Tson'fa'cho 18:25 - Cofán: Chiga Tevaen'jen

²⁵ Na'su Jesúsne tayo pañamba Chiga Qquendya'pa tisema in'jaensi quia'me candusiañe ashaen. Candusiamba tansintsse Na'su Jesúsne condase. Tsa'ma pa'tssima toya atesumbipa aqquia Juan atesiamba feti'choveyi atesian'jen.

Tson'fa'cho 18:25 ပူးပေါင်းရင်းမြစ်များ

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

Isaías 40:3

Tsonsi a'i aya'faja qquen fundoya: “A'i menia'ni Na'su jiya'chove ñoña'faja. Tise tsaiquima tansianqquia'caen ñoña'faja.

Marcos 1:3

A'i aya'fama qui paña'faya a'i menia'ñe qquen fundo'je'choma: “Na'su jiya'chove ñoña'faja. Tise tsaiquima tansianqquia'caen que'i injama'choma tansian'faja.”

Marcos 12:14

Tsa'caen manda'fasi jipa su'fa: —Atesian'su, queja poiyi'cco a'i fae'ngatssi qquen in'jamba qui Chiga tsaiquine tansintsse atesian'jen. Nane a'i ccaningae su'choma pañambipa qui dyombi'tsse tansintsse atesian'jen. ¿Chiga manda'chota ti antte cuintsu na'su César iñajansi impuestoma afeye? Tsambi'ta ¿se'pi ti? ¿Afepoen'faya'cho ti gi? Tsambi'ta ¿afepoen'faya'bi ti gi?

Lucas 1:4

Qquen tevaensi qui tansintsse que osha'chove paña'choma atesuya.

Lucas 7:29

Jesúsma pañamba poiyi'cco a'i, nane govierno impuestoma isusundeccu'qque, “Chigaja ño'a” qquen tsu su'fa. Tsendeccuja tayoe Juanga fetiyepa can'jen'fa.

Tson'fa'cho 13:10

su: —¡Que qui afopa'cho, injamambi, cocoya na'su in'jan'cho! ¡Pa'cco ñotssiane qui chi'ga'cho! ¿Mingapa qui anttembe Na'su Chiga tansintssia tsaiquima dañoqquia'caen Tisene atesian'jen'choma daño'jen?

Tson'fa'cho 16:17

Tsa pushesu tsu Pabloma, ingima'qque omboemba qquen fundondo'e afa'je: —¡Vandeccuta tsu ñoa'me Joccapitssia Chigama shondosundeccu! ¡Que'inga tsu condase'je'fa ma'caen ccusha'faya'chone!

Tson'fa'cho 18:26

Apolos tsa'caen Efesoni jipa israe Chigane atesian'jen'ttinga tsa'caen dyombi'tsse atesian'jensi Priscila, Aquila'qque tisema paña'fa. Tsa'caen pañamba Apolosma cca'ttinga angapa ti'tsse a'tatsse conda'fa Chigane ma'caen jincho'choma.

Tson'fa'cho 19:23

Tseite tsu Efeso'su aindeccu Chiga Aya'fa su'choma pañamba qquejian'fa.

Tson'fa'cho 19:3

Tsonsi Pabloja iñajampaña: —Tsoin'da ¿jongoesuma qui pañamba in'jamba fetiye'fa? Tsendeccuja su'fa: —Juan atesian'choma pañamba gi fetiye'fa.

Tson'fa'cho 19:9

Tsa'ma majan a'ija injama'cho shacapa in'jan'fambi. Tsa'camba poiyi'cconga Jesúsne ñotsse condase'choma egae afa'fa. Tsa'caen afase'fasi Pablo, majan fae'ngae Jesúsve in'jan'chondeccu'qque, sombopa Tiranombe escoera tsaoni jaja'fa. Tseni tsu poi a'ta Pabloja Jesucristone atesian'jen.

Tson'fa'cho 9:2

Japa a'ima indiya'cho tevaen'jeme iñajan Damasco canqque'su israe Chigane atesian'jen'ttinga angapa canjaeñe. Tsa tevaen'jen tsu manda cuintsu Sauloma antte'faye Jesúsve in'jan'chondeccuma indiye. Nane tsa'caen in'jan'chondeccuve'yi tta'ttapa indipa, majan tsandie, majan pushesuma'qque Jerusaléni candenai'ccu tandamba iye antte'faye tsu manda.

Romanos 12:11

Chiga Qquendya'pa que'ima in'jaensi noen'gembe'yi quinsetsse Na'su Chiga sema'jen'choma sema'faja.

2 Timoteoga 2:4

Tsandie sundarove ca'nimba ccaningae semañe oshambi. Tsa'ma tisema manda'su capitán mandaqquia'caeñi tsu tson'jen.

Santiago 5:16

Tsa'cansi egae tsincon'da tisupapora condasecco'faja. Toya'caen tisupaporane Chigama iñajan'faja cuintsu ccushaeñe. Ño'a a'i ñoa'me Chigama iñajan'nijan Chigaja pañamba osha'choma tsoña.

Jueces 2:22

Na'suja tsa'caen antte israendeccu tsendeccui'ccu fae'ngae can'jemba ma'caen tsoña'choma atesuye; nane tise'pa tayopisundeqquia'caen Na'su Chigama pañañe, tsambi'ta pañambi'choave atesuye.