Tson'fa'cho 3:13 - Cofán: Chiga Tevaen'jen

¹³ Nane Abraham Chiga –tsa Isaac, Jacobmbe Chiga– ingi coenzandeccumbe Chiga –tsayi tsu Tise Dutssi'ye Jesúsma ñoa'me'qque ti'tsse'tssia've tson. Tsa'ma que'i tsa Jesúsma indipa Pilatonga afe'fa. Pilato Jesúsma ccupaye in'jansi que'ija Jesúsma chi'gapa se'pi'fa.

Tson'fa'cho 3:13 ပူးပေါင်းရင်းမြစ်များ

Éxodo 3:13

Tsa'ma Moisésja ccase afapa su: —Ña israendeccunga japa: ‘Tsa que'i coenzandeccumbe Chiga tsu ñama que'ini moe’ qquen ña susi tsendeccu: ‘¿Jongoesu inise tsu?’ qquen iñajampaña'ninda ¿jongoesu qquen gi suya?

Éxodo 3:15

Toya'caen Chigaja Moisésnga su: —Toya'caen israendeccungaja qquen suja: ‘Na'su Chiga Quitsa que'i tayopi'su coenzandeccumbe Chiga, nane Abraham, Isaac toya'caen Jacobmbe Chiga tsu que'ini ñama moe.’ Tsangae tsu tsa ña iniseja jinchoya. Nane tsangae tsu a'ija tsesu qquen ñama injan'jen'faya.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

Mateo 20:19

Fi'ttiye mandapa tsu israembindeqquianga ñama afe'faya. Tsendeccu ñama afasepa ma'ppi'faya. Ma'ppipa ñama avuja'cconga otipa fi'tti'faya. Papa tres a'tangae gi ccase qquendyaya.

Mateo 22:32

“Ña gi Abraham, Isaac, Jacobmbe Chiga.” Nane Na'su Chigaja pa'chombe Chigambi tsu. Tsa'ma cansendeccumbe Chiga tsu.

Mateo 27:2

Fi'ttiye in'jamba candenai'ccu Jesúsma tandamba governaror Pilatonga anga'fa. Angapa Pilatonga afe'fa cuintsu fi'ttiye mandaye.

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Marcos 15:11

Tsa'ma Chigama afa'su nasundeccuja aindeccunga afafaen'fa bove ñotsse Barrabásma ccupaye iñajan'faye.

Lucas 22:57

Tsa'ma Pedroja qquen supa a'tien: —Pushesu, ni ñajan tisema atesumbi.

Lucas 23:4

Tsonsi Pilatoja Chigama afa'su nasundeccuma, a'i bo'fa'chondeccuma'qque su: —Ñajan tisene shacapave attembi gi.

Lucas 6:37

Cca'i egae tsincon'choma ttatta'fambian'da Chiga'qque que'i egae tsincon'choma tta'ttaya'bi. Ni cca'imbe egae tsincon'cho shacane qquen afambian'da Chiga'qque que'i egae tsincon'cho shacane afaya'bi. Cca'indeccu que'ima egae tsincon'ninda tise'pama in'jamba tise'pa egae tsincon'choma aqquepoen'faja. Tsa'caen aqquepoe'ninda Chiga'qque que'ima in'jamba que'i egae tsincon'choma aqquepoeña.

Juan 12:16

Méttia'ye ingi Jesúsma shondosundeccu vama ñotsse paña'fambi. Tsa'ma Jesús sefacconi ansundesi gi va tisene tevaensi tsa'caen tson'choma in'jan'fa.

Juan 18:40

Tsa'caen susi poiyi'cco fundopa afa'fa: —¡Tsamajan me'i! ¡Barrabásma ccupaja! Tsa Barrabásja ccanamba tsu.

Juan 19:11

Jesúsja su: —Chiga anttembiecan'da qui ñane mandaye oshambiye'can. Tsa'cansi ñama quenga afesundeccu tsu quema ti'tsse shacapa'fa:

Juan 19:12

Tsa'caen susi Pilatoja ma'caen Jesúsma ccupaya'chove tta'tta. Tsa'ma israendeccuja quia'me su'fa: —¡Tsama ccupa'ta Romano Na'su César amigoya'bi qui! ¡Majan na'suve daye in'jan'da Romano Na'su César chi'ga'choya tsu!

Juan 19:15

Tsa'ma tise'paja fundo'fa: —¡Cuintsu paja! ¡Cuintsu paja! ¡Avuja'cconga fi'ttija! Pilatoja su: —¿Tsuin'da ti gi que'i na'suma avuja'cconga fi'ttiya? Tsa'ma Chigama afa'su nasundeccuja su'fa: —¡Romano Na'su César tsu ingi na'su. Faesuja me'i'on!

Juan 7:39

Jesúsja Chiga Qquendya'pane tsu tsa'caen afa jai'ngae tise've in'jan'chondeccu isuya'chone. Nane Jesús toya Chiga sefacconi ansundembisi Chiga Qquendya'paja toya a'ima injaen'jembi.

Tson'fa'cho 22:14

Tiseja su: “Ingi coenzandeccumbe Chiga tsu quema in'jamba ttu'se Tise in'jan'choma pañamba atesuye. Quema tsu ttu'se Tise Ñotssia Dutssi'yema attepa pañañe.”

Tson'fa'cho 24:14

Tsa'ma vamajan dyombi'tsse gi su: Chiga ñotsse condase'choma pañamba gi Chiga Quitsama iñajan ingi tayopi'su coenzandeccu iñajanqquia'caen. Tsa'ma vandeccuja tsa ñotsse condase'choma egae atesian'cho tsu qquen su'fa. Pa'cco Moisés manda'cho tevaen'jema, pa'cco Chiga Aya'fa afasundeccu tevaen'choma'qque gi in'jan.

Tson'fa'cho 3:12

Tsonsi Pedro tsendeccuma attepa su: —Israendeccu ¿jongoesu qquen in'jamba qui ingima can'boen'fa? ¿Jongoesu qquen qui asi'ttaen'fa? ¿Ingija tisupayi oshapa ccushaen'fa qquen ti qui in'jan'fa? Me'i. ¿Ingija Chigave ñotsse in'jamba ccushaeñe osha'fa qquen ti qui in'jan'fa? Me'i.

Tson'fa'cho 3:26

Tsa'cansi Chigaja Tise Dutssi'yema ccase qquendyaemba que'inga o'tie moen. Tsa'caen tsu que'ima ñotssiave tson cuintsu que'i egae tsincon'choma anttepa avujatsse canse'faye.

Tson'fa'cho 4:27

Ñoa'me tsu va canqqueni Na'su Herodes, Governaror Poncio Pilato'qque, israembindeqquia, israendeccu'qque bopa quembe ño'a Dutssi'ye Jesúsma iyicca'ye'fa.

Tson'fa'cho 4:30

Queja osha'choma oshachopa pajisundeccuma ccushaemba sefani'su canjaen'cho, sefani'su agattoen'choma'qque canjaenjan cuintsu poiyi'cco a'i attepa que Ño'a Dutssi'ye Jesúsve in'jamba tise iniseningae tsa'caen tson qquen in'jan'faye.

Tson'fa'cho 7:32

qquen su'choma: “Ña gi que coenzandeccu'yembe Chiga. Nane Abraham, Isaac, Jacobmbe Chiga gi.” Qquen susi Moisésja ttun'dundu'je'e dyopa cañe oshambi.

Romanos 9:5

Israendeccuja tayopi'su joccapitssia coenzandeccumbe dushundeccu tsu. Tsendeccune tsu Cristoja ji. Nane a'ive dasi israe a'i isu'cho tsu. Cristoja Chiga tsu, osha'choma joccapitssia. Tsangae Tisema ñotsse afa'faja. Tsangaeyi.

Hebreo'su 2:9

Manda'je'fambi'a'qque gi in'jan'fa Jesúsma. Nane Jesúsja sefaccone jipa re'riccone Chigama sefacconi'su shondosundeccuma utu'ccoa've dapa paqque'su a'ive da. Chiga a'ima in'jamba mandasi Tiseja poi a'i egae tsincon'choma joqquitssiañe pa. Tsa'caen pasi tsu Tisenga otifaenqquia'caen ñotsse afapa joccapitssia Na'suve tson.

Canjaen'cho 1:18

Cansian'su gi. Papa gi ccase qquendya. Qquendyapa tsangae gi canse. Nane pa'chombe na'suma patsupa gi na'suve da. Pa'chondeccu can'jen'ttima fetta'je'cho yavema itsapa gi an'bian.

Canjaen'cho 1:5

Jesucristo'qque tsu tsa'caen chigambian. Nane Jesucristoja tansintsse tsu Chigama inginga canjaen. Papa aisheve ccase qquendya'su tsu. Poi ande'su na'suma manda'su tsu. Jesucristoja ingima ñotsse in'jamba tise anjampai'ccu ingima onjoemba ingi egae tsincon'choma ccucha.