Tson'fa'cho 8:33 - Cofán: Chiga Tevaen'jen

³³ Cca'indeccuja tisema patsupa ñoa'me su'choma tta'tta'fambi. ¿Majan tsu tise a'ine condaseya? Nane tisema fi'ttisi tsu tsangae va ande'ye ja.

Tson'fa'cho 8:33 ပူးပေါင်းရင်းမြစ်များ

Salmos 22:15

Tsa'o'su ccaque coe'jesi sambaqquia'caen tsu ña aya'faja samba. Ña menzanza'fa'qque santsse dapa aya'fanga setsa. Ñajan tayo papa andenga ccuiqquia'caen ccuisi qui ñama cati.

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Isaías 53:12

Tise tsa'caen tsonsi Chigaja tisema joccapitssia've tsoña cuintsu ti'tsse mandasundeccui'ccu fae'ngae patsu'faye. Nane tiseja fi'tti'chonga afeyepa faesu egae tsincon'su tsu, qquen su'fa. Tsa'ma ñoa'me tsain'bio aindeccu egae tsincon'choma anga tsendeccune Chigama iñajamba ñoquiañe.

Isaías 53:7

Tisema vanaemba egae tson'jen'fa'ni'qque tiseja afambi. Nane ovejama fi'ttiye angaqquia'caen tisema angasi oveja tosema chattuye tson'jensi ziyaqquia'caen tiseja afambi.

Isaías 53:8

Tiseja ño'a'ma egae tsincon qquen supa me'i'on tsu majan tisene afapa fuiteya'chove. Majañi'qque tise naniña'chove in'jan'fambi. Nane va ande'ye tisema itsapa ña ande'su aindeccu pañambipa egae tsinconsi tsane tisema fi'tti'fa.

Zacarías 13:7

Na'su Osha'choma Oshacho'choja qquen su: “¡Qquendyaja matichi, jangipa ña ovejama coira'suma fi'ttija! ¡Tsa ñama fuite'suma fi'ttija! Nane coira'suma fi'tti'ninda oveja tsu shequequin ja'faya. Toya'caen gi ccase jipa oveja dushundeccuma'qque fi'ttiya.

Tson'fa'cho 8:34

Qquen camba afapa onocoja Felipema iñajampaña: —Chigáne ñanga condaja. ¿Majane tsu qquenjan conda? ¿Toe Chiga Aya'fama afa'sune ti? ¿Tsambi'ta ti faesune?