Tson'fa'cho 27:23 - Cofán: Chiga Tevaen'jen

²³ Ña gi Chiga Quitsama shondo'su. Tsaja ña na'su tsu. Nane ja'ño cose tsu Tisema sefani'su shondo'su ñanga catse ccutsupa

Tson'fa'cho 27:23 ပူးပေါင်းရင်းမြစ်များ

Éxodo 19:5

Tsa'camba que'i ñama ñotsse pañamba ñai'ccu injancco'ta qui ñoa'me ña aindeccu'faya. Nane poi ande'su aindeccu tsu ñambe'fa. Tsa'ma que'ija poiyi'cco aindeccuma ti'tsse ñambe'faya qui.

Jeremías 31:33

Nane qquen tsu ña tsequi a'ta Israeli'ccu fae'ngae injanccoya'cho: Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Tise'pa tsa'caen ña aindeccuve dasi gi ñajan tise'pa Chigave daya. Ña, Na'su Chiga gi que'inga conda.

Jeremías 32:38

Nane ñajan tise'pa Chigave dasi tsendeccuja ña aindeccuve da'faya.

Daniel 3:17

Ingi Chiga, tsa ingi iñajan'jen'cho, tsu osha'choma oque'jeccu'su si'ngeye ccushaemba Que Ti'tsse'tssia ma'caen egae tsoñe injan'cho'ye'qque ingima ccushaeña.

Daniel 3:26

Tsa'caen supa Nabucodonosorja osha'choma oque'jeye ñoñaccu'sumbe sombo'ttinga catsepa quian'me qquen fundo: —Sadrac, Mesac toya'caen Abednego, ti'tsse joccapitssia Chigama shondosundeccu, ¡sombopa ji'faja vani! Tsa'caen susi tres dusungandeccu si'ngeye sombo'fasi

Daniel 3:28

Tse'faei'ccuyi na'su Nabucodonosorja qquen afa: “Ñotssia tsu Sadrac, Mesac toya'caen Abednegombe Chiga. Tise sefacconi'su shondo'suma tsu moe cuintsu tise'be ño'an shondosundeccuma si'nge'ye ccushaeñe, tsa na'su mandaqquia'caen tsombindeqquia'ma. Nane tise'pa Chigambisi, tsa ñoña'cho chiganga ccarupa iñajan'choma bove ñotsse tsu junde paye, qquen tsu in'jan'fa.

Daniel 6:16

Tsa'caen su'fasi na'suja manda cuintsu Danielma ipa ttesi changonga ttova moe'faye. Tsa'ma toya tsa'caen tson'fambi'te na'suja Danielnga qquen su: —Que Chiga, tsa que ñoa'me in'jamba tsain'bitsse shondocan'cho, tsu quema ccushaeña.

Daniel 6:20

Tayo pporotsse japa na'suja ñoa'me ñombi'ye'cho aya'fai'ccu Danielma qquen afa: —Daniel, Cansian Chigama shondo'su, ¿que Chiga, tsa que ñoa'me in'jamba tsain'bitsse shondocan'chota ti ttesindeccu'ye quema ccushaeñe osha?

Daniel 6:22

Ña Chiga tsu tisema sefacconi'su shondo'suma ñani moe cuintsu ñama mingae tson'fasa'ne ttesi aya'fama piccoye. Nane Chigata tsu atesu ñajan ño'an a'ive, toya'caen ñajan mingae Que Ti'tsse'tssiama egae tsincombi'choa've.

Zacarías 13:9

Ña anttesi toya canse'chondeccuma gi si'nge'ye panshaenqquia'caen vanaeña. Tsa'caen tsomba gi tise'pama giyaeña, totoacorima tssutssiamba giyaenqquia'caen. Ñoa'me coriama'caen gi tise'pama si'ngei'ccu giyaeña. Giyaensi tsu ñama iñajan'faya. Iñajan'fasi gi tise'pama pañaña. ‘Tise'paja ña aindeccu tsu’ qquen ña susi ‘Na'suja ingi Chiga tsu’ qquen tsu su'faya. Ña, Na'su Chiga, gi tansintsse conda.”

Juan 12:26

Majan ña a'ive dapa shondocañe in'jan'da ñama tsu paña'faya'cho. Mani ña can'jen'ni'qque tseni tsu ñama shondo'su'qque can'jen'faya. Majan ñama shondocansi tsama tsu ña Yayaja ñotsse in'jan.

Tson'fa'cho 12:23

Qquen fundo'je'fasi Herodesja “Ñajan chigambi” qquen condambisi Chigama sefacconi'su shondo'suja tse'faei'ccuyi tisema pporaen. Tsa'caen pporaensi pave dapa misiangepa pa.

Tson'fa'cho 16:17

Tsa pushesu tsu Pabloma, ingima'qque omboemba qquen fundondo'e afa'je: —¡Vandeccuta tsu ñoa'me Joccapitssia Chigama shondosundeccu! ¡Que'inga tsu condase'je'fa ma'caen ccusha'faya'chone!

Tson'fa'cho 18:9

Tsa'caen tsonsi Na'su Jesúsja cose Pablonga attiamba su: —Dyombe'yi condaseja. Ziyajama.

Tson'fa'cho 23:11

Cosesi Na'su Jesúsja Pablonga attiamba su: —Dyombe canjan. Queja ñane Jerusaléni condaqquia'caen qui Roma canqqueni'qque ñane condaya.

Tson'fa'cho 5:19

Tsa'ma cosesi Chigama sefani'su shondo'su jipa picco'je'cho etti'su sombo'ttima fettapa tsendeccuma somboemaña qquen supa:

Tson'fa'cho 8:26

Tsonsi omboe Chigama sefacconi'su shondo'su Felipenga jipa su: —Jangipa ccani jaja Gaza canqqueni ja'je'cho tsaiquingae –tsa Jerusaléne ande'jeni. Tsa tsaiqui tsu a'i meniangae ja'cho.

Romanos 1:1

Ña Pablo gi Jesucristoma shondo'su. Tise tsu ñama ttu'se tisema afa'suve. Ttu'sesi gi ñajan Chiga ñotsse condase'choma condaseye canse.

Romanos 1:9

Ñajan pa'cco injama'choi'ccu Chigama shondo'supa gi Tise Dutssi'yene ñotsse condase'choma condase'je. Chigama iñajamba gi anttembe'yi que'ine iñajan'jen. Chigaja tsama pañamba ñoa'me in'jan.

Romanos 6:22

Tsa'ma ja'ño egae tsincon'cho manda'cho'ye sombopa qui Chigambema sema'jen'fa. Tsa'camba qui Chigane ñotsse isu'fa. Ja'ño tisuma Chiganga afepa qui Tise ttu'se'cho a'ive dapa Tisei'ccu jacan'fa. Jai'ngae qui Tisei'ccu tsangae canse'faya.

1 Corinto'su 6:20

Nane Jesús anjampai'ccu que'ima chavaqquia'caen Chigaja que'i na'suve tsu da. Tsa'cansi que'i ai'vo, que'i qquendya'pa'qque Chigambesi Chiga in'janqquia'caen Tisema ñotsse in'jamba canse'faja.

2 Timoteoga 1:3

Ña tayopi'su coenzandeccuja Chigave in'jamba tansintsse Tise mandaqquia'caen canse'fa. Tsendeccu tsa'caen canse'fasi gi ña'qque tsa'caen cansepa anttembe'yi quene Chigama iñajamba ñotsse afa'je. Nane a'ta, cose'qque quema injan'jemba gi Chigama iñajan.

2 Timoteoga 2:24

Tsa'ma Na'su Jesúsmbe sema'suta tsu iyiccombe'yi canseya'cho. Iyicca'yembe'yi tsu poiyi'cconga ñotsse tsoña'cho. Atesiañe oshapa tsu tsa'caen in'jaña'cho.

2 Timoteoga 4:17

Tsa'ma Na'su Jesús ñai'ccu can'jemba tsu ñama quiñaen. Quiñaensi gi a'tatsse pa'cco Jesucristone ñotsse condase'choma conda. Condasesi tsu poiyi'cco israembindeqquia'su nasundeccu'qque paña'fa. Tsa'caen tsu Na'su Jesúsja fi'ttiya'chone ñama ccushaen ttesinga cati'je'fa'choma ccushaenqquia'caen.

Titonga 1:1

Ña Pablo gi Chigambe sema'su. Jesucristone afa'su gi. Jesúsja ñama ttu'sepa moen Chiga in'jan'cho aindeccuma fuitesi cuintsu Tise've ti'tsse in'jan'faye. Tsendeccunga tsu ñama moen Chiga tansintsse su'choma atesiansi cuintsu ñotsse atesupa canse'faye.

Titonga 2:14

Tise tsu tisuma afepa pa ingima ccushaeñe osha'cho egae tsincon'cho'ye. Ingima tsu ccushaen cuintsu tise a'ive dapa egae tsincon'chove mecho canse'faye. Ñoa'me ingija tise aindeccupa gi ñotsse tsoña'chove in'jamba canse'fa.

Hebreo'su 1:14

Nane poiyi'cco Chigama sefacconi'su shondosundeccuja Chigama fuitesundeccu tsu. Chigaja tise'pama ttu'sepa qquendya'pama moenqquia'caen a'ima fuite'faye moen. Majan Chiga ccushaeña'chove isuya'chondeccuma fuite'faye tsu manda.

Canjaen'cho 22:16

—Ña, Jesús gi ñama sefacconi'su shondo'suma moen va canjaen'choma quenga canjaeñe. Quema canjaen cuintsu queja poiyi'cco ñame in'jamba bo'fa'chondeccunga condaye. Ñajan agattoen'supa gi tayopi'su Davidma otien'su. Toya'caen gi David omba'su dutssi'ye. A'tatssia've chanjumba ataje'cho gi.