Tson'fa'cho 4:18 - Cofán: Chiga Tevaen'jen

¹⁸ Tsa'caen afaccopa tsendeccuma ttu'sepa iyu'upa se'pi'fa cuintsu Jesúsne majangayi'qque condasepa atesiambeyi can'faye.

Tson'fa'cho 4:18 ပူးပေါင်းရင်းမြစ်များ

Éxodo 1:17

Tsa'caen mandasi paña'an'qque du'shuma isiansundeccuja Chigama dyoe'sui'ccu in'jamba egipto'su na'su mandaqquia'caen tsombipa dushundeccuma fi'ttimbe'yi antte'fa cuintsu canse'faye.

Amós 7:13

Tsa'ma va Betelni, ti'tsse jipa afajama. Vata tsu ande na'su chigama iñajan'jen'tti. Pa'cco ande'suma ti'tsse'tssia chiga etti tsu.

Tson'fa'cho 1:8

Tsa'ma Chiga Qquendya'pa que'ima in'jaen'nijan que'i'qque qui osha'choma osha'faya. Tsa'caen oshapa qui ñane Jerusalén canqqueni condase'faya. Toya'caen qui Judea andeni, Samaria andeni, ñoa'me poi biani'su andenga'qque ñane condase'faya.

Tson'fa'cho 5:20

—Que'ija japa Chiga ettinga ccutsupa pa'tssi va ñotsse canseya'chove atesian'jen'choma aindeccunga condase'faja.

Tson'fa'cho 5:28

—Tayo gi que'ima quia'me manda Jesúsne atesiambe can'faye. Tsa'ma tsa'caen se'pi'fa'ni'qque ¿toya ti qui tsa'caen atesian'jen'fa? Nane ja'ñojan poiyi'cco Jerusalensundeccu tsu que'i atesian'jen'choma paña'fa. ¿Ñoa'me inginga ti qui Jesúsma fi'tti'fa'cho shacama antteye in'jan'fa?

Tson'fa'cho 5:40

Gamaliel qquen susi poiyi'cco pañamba in'jan'fa tise su'choma. Tsomba Jesúsne afasundeccuma ttu'sepa ma'ppi'fa. Tsa'caen ma'ppipa iyu'u'fa cuintsu Jesúsne afambeyi can'faye. Iyu'upa somboemoen'fa.