Tson'fa'cho 26:29 - Cofán: Chiga Tevaen'jen

²⁹ Tsonsi Pabloja su: —Jm jḿ, junde, tsambi'ta jai'ngae que tsa'caen da'ninda ñotssi tsu. Tsane gi Chigama iñajan'jen quene, toya'caen poiyi'cco ñama ja'ño pañasundeccune'qque cuintsu ña'caeñi da'faye –tsa'ma candename mechoyi.

Tson'fa'cho 26:29 ပူးပေါင်းရင်းမြစ်များ

2 Reyes 5:3

tisema su: “¿Ma'caen'qque ña na'su Samariani japa tseni'su Chiga aya'fama afa'sunga catse'ta tsu tise na congomba paqque'suma ccushaya?”

Éxodo 16:3

qquen supa: —Ma'caen'qque Na'su Chiga ingima Egiptone somboembiecan'da gi tseni pa'faye'can. Tseninda gi aña'cho api'ccu pporotsse dyaipa tteppu'tsse an'jen'fa. Tsa'ma que'ija va a'i menianga i'fa ingi poiyi'ccoma qquipoe'sian fi'ttiye.

Jeremías 38:20

Tsa'ma Jeremíasja su: —Ñoa'me Que Ti'tsse'tssiama noñangiansundeccunga afe'faya'bi tsu. Chigáne, Que Ti'tsse'tssia, ña quenga condase'cho Na'su Chiga Aya'fama pañajan. Nane tsama paña'da qui ñotsse can'jemba ccushaya.

Números 11:29

Tsa'ma Moisésja qquen su: —¿Ñameñi injan'jemba ti qui se'pi? Isha tsu Na'su Chigaja tise Qquendya'pama poiyi'cconga afeya cuintsu Chiga aya'fama afa'je'faye.

Juan 5:34

Tsa'ma tta'ttambi gi a'i su'cho ñajan Chiga Dutssi'ye qquen canjaeñe. Aqquia vaveyi gi su que'i ccusha'faya'chone.

Tson'fa'cho 12:6

Pedroma fi'ttiya'cho a'ta napiji'ni tsequi cose Pedroja picco'je'cho ettini ana'jen. A'tasi Herodesja tisema somboeña'cho a'inga canjaemba fi'ttiye. Pedro tsa'caen ana'jensi tseccuni dos sundaro tisei'ccu can'jen'fa. Toya'caen dos candenai'ccu tandansi sundaro enttingeni tiseja ana'jen. Toya'caen faesu sundarondeccuja sombo'ttini ronda'je'fa, majan indiye'cho sombosa'ne.

Tson'fa'cho 21:33

Tsonsi coronelja catsepa Pabloma indiye manda; indipa cuintsu dos candenai'ccu tandan'faye. Tsomba iñajampaña jongoesu inise tsu Pabloja, tise mingae tsincon'chove'qque.

Tson'fa'cho 25:14

Bo'tsse can'jensi Festoja ande na'su Agripanga Pablone conda. Qquen tsu su: —Félix somboembeyi piccopa ja'cho a'i tsu can'jen.

Romanos 10:1

Faengasundeccu, ñoa'me injama'chone gi in'jan cuintsu israendeccu ccusha'faye. Tsa'caen in'jamba gi tise'pane Chigama iñajan'jen.

1 Corinto'su 4:8

In'jan gi tayo qui rico'fa. Jongoesuma que'i in'jan'choma tayo qui an'bian'fa. Ingima catipa na'suve da'fa qquen qui in'jan'fa. Nane que'ija ñoa'me na'suve da'choecan'da ñoa'me ñotssiye'can tsu cuintsu ingi'qque fae'ngae que'i'ccu manda'faye.

1 Corinto'su 7:7

Bove ñotssi tsu poiyi'cco ña'caen tisuyi can'jeñe. Tsa'ma in'jan gi poiyi'cco a'i tsu ccaninga'fa. Chigaja fae a'inga afeqquia'caen cca'indeccunga afembisi ccaningae tsu canse'fa.

2 Corinto'su 11:1

Sumbia'caen afaye tson'jemba gi in'jan que'i ñama paña'faye. Chigáne ñama pañamba in'jan'faja.

Efeso'su 6:20

Ñoa'me tsama condaseye gi Jesúsma shondo'su. Tisene condasepa gi yoshavai'ccu tandañemba can'jen. Chiga mandaqquia'caen tsu dyombi'tsse condaseya'cho. Tsa'cansi ñane Chigama iñajan'faja cuintsu Tise fuitesi ñajan Cristone tsa'caen dyombi'tsse condaseye.

Colosa'su 1:28

Ingija Cristone condase'fa. Poiyi'cco a'ima candusiamba gi atesian'jen'fa cuintsu osha'choma atesupa Jesucristoi'ccu jincho'faye. Tsa'caen jinchopa ño'ame da'fasi gi poiyi'ccoma Chiganga canjaen'faya.