Tson'fa'cho 19:4 - Cofán: Chiga Tevaen'jen

⁴ Tsa'caen su'fasi pañamba Pabloja su: —Juan feti'chota tsu a'i tisupa egae tsincon'choma catiye in'jansi feti'cho. Tsa'ma toya'caen tsu Juanjan poiyi'cconga conda tisema omboe jiya'chove tsu ñoa'me in'jaña'cho. Nane tsaja Jesucristo tsu.

Tson'fa'cho 19:4 ပူးပေါင်းရင်းမြစ်များ

Juan 1:15

Nane Juanjan tisene condasepa su: —Va tsu ña condase'cho a'i, ña qquen su'choja: Ñama omba'su a'i tsu ñama ti'tsse'tssia. Ñame meinte tiseja can'jen.

Juan 1:26

Tsonsi Juanjan su: —Ñajan tsa'ccui'ccu feti'je. Tsa'ma que'i enttingeni tsu ccutsu fa'e que'i atesumbi'choa.

Juan 1:27

Tsa tsu ñama omba'su. Tsa'ma tiseja ñoa'me ñama ti'tsse'tssia. Nane ñoa'me gi ñajan tisema coira'suve ca'niñe oshambi ni tise'be sapato tandan'choma yoripa dyaipa ccupaye'qque.

Juan 1:7

Juanjan condaseye ji chanjien'sune. Qquen tsu condaseye ji cuintsu poiyi'cco a'i tise su'choma pañamba chanjien'suve in'jan'faye.

Tson'fa'cho 1:5

Ñoa'me tsu Juanjan tsa'ccui'ccu a'ima feti. Tsa'ma que'ija junde Chiga Qquendya'pai'ccu fetiye'faya'cho.

Tson'fa'cho 11:16

Tsa'caen ca'nisi gi in'jan Na'su su'choma: “Ñoa'metsse tsu Juanjan tsa'ccui'ccu a'ima feti. Tsa'ma que'ija Chiga Qquendya'pai'ccu qui fetiye'faya.”