayo ni cavayo'su sundarondeccui'ccu ccushaeña'bi gi. Tsa'ma tisutsse gi ccushaeña.”

Oseas 2:18

Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

Oseas 2:20

Queja ña pushesi gi tsangae quema an'biaña. An'biansi qui ñama que Na'su qquen injan'jeña.

Miqueas 5:4

Bo'fasi tsu ovejama coira'su ovejama coiraqquia'caen na'suja ccutsupa tise aindeccuma coiraya. Nane Na'su Chiga tisema quiñaesi tsambe ñotssiama canjaemba mandasi tsu poiyi'cco opatsse canse'faya. Tsa'cansi tsu poi biani'su andene'qque ‘Na'su Chigaja joccapitssia’

Tson'fa'cho 10:36

Chiga Quitsa tsu israendeccunga conda va ñotsse condase'choma ma'caen Jesucristoja a'i injama'choma ñoquian'suve. Tsa Jesúsyi tsu poiyi'ccombe na'su.

2 Corinto'su 5:18

Osha'cho va cuna tsu Chigane ji'cho. Cristo pasi Chigaja ingima ñoqui. Toya'caen tsu inginga antte va ñoquian'sune condase'choma condase'faye.

2 Corinto'su 5:20

Tsa'cansi ingija Cristone afasundeccu gi. Nane Chigaja tansintsse que'inga condaseqquia'caen Tiseja ingi'ccu tsu que'ima iñajan: Cristo que'ine pasi Chigai'ccu ñoquija.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.