Zacarías 1:4 - Cofán: Chiga Tevaen'jen

⁴ Que'i tayopisundeccu'ye tsonqquia'caen tson'fajama. Nane ña Aya'fama afasundeccu tayópi ña su'choma conda'fa cuintsu tise'pa egae tsincon'choma cati'faye. Tsa'ma tsa'caen conda'fa'ni'qque tsendeccuja ñama paña'fambi ni ña suqquia'caen tson'fambi. Ña, Na'su gi que'inga conda.

Zacarías 1:4 ပူးပေါင်းရင်းမြစ်များ

Salmos 78:8

Tsa'caen in'jamba cansepa tise'pa tayopisundeqquia'can'faya'bi. Nane tise'pa tayopi'su coenzandeccuja tsosinai'ccu pañambipa injama'choni'qque in'jambipa Na'su Chiga in'jan'chove tson'fambi.

Jeremías 26:5

ni ña aya'fama afasundeccu su'choma pañambi'ninda gi Silo'su ñama cachuicco'je'ttima nepianqquia'caen va Chiga ettima'qque nepiaña. Nane ña aya'fama afasundeccuma, fae'cco, fae'ccove moe'ñacca'ni'qque qui toya tise'pama paña'fambi. Toya'caen gi va canqquema egae tsoña cuintsu poi ande'su aindeccu ña iyicca'yepa tson'choma pañamba in'jan'faye.’ ”

Amós 5:24

Tsa'ma na'en ai'jeqquia'caen tsu tansintsse in'jamba mandaya'cho. Nane na'en sambambe'yi tsangae ja'jeqquia'caen tsu ñotsse tsoña'cho.

Tson'fa'cho 26:20

Nane o'tie Damascosundeccunga gi va ñotsse condase'choma condase. Tsomba tse'i Jerusalensundeccunga, pa'cco Judea andesundeccunga'qque gi condase. Israembindeqquianga'qque gi condase cuintsu tise'pa egae canse'choma catiye in'jamba tise'pa tayo'su in'jan'choma catipa Chigave in'jan'faye. Tsa'caen Chigave in'jamba tsu ñotsse canseya'cho cuintsu cca'indeccu atesu'faye egae canse'choma tayo cati'chove.

Tson'fa'cho 3:19

Tsa'cansi que'i egae tsincon'choma anttepa Chiga Quitsanga ji'faja cuintsu Tise que'i egae tsincon'choma ccuchaye. Tsa'caen ccuchapa Na'su Chiga tsu que'i injama'choma ño'faeña.

1 Pedro 1:18

Ñotsse qui atesu'fa que'i ccusha'chone. Que'i tayopi'su a'i nafattuqquia'caen canse'fa'choja barembi tsu. Chigaja tsa'ye que'ima ccushaen. Que'ima ccushaeña'chone afepoen'choja congonqque'su corimbi ni congonqque'su corifin'dimbi tsu.