Tson'fa'cho 5:9 - Cofán: Chiga Tevaen'jen

⁹ Tsonsi Pedroja su: —¿Jongoesie qui que'ija fae'ngae Na'su Chiga Qquendya'panga ya'caen afopoen qquen tson'jen'fa? Que canjan. Tsotefae tsu jiña'fa que tsa'nduma atusundeccu. Quema'qque tsu anga'faya.

Tson'fa'cho 5:9 ပူးပေါင်းရင်းမြစ်များ

Génesis 20:13

Toya'caen Chiga mandasi ña yaya tsaone sombopa cca'tti cca'tti jacamba gi tisema su cuintsu mani jacan'an'qque ñajan tise quindya qquen suye.

Salmos 78:56

Tsa'ma ccase injanga tson'jen'fa Chiga tsoña'chove atesuye. Joccapitssia Chigama pañambipa tise'pa in'janqquia'caen tson'fa. Na'su manda'choma chi'gapa tsa'caen tson'fambi.

Éxodo 17:2

Tsa'cansi tsu aindeccuja Moisési'ccu qquen afacco'fa: —¡Tsa'ccuma afeja ingi cui'ye! Tsonsi Moisésja su: —¿Jongoesie qui ñai'ccu afacco'fa? ¿Jongoesie qui Chigama noñangiancán'fa?

Éxodo 17:7

tsa'caen tsomba tse'ttima Meriba qquen inisian. Nane israendeccu afacco'fattisi tsa'caen inisian. Toya'caen Masah qquen inisian, israendeccu Chigama noñangiamba'ttisi. Nane noñangiancamba tsu qquen su'fa: “¿Can'jen miconde Na'su Chigaja ingi'ccu? ¿Tsambi'ta me'in?”

Miqueas 7:3

Egae tsincoñejan ñoa'me injama'pandeccu tsu. Ande na'su afe'chove isuye in'jamba tsu manda'je'fa. Injama'choma somboen'su'qque corifin'dima isuye atesu afe'sune ñotsse afaye. Joccapindeqquiaja tise'pa in'jangae in'jan'chove tsomba fae'ngae ñoña'fa canqquesundeccuma dañoñe.

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Mateo 4:7

Jesúsja su: —Toya'caen tsu Chiga Tevaen'jenjan qquen su: “Chigaja que Na'su tsu. Tisema qqueñambe canjan.”

Lucas 16:2

Tsama pañamba na'suja shondo'suma ttu'sepa iñajampaña: “¿Jongoesu tsu va ña quene paña'jen'choja? Pa'cco que chavapa chavaen'choma tevaenjan ña atteye. Tsa'ma queja ti'tsse ña corifin'dima coira'suve can'jeñambi qui.”

Tson'fa'cho 15:10

Tsa'can'ma ¿jongoesie qui que'ija ja'ño Chiga tson'choma in'jambipa Moisés manda'choma israembindeqquianga'qque manda'fa? Tsata tsu tssai'a andu'choma anduqquia'can. Nane ingi ni ingi tayopi'su coenzandeccu'qque va manda'choma tsoñe osha'fambi.

Tson'fa'cho 5:6

Tsonsi chu'a tsandiendeccu jipa tise ai'voma ugapa anga'fa a'tuye.

Romanos 10:15

Toya'caen ¿ma'caen tsu afa'suja jipa condaseya majan tisema moembian'da? Nane Chiga Aya'faja qquen tsu su: Chiga Aya'fama afasundeccu tsui jiñasi ñoa'me gi avujatssi'fa. Nane opatsse canseya'chove ñotsse condase'choma tsu condase'fa.

Romanos 3:19

In'jan'fa gi Chigaja Tise manda'choma conda israendeccunga tise'pa egae tsincon'choma canjaeñe. Tsa'caen canjaensi tsu Chiga tise'pa injama'choma somboeña'chove atesu'faya. Nane poi ande'su aindeccu'qque tsu tisupa egae tsincon'cho shacama atesupa ziya'faya. Chigaja poimbe injama'choma somboeña.

1 Corinto'su 10:9

Na'su Chigama iyicca'yian qquen tsonjama. Majan ingi tayopi'su coenzandeccu tsa'caen tsonsi Chigaja iyoi'ccu tise'pama fi'tti.