Tson'fa'cho 4:13 - Cofán: Chiga Tevaen'jen

¹³ Pedro, Juan, tsa'caen dyombi'tsse afa'fasi nasundeccuja asi'ttaen'fa: “Vandeccuja aqquia a'i, escoeranga bo'tsse ca'nimbindeqquia'ta ¿ma'caen tsu ya'cantsse afa'fa?” Qquen asi'ttaemba in'jan'fa tsendeccuja fae'ngae Jesúsi'ccu jacansundeccu.

Tson'fa'cho 4:13 ပူးပေါင်းရင်းမြစ်များ

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Mateo 26:71

Tsomba sombo'ttinga sombo jisi faesu sema'su pushesu tisema attepa tseni can'jensundeccunga su: —Va tsandieja Jesús Nasarenoi'ccu jacan'su tsu.

Mateo 26:73

Omboe cca'i tse'tti ccutsusundeccu Pedronga catsepa su'fa: —Ñoa'me qui tsa'suyi. Que'qque tsendeqquia'caen afa'jesi gi tsa'caen in'jan'fa.

Lucas 22:8

Tsa'cansi Jesúsja Juani'ccu Pedroma moen qquen supa: —Japa ñoña'faja Chiga panshaen'cho injienge'cho aña'choma aña'chove.

Juan 19:26

Jesúsja tise chama attepa ña tise in'jan'cho shondo'suma'qque attepa tise changa su: —Mama, tsa tsu que du'shuja.

Juan 7:15

Israe nasundeccuja can'boemba su'fa: —¿Ma'caen tsu va a'ija osha'choma atesucho, ingi Chiga Aya'fa escoeranga ca'nimbe'ta?

Juan 7:49

Tsa'ma va Chiga manda'choma atesumbindeqquiaja Chiganga catiye'fa'chondeccu tsu.

Tson'fa'cho 4:14

Toya'caen a'i ccusha'cho'qque tsendeccui'ccu fae'ngae ccutsusi attepa jongoesu qquen afaye osha'fambi.

Tson'fa'cho 4:19

Tsa'ma Pedro, Juan'qque pañamba su'fa: —¿Jongoesu tsu Chigane ti'tsse ñotssi, qquen qui in'jan'fa? ¿Que'ima ti pañañe o Chigama ti pañaña'cho?

Tson'fa'cho 4:29

Ja'ñojan, Na'su, tise'pa iyu'u'choma pañamba que shondosundeccuma fuiteja ingija dyombi'tsse que Aya'fama afa'faye.

Tson'fa'cho 4:31

Chigama iñajan nanisi tise'pa bo'je'ttija oya. Tsa'caen oyasi poiyi'cconga Chiga Qquendya'pa ca'ni. Ca'nisi dyombi'tsse Chiga Aya'fama afa'je'fa.

Tson'fa'cho 9:27

Tsa'ma Bernabé Sauloma anga Jesúsne afasundeccunga cuintsu cachuiccoye. Tsa'caen angapa Bernabéja pa'tssima conda ma'caen tsaiqui'ye jayisi Na'su Jesús Saulonga attiamba conda'choma, ma'caen Saulo'qque dyombi'tsse Damasconi Jesúsne condase'choma.

Tson'fa'cho 9:28

Tsa'caen condasesi Sauloja Jerusaléni can'jemba fae'ngae jacan Jesúsne afasundeccui'ccu.

1 Corinto'su 1:27

Tsa'ma Chigaja va ande'su “injiengembindeqquiama” tsu ttu'se cuintsu injama'pandeqquiama qqueña'faye. Va ande'su “quin'su mechondeqquiama” ttu'se cuintsu mandasundeccuma qqueña'faye.

1 Corinto'su 14:25

Nane Chiga Aya'faja pa'cco tise'pa injama'cho ma'caen asi'ttaemba in'jan'choma tsu canjaeña. Tsa'caen canjaensi in'jamba tsu ccarupa Chigama iñajan'faya. Chiga ñoa'me que'i'ccu can'jen'chove tsu atesupa conda'faya.

2 Corinto'su 3:12

Moisésja tise camba'ju chanjun'cho pasaya qquen in'jamba fanangopa jacan. Tsa'caen tsu jacan israendeccu a'tatssia pasa'choma attesa'ne. Tsa'ma ingija va ñotssia pasa'masia injancco'fa'chone atesupa gi dyombi'tsse candusian'fa.