Tson'fa'cho 17:7 - Cofán: Chiga Tevaen'jen

⁷ Va Jasón tsu tise'pama in'jansi tise tsaoni can'jen'fa. ¡Poiyi'cco tsendeccu tsu Romano na'su César manda'choma ccaningae tson'jen'fa! ¡Nane faesu, tsa Jesús ñoa'me'qque na'su qquen tsu su'fa!

Tson'fa'cho 17:7 ပူးပေါင်းရင်းမြစ်များ

Daniel 3:12

Tsa'caen tsoña'chove manda'ma tsu majan judá'su aindeccu, Que Ti'tsse'tssia in'jamba Babilonia'su nasundeccuma manda'suve tson'chondeccu, Que Ti'tsse'tssiama paña'fambi ni que chigandeccunga iñajan'fambi. Toya'caen Que Ti'tsse'tssia mandasi corima ñoñamba ccutsian'chonga'qque iñajan'fambi. Tsendeccu tsu Sadrac, Mesac, toya'caen Abednego.

Daniel 6:13

Tsa'caen susi pañamba tsendeccuja ti'tsse afapa qquen su'fa: —Tsa Judá'suma indipa i'cho, Daniel, tsu Que Ti'tsse'tssiama ni va que tevaemba manda'choma pañambi. Nane tayo gi atte'fa tiseja fae a'ta tres se tsu tise Chigama iñajan'jen.

Lucas 10:38

Jesús, tisema shondosundeccu'qque japa faesu canqquenga ca'ni'fa. Fa'e pushesuja, Marta, tseni can'jen. Martaja Jesúsma tisei'ccu jacansundeccuma'qque chigambiamba tise tsa'onga ca'nian.

Lucas 23:2

Jesús ma'caen tsincon'choma condaseye ashaemba su'fa: —Ingija va a'ima attepa gi indi'fa. Tiseja ingi aindeccuma afopoemba atesian'jen. Ingima tsu se'pi Na'su César iñajan'cho impuestoma afeye. Tiseja Cristo qquen tsu su, ande na'su qquen su'cho.

Juan 19:12

Tsa'caen susi Pilatoja ma'caen Jesúsma ccupaya'chove tta'tta. Tsa'ma israendeccuja quia'me su'fa: —¡Tsama ccupa'ta Romano Na'su César amigoya'bi qui! ¡Majan na'suve daye in'jan'da Romano Na'su César chi'ga'choya tsu!

Tson'fa'cho 16:21

Nane faesu atesian'choma atesian'fa. Ingi romanondeccuja tsama paña'ma tsa'caen tsoñe osha'fambi.

Tson'fa'cho 17:5

Tsa'ma in'jambi'choa israendeccuja se'pipa iyicca'ye'fa. Iyicca'yepa canqque atandundunga japa a'i noe'sundeccuma'qque ttu'se'fa. Ttu'sesi ji'fasi pa'o tsendeccuma iyicca'yian'fa cuintsu qquejian'faye. Tsendeccu tsa'caen qquejiansi poiyi'cco tsa canqquesundeccu'qque Pablo atesian'jen'chone iyicca'yepa qquejiamba Jasón tsaoni jaja'fa. Nane Pablo'pama somboemba afeye in'jan'fa cuintsu nasundeccu ma'caen tsoñe in'jan'da tson'faye.

Tson'fa'cho 17:8

Tsama pañamba canqque nasundeccu'qque qquejecco'fa.

Santiago 2:25

Tsa'caeñi tsu tayopi'su Rahab'qque tsa Jericó canqque'su anañe tsa'oma afe'su. Israe'su mandasi andema cañe jacansundeccunga tsa'oma afepa ccushaeñe a'tupa ccani'su tsaiqui'ye moensi Chigaja “Rahabja ño'a tsu” qquen su.

1 Pedro 2:15

Atesumbindeqquia que'ima injanga afasesi Chigaja in'jan que'i ñotsse cansepa tise'pama ziyaen'faye.