Tson'fa'cho 8:29 - Cofán: Chiga Tevaen'jen

²⁹ Tsonsi Chiga Qquendya'pa Felipenga su: —Tsa caronga catsepa pporotsse jacanjan.

Tson'fa'cho 8:29 ပူးပေါင်းရင်းမြစ်များ

Isaías 65:24

Tsendeccu toya ñama ttu'sembi'te gi tise'pa in'jan'choma in'jamba afaya. Nane tise'pa toya afa'je'ni gi tise'pama pañaña.

Oseas 6:3

¡Jinge quin'tsse tta'tta'faye Na'suma atesuye! Nane coejechiga pasambi'tsse sinte sombo'jeqquia'caen tsu Na'suja ñoa'metsse jiya. Unjin sanfani toya'caen coejefani tuiye ashaenqquia'caen tsu tiseja ñoa'metsse jiya.

Tson'fa'cho 10:19

Pedro toya attian'choma asi'ttaen'jen'ni Chiga Qquendya'pa tisenga conda: —Tres a'i tsu queve tta'tta'je'fa.

Tson'fa'cho 11:12

Chiga Qquendya'pa tsu ñama manda dyombe'yi tsendeccui'ccu jaye. Toya'caen va seis ingi faengasundeccu'qque ñai'ccu japa tsu ñama ttuse'sumbe tsa'onga ca'ni'fa.

Tson'fa'cho 21:11

Judea andene ingini jipa Pablo utuqui'fama isupa tisu tsu'ttema tisu tivema'qque tandamba su: —Chiga Qquendya'pata tsu su: “Qquen tsu Jerusaléni'su israendeccuja va utuqui'fa na'suma tandan'faya. Qquen tandamba tsu israembindeqquianga afe'faya.”

Tson'fa'cho 28:25

Tsa'caen fae'ngae in'jambipa jaye ashaen'fasi Pabloja su: —Chiga Qquendya'pa tsu ingi tayopi'su coenzandeccunga ñotsse conda. Tsa'cansi te tayopi'su Chiga Aya'fa afa'su Isaíasja qquen su:

Tson'fa'cho 8:26

Tsonsi omboe Chigama sefacconi'su shondo'su Felipenga jipa su: —Jangipa ccani jaja Gaza canqqueni ja'je'cho tsaiquingae –tsa Jerusaléne ande'jeni. Tsa tsaiqui tsu a'i meniangae ja'cho.

Tson'fa'cho 8:28

Cavayo carongae toequi dyai jiñamba tayopi'su Chiga Aya'fama afa'su Isaías tevaen'jema camba afá jiña.

Tson'fa'cho 8:30

Tsonsi Felipeja butto catsepa tise Isaías tevaen'jema camba afa'je'choma paña. Tsa'caen pañamba iñajampaña: —¿Paña ti qui que camba afa'je'choma?

Tson'fa'cho 8:39

Fetipa singu'ccuye sombo'fasi Chiga Qquendya'pa Felipema ccani anga. Tsa'caen angasi onocoja Felipema ccatsse attembi'ma avujatsse tsaiqui'ye ja.

1 Corinto'su 12:11

Fae Chiga Qquendya'payi tsu poiyi'ccoma in'jaen. Ma'caen in'jamba fae'ccoma tsa'caen in'jaemba cca'ima tsu ma'caen in'jamba tsa'caen ccaningae in'jaen.

1 Timoteoga 4:1

Chiga Qquendya'pa tsu tansintsse inginga condase osefaeña'cho a'ta napiji'nijan majan a'i tsu tise'pa Cristove in'jan'choma cati'faya. Catipa tsu afopa'cho in'jan'choma paña'faya. Cocoya atesian'jen'choma'qque tsu in'jan'faya.

Hebreo'su 3:7

Tsa'cansi ñoa'me Chiga Qquendya'pa suqquia'caen tsu. Qquen tsu Chiga Tevaen'jenga su: Tayopi'su israendeccuja ñama patsu qquen tsincomba pañañe chi'ga'fa. Ja'ño a'ta Chiga Aya'fama paña'da que'i injama'choma tsendeqquia'caen se'pi'fajama ñoa'me pañañe. Nane tayopi'su israendeccuja a'i menia can'jemba toequi Egiptoni shandaye in'jan'fa. Tsa'caen in'jamba Chigama pañambipa injanga Tisema patsu qquen tsincon'fa.