Tson'fa'cho 7:42 - Cofán: Chiga Tevaen'jen

⁴² Tsonsi Chiga Quitsaja tsendeccuma catiqquia'caen tson cuintsu osha'cho sefacconi'su jincho'choma chigama'caen iñajan'faye. Tsa'cansi tsu tayopi'su Chiga Aya'fama afasundeccuja qquen tevaen'fa: Israendeccu, que'ija cuarenta canqque'fave a'i menia can'jemba ¿ñoa'me ñanga ti qui afe'fa que'i osha'choma fi'ttipa afe'choma?

Tson'fa'cho 7:42 ပူးပေါင်းရင်းမြစ်များ

2 Reyes 17:16

Osha'chove Na'su tise'pa Chiga manda'choma catipa cu'a yoshavama tssutssiamba dos ñoña'cho vaura du'shuve ñoña'fa tsama iñajañe tise'pa chigave. Toya'caen tsu Asera quini'ccoma ccutsian'fa tsama'qque iñajañe. Osha'cho sefacconi jincho'choma chiga qquen in'jamba Baalma'qque iñajan'fa.

Salmos 95:10

Tsa'cansi cuarenta canqque'fave gi tsendeccuma iyicca'yepa qquen su: ‘¡Va aindeccuja ña manda'choma pañambipa tise'pa in'janqquia'caen injanga canse'fa!’

Jeremías 19:13

Jerusalén'su tsa'o, Judá nasundeccu tsa'o'qque tsu Tofet'caen egae da'faya. Toya'caen tsa tsao'cco omba'su ppappacco'qque tsu tsa'caen egae da'faya. Nane tseni tsu ñome'bama oque oraemba osha'cho sefacco'su o'fema chigama'caen iñajamba tise'pa vino afe'choma'qque fiña'fa faesu chigandeccuma iñajañe.’ ”

Juan 6:45

Nane Chiga Aya'fama afasundeccu tevaen'jengata tsu qquen: “Chigaja poiyi'cco tsendeccuma atesiaña.” Tsa'cansi poiyi'cco Chiga Quitsama pañamba in'jan'chondeccuja ñanga jiya'chondeccu tsu.

Tson'fa'cho 13:40

Injama'tse in'jan'faja tayopi'su Chiga Aya'fama afasundeccu qquen tevaen'cho que'inga dasa'ne:

Tson'fa'cho 7:36

Moisésja Egipto andeni sefani'su agattoen'choma, sefani'su canjaen'choma'qque canjan'jen. Cu'a Marni'qque tsa'caen tsomba ingi tayopi'su coenzandeccuma Egipto'ye somboemba ccushaen. Toya'caen tsendeccu cuarenta canqque'fave a'i menia can'jensi Moisésja tsa'caen sefani'su canjaen'choma canjaen.

Hebreo'su 3:9

Que'i tayopi'su coenzandeccuja tsa'caen a'i menia can'jemba Ñama pañambipa injanga Ñama patsu qquen tsincon'fa. Ñajan cuarenta canqque'fave tise'pama ñotsse tsonsi tsu atte'fa. Atte'ma toya in'jambipa Ñama patsu qquen tsincon'fa.