Tson'fa'cho 9:33 - Cofán: Chiga Tevaen'jen

³³ Tseni japa fae a'i, Eneas, qquen inisecho'choma cachui. Tsa a'ija ishopa pajipa ocho canqque'fave ana'jen'choniñi ccuicho.

Tson'fa'cho 9:33 ပူးပေါင်းရင်းမြစ်များ

Mateo 4:24

Pa'cco Siria ande'ye Jesús ji'choma pañamba pajisundeccuma tisenga i'fa. Majan a'ija osha'cho paqque'sui'ccu, osha'cho iña'sui'ccu, toya'caen cocoya ca'ni'cho'qque, shanccopajashendeccu, ishopa paqque'sunga dañongendeccuma'qque tisenga isi tsu poiyi'ccoma ccushaen.

Marcos 5:25

Bo'fa'cho enttinge'ye fae'cco pushesu ji. Tise egápai'ccu dañongepa doce canqque'fave me'detsse canse.

Marcos 9:21

Pasi Jesúsja tsambe yayama iñajampaña: —¿Minguite tsu jova'caen dapa canse? Du'shumbe yayaja su: —Chuitepie tsu jova'caen dapa canse.

Lucas 13:16

Tsa'candeqquia'ta ¿ma'caen qui cocoya na'su Satana va pushesuma diez y ocho canqque'fave noñangiansi sema'ma'qquia a'ta ña ccupaqquia'caen ccushaen'ninda se'pi'fa? Nane tise'qque tayopi'su Abraham aindeccumbe onque'nge tsu.

Juan 5:5

Fae tsandie treinta y ocho canqque'fa paji'su tse'tti ccui.

Juan 9:1

Panshanjimba Jesúsja binima atte. Tsave binime isu'cho.

Juan 9:21

Tsa'ma atesu'fambi gi ma'caen tsu ja'ñojan atteye osha. Toya'caen atesu'fambi gi majan tise tso'fema ccushaen'chove. Tisema iñajampaña'faja. Tayo coenza tsu. Tise tsu condaye osha.

Tson'fa'cho 14:8

Listra canqqueni fae tsandie tsu'tte dañonge'cho tsuiye oshambipa dyai. Nane chuitepie tsave dañonge'chopa tsuimbe'yi canse.

Tson'fa'cho 3:2

Fae Chiga etti'su sombo'tti tsu Ñoncca'a Sombo'tti qquen inisecho'cho. Tse'ttinga tsu poi a'ta fae tsandie chuitepie tsu'tte dañonge'choma faesundeccuja anga ccuiña'jen'fa. Tsa'caen ccuiña'fasi tsu corifin'dive iñajan'jen Chiga ettinga cani'jen'fa'choma.

Tson'fa'cho 4:22

Tsa tsandie, Chiga sefane canjaensi ccusha'choja, coenza –cuarenta canqque'fama ti'tsse tsu an'bian.

Tson'fa'cho 9:32

Tsonsi Pedro poiyi'cco faengasundeccuma can'su jacamba Lida canqque'su Jesúsve in'jan'chondeccuma'qque can'su ja.

Tson'fa'cho 9:34

Tsama attepa Pedroja su: —Eneas, Jesucristo tsu quema ccushaen. Jangipa que ana'jen'choma onccanjan. Tse'faei'ccuyi Eneasja ccushapa jangi ccutsu.