Tson'fa'cho 2:22 - Cofán: Chiga Tevaen'jen

²² ¡Israendeccu, paña'faja! Chiga Quitsaja a'tatsse que'inga Jesús Nasareno'suma canjaen. Tisema in'jaensi Jesúsja osha'cho sefani'su agattoen'choma canjaen. Sefani'su canjaen'choma'qque canjaen. Attiaña'choma'qque attian. Tsa'caeñi tsu Chigaja tisema'qque a'tatsse que'inga canjaen. Que'ija tsama attepa qui injan'jen'fa.

Tson'fa'cho 2:22 ပူးပေါင်းရင်းမြစ်များ

Mateo 12:28

Tsa'ma Chiga Qquendya'pa ñama in'jaensi gi cocoyama joqquitssian'jen. Tsa'caen ñama in'jaemba Chigaja que'ima tayo canjaen ma'caen Tise aindeccuve da'faya'chone.

Mateo 2:23

Nane Nasaret canqqueni japa can'jen'fa. Tse'tti can'jemba tsu tayopi'su Chiga aya'fama afa'su suqquia'caen tson. “Tiseja Nasareno tsu” qquen tsu tayópija su.

Mateo 9:8

Jasi poiyi'cco a'i tsa'caen ccushaen'choma attepa dyo'fa. Chiga tsa'caen a'ima anttesi osha qquen in'jamba Chigama ñotsse afa'fa.

Lucas 11:20

Tsa'ma Chiga Qquendya'pa ñama in'jaensi gi cocoyama joqquitssian'jen. Tsa'caen in'jaemba canjaensi qui Chiga osha'choma oshachopa ma'caen manda'choma atte'fa.

Lucas 18:37

Qquen iñajampañasi tisenga su: —Jesús Nasareno panshanjinsi tsu tsain'bio a'i tisei'ccu jayi'fa.

Lucas 24:18

Tsa'caen zu ccutsupa fa'e, Cleofás, qquen inisecho'cho, tisema su: —Poiyi'cco biani can'jensundeccu tsu Jerusaléni jipa tseni voeyi tson'choma atesu'fa. ¿Queyi ti qui tsama atesumbi'choa?

Juan 1:45

Tsonsi Felipe Natanaelma tta'tta'su japa attepa su: —Tayo gi atte'fa a'ima majan'ne Moisés tayopi tevaen manda'cho tevaen'jenga. Tisene tsu Chiga Aya'fama afasundeccu'qque tevaen'fa. Jesús tsu, Nasaret canqque'su, tsa José dutssi'ye.

Juan 10:37

Chiga tson'choma ña tsombian'da in'jambe can'faja.

Juan 11:47

Tsonsi Chigama afa'su nasundeccu, fariseondeccu'qque bopa su'fa: —¿Ma'caen gi tson'faya? Va a'ija ñoa'me ñotssiama tsu canjaen'jen.

Juan 12:17

Jesús Lázaroma atu'tti'ye ttu'sepa pa'cho'ye qquendyaensi tsain'bio a'i attepa cca'indeccunga condase'fa.

Juan 15:24

Ña cca'i canjaen'choma ti'tsse canjaembiecan'da tise'paja shacapa'biye'can tsu tise'pa egae tsincon'chone. Tsa'ma ja'ño tsendeccuja osha'choma ña tsonsi atte'a'qque ñama chi'gapa ña Yayama'qque chi'ga'fa.

Juan 19:19

Pilatoja tevaen'jema tevaemba ancaeñe manda qquen su'chove: Jesús Nasareno'su –Israendeccu na'su.

Juan 3:2

Cose Nicodemojan Jesúsni can'su jipa su: —Atesian'su, atesu'fa gi queja ñoa'me Chiga moen'cho atesian'su qui. Majañi'qque quia'caen canjaen'choma canjaeñe oshambi Chiga tisei'ccu can'jembian'da.

Juan 4:48

Tsonsi Jesúsja su: —¿Que'ija ccushaemba canjaen'choma attembi'ta ti qui in'jan'faya'bi?

Juan 5:36

Tsa'ma Juan su'choma bove ñotsse canjaen'cho tsu jin. Ña Yaya ñama mandasi gi tsa'caen tson'jen. Tsa'caen tson'jensi tsu tsa tson'choja ñoa'me canjaen Chiga ñama manda'suve.

Juan 6:14

Tsonsi a'ija Jesús va canjaen'choma attepa su'fa: —Ñoa'me tsu va a'ija Chiga Aya'fama afa'su jiya'cho qquen su'cho.

Juan 6:27

Congonqque'su aña'choma in'jan'fajama. Tsa'ma Sefaccone Ji'cho A'i quenga afe'cho tsangae cansiaña'cho anqque'suma ñotsse in'jan'faja. Chiga Quitsa tsu ñama in'jamba tsa'caen afeye manda antte.

Juan 7:31

Nane tsain'bio a'i tise've in'jamba su'fa: —¿Cristo ji'ta ti va a'ima ti'tsse'tsse canjaeña?

Juan 9:33

Va a'ija Chigane jimbiecan'da tsa'caen tsoñe oshaya'bi tsu.

Tson'fa'cho 13:16

Tsonsi Pablo jangi ccutsupa tivei'ccu sepi'pian cuintsu ziya'faye. Tsomba su: —Paña'faja israendeccu. Chigave in'jamba Tisema dyoe'sui'ccu can'jendeccu'qque paña'faja.

Tson'fa'cho 14:27

Tseni Antioquíani napipa Jesúsve in'jamba bo'je'chondeccu bo'faye ttu'se'fa. Ttu'se boñamba condase'fa ma'caen Chiga Quitsa tise'pai'ccu osha'chove tson'choma. Toya'caen conda'fa ma'caen Chiga Quitsa anttesi israembindeqquia'qque Jesúsne pañamba in'jan'fa'choma.

Tson'fa'cho 2:19

Tsonsi gi sefacconima canjaeña osha'cho camboenitssia'ma. Andenga'qque osha'choma gi canjaeña: Anjampa, si'nge, onfen'bama.

Tson'fa'cho 2:43

Chiga fuitesi Jesúsne afasundeccuja sefani'su canjaen'choma attian'fa. Osha'cho agattoen'choma canjan'jen'fa. Tsa'caen canjaen'fasi cca'indeccuja dyopa can'boen'fa.

Tson'fa'cho 21:28

Qquen tsu fundo'fa: —¡Israe'su aindeccu, ingima fuite'faja! Va tsu poi andenga japa ega've atesian'su. Egae tsu afa'je ingi aindeccune, Moisés manda'chone'qque, va Chiga ettine'qque. Toya'caen va Ñotssia Chiga can'jen'choma tsu egae daño, griegondeccuma Chiga ettinga anga ca'niamba.

Tson'fa'cho 22:8

Tsama pañamba gi su: “¿Na'su, majan qui queja?” Tsonsi tiseja su: “Ña'ña gi Jesús Nasareno'su. Que ñama noñangiamba mandiancan'cho gi.”

Tson'fa'cho 24:5

Va a'i tsu ñoa'me paqque'sia'caen ingima noñangian'su. Poi andeni mani israendeccu can'jen'fa'ni'qque tseni tiseja ccaningae atesiañe noñangian'jen. Tise'qque tsu Nasareno in'jan'chondeccumbe na'su.

Tson'fa'cho 26:26

Nane ande na'su Agripa'qque tsu pa'cco vama atesu. Tsa'cansi gi dyombi'tsse afa'je tise paña'jen'ni. Vaja a'tutsse tson'chombi tsu. Tsa'cansi tise'qque pa'ccoma atesu'cho, qquen gi in'jan.

Tson'fa'cho 26:9

Ña'qque gi tayoeja ma'caen osha'ta va Jesús Nasareno'su in'jan'choma joqquitssiañe in'jan.

Tson'fa'cho 3:12

Tsonsi Pedro tsendeccuma attepa su: —Israendeccu ¿jongoesu qquen in'jamba qui ingima can'boen'fa? ¿Jongoesu qquen qui asi'ttaen'fa? ¿Ingija tisupayi oshapa ccushaen'fa qquen ti qui in'jan'fa? Me'i. ¿Ingija Chigave ñotsse in'jamba ccushaeñe osha'fa qquen ti qui in'jan'fa? Me'i.

Tson'fa'cho 3:6

Tsa'ma Pedroja su: —Mecho gi cori ni corifin'dive'qque. Tsa'ma jongoesuma ña oshachota gi tsama afeqquia'caen quenga tsoña: Jesucristo Nasareno tsu quema ccushaen. Jangipa tsui jaja.

Tson'fa'cho 4:10

ñotsse paña'faja cuintsu poiyi'cco israendeccu'qque paña'faye. Jesucristo Nasareno va a'ima ccushaensi tsu tiseja que'i enttingeni ccutsu. Tsa Jesús tsu que'i avuja'cconga otipa fi'tti'cho. Tsa'caen fi'ttisi Chiga Quitsaja tisema pa'cho'ye ccase qquendyaen.

Tson'fa'cho 5:35

Joqquitssian'fasi Gamalielja nasundeccu bo'fa'chonga su: —Israendeccu, injama'tse ma'caen qui tson'faya va aindeccuma.

Tson'fa'cho 6:14

Ingija paña'fa tise su'choma tsa Jesús Nasareno'su tsu va Chiga ettima osaeñe tson'jen. Toya'caen Moisés ma'caen tsoñe atesian'choma'qque catipa tsu faesu atesian'choma atesiaña.

2 Corinto'su 12:12

Que'i'ccu can'jemba ñajan ñoa'me Jesúsne afa'su qquen gi canjaen que'i in'jan'faye. Nane anttembe'yi gi osha'cho canjaen'choma canjaen. Agattoen'cho, ccushaen'choma'qque gi canjaen que'i attepa in'jan'faye.

Hebreo'su 2:4

Tsa'caen canjaeñe, Chiga tise'pama fuitesi, sefacconi'su canjaen'choma, ccushaen'choma, agattoen'choma'qque canjaensi a'ija can'boemba in'jan'fa. Toya'caen ma'caen Chigaja in'jamba Tise Qquendya'pai'ccu Tisema in'jan'chondeccuma in'jaen. Nane ma'caen in'jaen'nijan Chiga tson'chove tson'fa tansintsse condase'chove canjaeñe.