Tson'fa'cho 17:28 - Cofán: Chiga Tevaen'jen

²⁸ Nane Chiga'ye gi oyapa jacamba canse'fa. Majan que'i Atenasumbe settapoen'bama tevaensundeccuja qquen su'fa: “Ñoa'me gi ingija Chiga dushundeccu'fa.”

Tson'fa'cho 17:28 ပူးပေါင်းရင်းမြစ်များ

Jeremías 38:16

Tsa'caen susi na'su Sedequíasja a'tutsse Jeremíasnga ñoa'metsse su'choi'ccu qquen su: —Na'su Chiga paña'jen'ni gi tansintsse su, quema fi'ttiya'bi gi ni quema fi'ttiye in'jan'chondeccunga afeya'bi gi.

Daniel 5:23

Tsa'camba qui sefacconi'su Na'suma dañomba mandasi Chiga etti'su tasama va cui'jeni i'fasi poiyi'cco que ttu'se'chondeccu tsesu tasanga vinoma cui'jepa tisupa ñoña'cho chigandeccunga iñajan'fa. Nane majan cori chiga, totoacori, cu'a yoshava, yoshava, quini'cco chiga, patuma ñoña'cho chigandeccunga qui iñajan'fa. Nane tsa atteye ni pañañe ni jongoesuveyi'qque atesu'chombindeqquia chiganga qui iñajan'fa. Tsa'ma Que Ti'tsse'tssiama cansian'su Chiganga, tsa que ma'caen tson'jeña'chove tson'su Chiganga, qui iñajan'fambi.

Lucas 20:38

Nane Na'su Chigaja pa'chombe Chigambi tsu. Tsa'ma cansendeqquiambe Chiga tsu. Nane Chiganejan toya cansendeccu tayo pa'chondeccu'qque toya ñoa'me canse'fa tsu.

Lucas 3:38

Tsaja Enós dutssi'ye. Tsaja Set dutssi'ye. Tsaja Adán dutssi'ye. Adánjan Chiga dutssi'ye.

Juan 11:25

Tsonsi Jesúsja su: —Ña gi qquendyaen'su, cansian'su. Majan ñama in'jan'chota tsu pa'a'qque ccase qquendyaya.

Juan 5:26

Chiga Quitsaja tisutsseyi canseye jincho. Tsa'caeñi Tise Dutssi'yenga'qque antte cuintsu tisutsseyi canseye jinchoye.

Deuteronomio 30:20

Na'su que'i Chigama ñotsse in'jan'faja. Tisema ñotsse pañamba tise suqquia'caen tson'faja. Nane tise tsu que'ima cansian'su. Que'ima cansiansi qui bo'tsse canqque'fave can'jen'faya, que'i tayopisundeccu'yenga afeye su'cho andeni. Nane que'i tayopisundeccu'yenga Abraham, Isaac toya'caen Jacobnga'qque tsu Na'su Chigaja, ñoa'me su'choi'ccu tsa'caen su.”

Colosa'su 1:17

Jesúsja osha'chove toya meinte can'jemba osha'choma ja'ño angacan injanga dañonge'fasa'ne.

Titonga 1:12

Nane fa'e tise'pa'su Creta a'inga afa'su tsu su: “Cretasundeccuja tsave afopoensundeccu tsu. Nane putsa'supa noe'supa panshaen tsu fiestaen'fa.”

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

Hebreo'su 12:9

Toya'caen va andeni cansepa gi ingi yayandeccuma ñotsse in'jamba paña'fa. Ingima nafattaiamba iyu'upa vanaensi gi pañamba tise'pama ti'tsse ñotsse in'jan'fa. Tsa'caen tise'pama pañasi ingi sefacconi'su Yaya ingima nafattia'ninda gi ti'tsse Tisema pañamba ñotsse in'jan'faya'cho. Tsayita gi ñoa'me canseye ashaen'faya.

Hebreo'su 2:11

Nane Jesúsja ingima ccushaemba ño'ame tson'su tsu. Ingija ccushapa ño'ame da'chondeccu gi. Jesucristoi'ccu gi fae yaya'su'fa. Chiga Quitsa ingi yayasi Chiga Dutssi'yeja ansangembi tsu ingima afaye: “Ña quinshingendeccu.”