Tson'fa'cho 20:16 - Cofán: Chiga Tevaen'jen

¹⁶ Nane Pabloja asi'ttaemba Asia andeni bo'tsse can'jeñe in'jambipa Efesoma tsa'caen panshamba Miletoni ccattufa'fa. Junde tsu Jerusaléni jaye in'jan osha'ta tseni Pentecostés fiestama panshaeñe.

Tson'fa'cho 20:16 ပူးပေါင်းရင်းမြစ်များ

Éxodo 34:22

“Toya'caen Avujaqui'su fiesta, trigo aisheve nasi tai'cho'su fiesta, tai nanicho'su canqque'fa pasa'cho fiestama'qque fiestaen'faja.

Tson'fa'cho 12:13

Tsa'caen iñajan'jen'fa'ni Pedroja tsotefa'su sombo'ttima tssai jeña cuintsu fetta'fasi ca'niñe. Tssai jeñasi chu'a pushesu, Rode qquen inisecho'cho, “¿Majan tsu tssai jeña?” qquen can'su ja.

Tson'fa'cho 16:6

Asia andeni jaye in'jan'fa Chiga Aya'fama afaye. Tsa'ma Chiga Qquendya'pa se'pisi Frigia ande'ye, Galacia ande'ye jayipa

Tson'fa'cho 18:19

Tsa'caen tsomba Cencreane Efesoni ja'fa. Tseni napipa Pabloja Priscila, Aquilama'qque cati. Tsa'ma toya Efesone sombombi'te israe Chigane atesian'jen'ttinga japa tseni'su israendeccui'ccu condase.

Tson'fa'cho 18:21

jaye tson'jemba su: —Ñajan Jerusaléni gi jaya'cho, fiesta a'ta tseni can'jeñe. Tsa'ma Chiga in'jan'ninda gi ccase que'ini jiya. Tsa'caen supa Efesone barconga otsepa ja

Tson'fa'cho 19:1

Apolos toya Corinto canqqueni can'jen'ni Pabloja sa'ngae ccotta'cco'ye jacamba Efesoni napi. Tseni napipa majan Jesúsve in'jan'chondeccuma cachuipa

Tson'fa'cho 19:21

Tsa'caen tsonsi Chiga Qquendya'pa Pabloma in'jaensi asi'ttaemba Jerusaléni jaye in'jan. Nane Macedoniangae Acayangae shoquendí jaye tsu in'jan. Tsa'caen asi'ttaemba su: —Jerusaléni japa gi Roma canqqueni'qque jaya'cho.

Tson'fa'cho 2:1

Pentecostés fiesta a'ta tayo napisi poiyi'cco Cristove in'jan'chondeccuja fae'ngae bo'fa.

Tson'fa'cho 20:13

Tsomba Pabloja sa'ngae Asón canqqueni jaye in'jansi ingija o'tie barconga otsepa ja'fa. Otsepa marngae Asóni ja'fa, tseni Pabloma cachuiye.

Tson'fa'cho 20:18

Ttusengapa i'fasi Pabloja tsendeccunga su: —Que'ija pa'tssima qui atesu'fa ña que'i'ccu ma'caen canse'choma tseyi Asiani jipa.

Tson'fa'cho 20:22

Ja'ño Chiga Qquendya'pa ñama in'jaensi gi Jerusaléni jaya'cho. Ña tseni jasi ñama ma'caen tson'faya'chove ñajan atesumbi.

Tson'fa'cho 20:4

Tsomba jayisi faesundeccu'qque tisei'ccu fae'ngae jaja'fa. Berea'su a'i, Sópater –tsa Pirus dutssi'ye– tsu ja. Tesalónica aindeccu Aristarco, Segundo'qque jaja'fa. Toya'caen Derbe'su a'i, Gayo, tsu ja. Timoteo, toya'caen Asia'su aindeccu, Tíquico, Trófimo'qque tsu jaja'fa.

Tson'fa'cho 20:6

Tsomba gi pan cupana'cco mechoa fiesta pasasi barconga otsepa Filiposne sombopa cinco a'tangae Troasni napi'fa. Napipa o'tie jacansundeccuma cachuipa fae avujaqui pa'cco tseni can'jen'fa.

Tson'fa'cho 21:4

Tsonsi Jesúsve in'jan'chondeccuma cachuipa tise'pai'ccu gi fae avujaqui pa'cco can'jen'fa. Chiga Qquendya'pa tseni'su Jesúsve in'jan'chondeccuma in'jaensi Pablonga conda'fa cuintsu Jerusaléni jambe cañe.

Tson'fa'cho 24:17

Nane ja'ño boyi canqque'fave ccani jacamba gi toequi Jerusaléni ji ña ande'su mendeqquianga afe'fa'choma afeye. Ña Chiganga afe'choma'qque gi afeye ji.

1 Corinto'su 16:8

Ja'ño gi vani Efesoni can'jeña'cho Pentecostés fiesta napiya'ngae.