Tson'fa'cho 9:15 - Cofán: Chiga Tevaen'jen

¹⁵ Tsa'ma na'suja Ananíasnga su: —Dyombe jaja. Tsa Saulo tsu ña in'jan'cho, cca'indeccunga ñane condase'su. Tise'pa nasundeccunga'qque, toya'caen israendeccunga'qque tsu ñane condaseya.

Tson'fa'cho 9:15 ပူးပေါင်းရင်းမြစ်များ

Jeremías 1:5

“Que toya meite gi quema tayo ttu'se. Nane toya isumbi'te gi quema tayo attufaen. Tsequi gi quema ccutsian poi aindeccunga Ña aya'fama afa'suve.”

Jeremías 1:7

Tsa'ma Na'suja ñama su: “ ‘Ñajan toya chu'a’ qquen afajama. Mani ña manda'ninda qui jaya. Jongoesu qquen ña afa'ninda qui tsama condaya.

Mateo 10:18

Ju, que'i ñame in'jansi tsu governarorondeccunga, ande nasundeccunga'qque que'ima indipa anga'faya. Angasi qui tsendeccunga'qque ñane conda'faya. Israembindeqquianga qui ñane conda'faya.

Juan 15:16

Que'ija ñama ttu'se'fambi. Tsa'ma ñajan que'ima ttuse'su. Tsa'caen ttu'sepa gi que'ima manda quini'cco ñotsse naqquia'caen ña in'jan'chove tson'faye. Que'i tson'choja tsangae tsu jinchoya. Tsa'caen ñame in'jamba cansepa jongoesuve qui Chiga Quitsama iñajan'ninda Tise tsu afeya.

Tson'fa'cho 13:2

Tseite tsendeccu ambe'yi Na'su Chigama afa'je'fa'ni Chiga Qquendya'paja tise'pama su: —Ñambe moenjan Bernabé, Sauloma'qque cuintsu ña manda'cho sema'bama sema'faye.

Tson'fa'cho 21:19

Tsendeccuma chigambiamba Pabloja pa'tssima conda ma'caen Chiga Quitsa tisema fuitepa israembindeqquiama'qque in'jaemba tson'choma.

Tson'fa'cho 22:14

Tiseja su: “Ingi coenzandeccumbe Chiga tsu quema in'jamba ttu'se Tise in'jan'choma pañamba atesuye. Quema tsu ttu'se Tise Ñotssia Dutssi'yema attepa pañañe.”

Tson'fa'cho 22:21

Tsonsi Na'suja ñama su: “Queja ccani jaja. Biani israembindeqquianga gi quema moeña.”

Tson'fa'cho 25:22

Tsonsi Agripaja Festoma su: —Ña'qque gi tise afa'choma pañañe in'jan. Festoja su: —Tu'i qui pañaña.

Tson'fa'cho 26:1

Tsonsi Agripaja Pabloma su: —Condaja tisu ma'caen tsincon'choma. Qquen susi Pabloja tise tivema yasa canjaemba su:

Tson'fa'cho 26:32

Tsomba Agripa Festoma su: —Va a'ija, César Na'su tise tsincon'choma pañamba afaya'chove in'jambiecan'da tsu fettaya'cho.

Tson'fa'cho 27:24

su: “Dyojama, Pablo. Queja Na'su Césarni qui jaya'cho. Toya'caen Chigaja quema in'jamba tsu antte cuintsu quei'ccu barconga jacansundeccu'qque ccusha'faye.”

Tson'fa'cho 28:17

Tres a'ta can'jemba Pabloja tseni'su israe'su nasundeccuma ttu'se. Ttu'sesi bo'fasi Pabloja tise'panga su: —Tsandiendeccu, ñajan a'ima egae tsincombi gi, ni ingi coenzandeccu nafattian'choma egae tsincombi gi. Tsa'ma ña egae tsincombi'ni'qque israe'su nasundeccuja Jerusaléni ñama indipa afe'fa tseni'su Romano na'sunga.

Tson'fa'cho 28:28

Tsa'cansi poiyi'cco ñotsse paña'faja. Ja'ñojan va Chiga ñotsse ccushaeña'chomanda tsu israembindeqquianga'qque condaseya'cho. Tsendeccu tsu ñotsse paña'faya ccushaya'chone.

Romanos 1:1

Ña Pablo gi Jesucristoma shondo'su. Tise tsu ñama ttu'se tisema afa'suve. Ttu'sesi gi ñajan Chiga ñotsse condase'choma condaseye canse.

Romanos 1:5

Jesucristo ingima ttu'sesi gi osha'cho ñotssiama isupa tisene afa'suve da'fa cuintsu poi ande'su aindeccu tise inisema pañamba in'jamba canse'faye.

Romanos 11:13

Que'i israembindeqquianga gi vama condaye in'jan. Chiga ñama moensi gi que'ima atesian'jen. Ñajan israembindeqquianga Jesúsne afa'su. Tsa'camba ti'tsse gi israembindeqquianga condase

1 Corinto'su 15:10

Tsa'ma Chiga ñama mende'yepa in'jamba ttu'sesi Jesúsne afa'su gi. Tise tsa'caen ñama ñotsse tsonsi pa'cco tsu ñotsse da. Nane ñajan poiyi'cco cca'i Jesúsne afasundeccuma ti'tsse quia'me sema'jensi pa'cco ñoa'me ñotsse tsu da. Tsa'ma ñoa'me ñajan ñotsse tsombisi tsu Chiga Qquendya'pa ñani can'jemba tsa'caen ñotsse sema'jen.

1 Corinto'su 9:16

Ñajan Jesucristone ñotsse condase'choma candusiamba tsa'caen patsuye gi oshambi. Tsa'ma Chiga mandasi gi candusiaña'cho. Nane candusiambi'ta gi ñoa'me vanaña.

Galacia'su 1:1

Ña Pablo gi Jesúsne afa'su. Jesúsne afa'suve a'ija ñama ttu'se'fambi ni ñama tsa'caen moen'fambi. Tsa'ma Jesucristo ñama ttu'sepa moen. Chiga Quitsa Jesúsma pa'cho'ye ccase qquendyaemba ñama ttu'sepa moen.

Efeso'su 3:1

Ña Pablo gi que'i israembindeqquiama in'jamba Jesucristone que'inga candusian cuintsu que'i Chiga aindeccuve da'faye. Tsa'caen candusiamba gi piccoyepa can'jen.

1 Timoteoga 2:7

Tsa ccushaen'chone condaseye Chiga ñama ttu'sesi gi afa'suve dapa condase. Nane Cristove in'jañe tansintsse condase'choma gi condase cuintsu israembindeqquia'qque paña'faye. Ñoa'me gi afopoembe'yi tansintsse conda.

2 Timoteoga 1:11

Chiga ñama ttu'sesi gi va ñotsse condase'choma candusian'jen. Nane Cristone afa'suve dapa gi israembindeqquianga atesian'jen.

2 Timoteoga 2:4

Tsandie sundarove ca'nimba ccaningae semañe oshambi. Tsa'ma tisema manda'su capitán mandaqquia'caeñi tsu tson'jen.

Canjaen'cho 17:14

Tsonsi tsu Ovejai'ccu geraen'faya. Tsa'ma Oveja tsu tise'pama patsuya. Nane Ovejaja poi na'sumbe na'su tsu. Poi manda'suma manda'su tsu. Tsa'camba tsu cocoyandeccuma patsuya. Toya'caen Ovejaja Tise aindeccuma in'jamba ttu'sesi tsendeccu'qque Tise've in'jamba fae'ngae tisei'ccu cocoyama patsu'faya.