Tson'fa'cho 28:28 - Cofán: Chiga Tevaen'jen

²⁸ Tsa'cansi poiyi'cco ñotsse paña'faja. Ja'ñojan va Chiga ñotsse ccushaeña'chomanda tsu israembindeqquianga'qque condaseya'cho. Tsendeccu tsu ñotsse paña'faya ccushaya'chone.

Tson'fa'cho 28:28 ပူးပေါင်းရင်းမြစ်များ

Isaías 52:10

Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Lucas 3:6

Nane tsa'caen tsu injama'choma ñoñaña'cho poiyi'cco a'i Chiga tise'pama ccushaeña'choma in'jañe.”

Tson'fa'cho 11:18

Tsonsi Pedro condase'choma pañamba ccaningae afambe'yi Chigane ñotsse afapa su'fa: —Ja'ño gi atesu'fa. Chigata tsu israembindeqquianga'qque egae tsincon'choma antteye in'jaña'chove afe cuintsu tsangae canse'faye.

Tson'fa'cho 13:26

Antiandeccu, Abraham dutssiyendeccu, poiyi'cco que'i majan Chigave in'jamba Tisema dyoe'sui'ccu can'jendeccu'qque, paña'faja va que'ima ccushaeña'chone condase'choma.

Tson'fa'cho 13:38

Antiandeccu, atesu'faja: Va tsandieta tsu a'i egae tsincon'choma joqquitssian'su. Tsane gi que'inga condase.

Tson'fa'cho 14:27

Tseni Antioquíani napipa Jesúsve in'jamba bo'je'chondeccu bo'faye ttu'se'fa. Ttu'se boñamba condase'fa ma'caen Chiga Quitsa tise'pai'ccu osha'chove tson'choma. Toya'caen conda'fa ma'caen Chiga Quitsa anttesi israembindeqquia'qque Jesúsne pañamba in'jan'fa'choma.

Tson'fa'cho 15:14

Simón Pedro tsu tayo inginga condase ma'caen Chigaja tseyi me'ttia'ye israembindeqquiama in'jamba tise'pama'qque ttu'se cuintsu Tise a'ive da'faye.

Tson'fa'cho 15:17

cuintsu cca'indeccu Na'suve tta'ttapa in'jan'faye. Nane poiyi'cco israembindeqquia'qque tsu ña aindeccuve da'faya.

Tson'fa'cho 18:6

Tsa'ma israendeccuja Pablo atesian'jen'choma chi'gapa afaseye ashaen'fa. Tsa'caen afase'fasi Pabloja tise ondiccu'jema fanttundu, tise'pama tsangae catipa jayi qquen canjaeñe. Tsa'caen tsomba su: —Tisupayi qui shacapa'fa que'i tsangae catiyeya'chove. Ñajan que'ine shacapa'bi gi. Ja'ñojan israembindeqquianga gi japa condaseye.

Tson'fa'cho 2:14

Tsonsi Pedro faesu oncei'ccu ccutsupa poiyi'cco a'inga quia'me afapa su: —Israendeccu, poiyi'cco Jerusaléni can'jensundeccu, vama atesu'faja. Ñotsse paña'faja ña su'choma.

Tson'fa'cho 22:21

Tsonsi Na'suja ñama su: “Queja ccani jaja. Biani israembindeqquianga gi quema moeña.”

Tson'fa'cho 28:29

Tsa'caen Pablo susi pañamba israendeccuja sombopa tisupapora afaccopa jaja'fa.

Tson'fa'cho 4:10

ñotsse paña'faja cuintsu poiyi'cco israendeccu'qque paña'faye. Jesucristo Nasareno va a'ima ccushaensi tsu tiseja que'i enttingeni ccutsu. Tsa Jesús tsu que'i avuja'cconga otipa fi'tti'cho. Tsa'caen fi'ttisi Chiga Quitsaja tisema pa'cho'ye ccase qquendyaen.

Tson'fa'cho 9:15

Tsa'ma na'suja Ananíasnga su: —Dyombe jaja. Tsa Saulo tsu ña in'jan'cho, cca'indeccunga ñane condase'su. Tise'pa nasundeccunga'qque, toya'caen israendeccunga'qque tsu ñane condaseya.

Romanos 11:11

Ja'ño, israendeccu zuccopanshan amppiqquia'caen qque'ta ¿tsangae ti qque'fa? Me'i. Tsa'ma tise'pa qque'fasi israembindeqquia pañamba ccusha'fa. Israembindeqquiaja tsa'caen ccusha'fa cuintsu israendeccu'qque tise'pa'caen ccushaye in'jan'da tise'panga ma'de'faye.

Romanos 4:11

Chigaja “Abrahamjan ño'a” qquen supa tisema manda cuintsu tisu ttonoma tevaeñe tiseja tayo Chigave in'jan qquen canjaeñe. Tsa'camba tsu Abrahamjan poiyi'cco Chigave in'jan'chondeccumbe yaya. Nane ttonoma tevaembindeqquia'qque Chigave in'jan'da Abraham dushundeccuve tsu da'fa. Chigaja tsendeccuma'qque su “Que'ija ño'a'fa qui.”