Tson'fa'cho 21:5 - Cofán: Chiga Tevaen'jen

⁵ Tsa'ma ingija tseni fae avujaquive can'jemba jayi'fasi tseni'su Jesúsve in'jan'chondeccu, tise'pa pushendeccu, dushundeccu'qque ingima i moen'fa canqque'ye so'mbotsse. Sisipandunduni napipa poiyi'cco gi ccarupa Chigama iñajan'fa.

Tson'fa'cho 21:5 ပူးပေါင်းရင်းမြစ်များ

1 Reyes 8:54

Salomónjan tsa'caen Na'su Chigama iñajamba afe'je'ttima camba tsutta'choi'ccu puntssan dyai tise tivema sefacconingae yasapa. Iñajan nanimba

Salmos 95:6

¡Ji'faja! Jinge puntssamba ccaru dyaipa iñajan'faye. Jinge tisenga ccaru dyaipa Na'su ingima agattoen'suma ñotsse afa'faye.

Mateo 14:21

An'fa'chondeccu tsu tsandienaccuyi cinco milca'on. Toya'caen tsain'bio pushesundeccu, dushundeccu'qque an'fa.

Marcos 1:40

Tsa'caen tson'jen'ni fae tsandie, na congomba paji'cho, Jesúsnga catsepa ccarupa dyaipa su: —Que in'jan'da qui ñama ccushaeñe osha.

Lucas 22:41

Tsomba tiseja ti'tsse joccani ja –biambi'ccoe– patuma ttovaqquia'can'ccoe. Japa ccaru dyaipa Chigama iñajamba

Tson'fa'cho 15:3

Antioquía'su Jesúsve in'jamba bo'je'chondeccu tsa'caen mandamoen'fasi Fenicia ande, Samaria andengae jayipa poiyi'cconga conda'fa ma'caen israembindeqquia'qque Chiga Aya'fama pañamba in'jan'fa'choma. Tsa'caen conda'fasi poiyi'cco faenga'su Jesúsve in'jan'chondeccu avuja'fa.

Tson'fa'cho 17:10

Tsequi cose faengasundeccuja Pablo, Silasma manda'fa cuintsu Berea canqqueni ja'faye. Tsonsi japa napipa israe Chigane atesian'jen'ttinga ca'ni'fa.

Tson'fa'cho 20:36

Tsa'caen supa Pabloja poiyi'ccoi'ccu ccarupa fae'ngae Chigama iñajan'fa.

Tson'fa'cho 20:38

Pablo “Ccatsse ñama atte'faya'bi qui” qquen susi tsu i'na'fa. Tsa'caen i'namba Pabloi'ccu fae'ngae barco duseni ja'fa camoeñe.

Tson'fa'cho 9:40

Tsonsi Pedroja cuarto'ye poiyi'ccoma somboemoemba ccarupa Chigama iñajan. Iñajan nanimba pa'cho ai'voma camba su: —Tabita, jangija. Qquen susi Tabitaja qquendyapa bitta can. Bitta camba Pedroma attepa jangi dyai.

Josué 8:35

Nane pa'cco Moisés mandapa tevaen'choma tsu Josuéja camba afa poiyi'cco israendeccu bo'fa'chonga. Nane pushesundeccu, dushundeccu toya'caen israendeccui'ccu fae'ngae canjen'su faesu ande'su aindeccu'qque tsama paña'fa.