Tson'fa'cho 17:24 - Cofán: Chiga Tevaen'jen

²⁴ Tsa Chigayi tsu ñoa'me andeve, osha'cho tsani can'jenqque'suve agattoen'su Chiga. Tise tsu ñoa'me ande, sefaccone na'su. Tsaja a'i tsao'ña'cho tsaoni can'jembi'choa.

Tson'fa'cho 17:24 ပူးပေါင်းရင်းမြစ်များ

Génesis 1:1

Me'ttia'ye Chigaja sefacco, andeve'qque agattoen.

Génesis 14:19

Abramma ñotsse afapa qquen su: “Cuintsu Sefacconi'su Joccapitssia Chiga sefacco, andema'qque agattoen'su quema ñotsse tsoñe.

Génesis 14:22

Tsa'ma Abramjan tisenga su: —Nane Na'su Sefacconi'su Joccapitssia Chiga sefacco, andema agattoen'su paña'jen'ni gi su:

1 Reyes 8:27

“Tsa'ma, ¿ñoa'me ti Chigaja va andeni andepa can'jeña? Nane pa'cco sefacco quema an'biañe oshambi'choa'manda, ¿ma'caen tsu va ña quembe tsao'ña'choja quema an'biaña?

Salmos 24:1

Pa'cco ande tsu Na'su Chigambe. Osha'cho tseni jincho'cho'qque tsu tise'be. Toya'caen poiyi'cco tseni can'jensundeccu tise'be tsu.

Isaías 40:12

¿Majan tsu tise tivenaccui'ccu pa'cco marma ichhoi isupa agattoye oshaya? ¿Majan tsu tise tive'su tsimian'ccoi'ccu sefacco attaja'suma agattoye oshaya? ¿Majan tsu pa'cco ande'su sisipama boñamba agatto'ccoi'ccu agattoye oshaya? ¿Majan tsu ccotta'ccoma dusianccunga ppiñamba dusiancañe oshaya?

Isaías 40:28

¿In'jan'fambi ti qui? ¿Paña'fambi ti qui? Na'suja tsangae canse'cho Chiga tsu. Nane va ande'su osha'choma agattoen'su tsu. Quimbimbe'yi can'jemba ño'faye atesumbi. Tise in'jan'choja ñoa'me joccapitssia tsu, a'i atesumbi'choa.

Isaías 42:5

Na'su Chigaja sefaccove agattoemba attajaen. Andema agattoemba tsa'ye sombo'chondeccuve'qque agattoen. A'ive'qque tsanga agattoemba qquendyaemba cansian. Qquen tsu tsaja tisema shondo'sunga su:

Isaías 66:1

Na'su Chigaja su: “Sefaccoja ña dyai'cho tsu. Ande'qque ña tsu'tte tsuicho'cho. ¿Ma'caen qui ñambe tsao'ña'faya ña tseni can'jeñe? ¿Ma'caen qui ñoña'faya ña tseni ñofaccaye?

Daniel 4:35

Va ande'su a'i majan tisia'can'me me'i'on tsu. Tise tsu tson'jen ma'caen tisu in'janqquia'caen, sefacconima, toya'caen andenima'qque. Nane majañi'qque, ti'tsse'tssia qquen in'jamba, tise oshacho'chone toya'caen tise in'jamba ma'caen tson'chone– ¿Jongoesie qui tson? ¿Ma'caen qui tson? –qquen iñajampañaña'chove me'i'on tsu.

Zacarías 12:1

Va tsu Na'su Chiga Israelne su'cho. Nane Na'suja sefaccove attajaenqquia'caen agattoemba andeve'qque ccuiñaqquia'caen agattoen. Toya'caen tise qquendya'pai'ccu a'ima qquendyaemba cansian. Tsa agattoemba cansian'su tsu tansintsse qquen conda:

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Mateo 5:34

Tsa'ma ja'ño gi que'ima su: Tsa'caen afa'fajama tansintsse su'cho qquen canjaeñe in'jamba. Nane “Sefacco paña'jen'ni gi tansintsse afa'je” qquen tsu su'fa tise'pa su'choja tansintssi qquen canjaeñe. Tsa'ma Chiga Quitsa tsani dyaipa manda'jesi tsa'caen su'cho'qque “Chiga paña'jen'ni gi afa” qquen su'choa'cañi tsu.

Lucas 10:21

Tse'faei'ccuyi Chiga Qquendya'pa Jesúsma in'jaensi avujapa Chiga Quitsama qquen afa: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Tsa'ma va ande'su injama'pandeqquianga qui tisuma canjaembi. Atesu'chondeccunga canjaembipa qui va aindeccunga tisuma canjaen. Ñotssia du'shu pañaqquia'caen tise'paja ñotsse pañamba in'jan'fa. Yaya, ñotsse qui tson. In'jamba que tsa'caen anttesi gi avujatssi.

Juan 1:1

Me'ttia'ye Chiga Aya'faja jin. Chiga Aya'faja Chigai'ccu can'jemba Chiga tsu.

Tson'fa'cho 14:15

—Aindeccu, ¿jongoesie qui jova'caenjan tson'jen'fa? Ingija que'ia'caeñi a'i'fa gi. Ingita gi ji'fa ñotsse condase'choma condaseye. Nane osha'cho injanga iñajan'choma catipa ñoa'me canse'cho Chigave in'jan'faye gi condaseye ji'fa. Nane tsa canse'cho Chiga tsu sefacco, ande, marve agattoen'su. Toya'caen osha'cho sefacco, ande, marni jinqque'suve'qque tsu agattoen'su.

Tson'fa'cho 4:24

Tsonsi poiyi'cco pañamba fae'be aya'fa'caeñi Chiga Quitsama fae'ngae iñajan'fa: —Joccapitssia Na'su, que qui sefacco, ande, mar, osha'cho tsani jinqque'suve'qque agattoen'su.

Tson'fa'cho 7:48

Tsa'ma sefani'su Chigaja a'i tsao'ña'cho tsaoni can'jembi. Nane Chiga Aya'fama afa'suja qquen tsu su:

Romanos 1:19

Tsendeccuja tisupa injamáchoni “Chigaja can'jen” qquen atesu'fa. Tayo Chiga osha'choma canjaensi tise'paja tsama atteye osha'fa.

Hebreo'su 1:2

Chigaja tayopi tsendeccui'ccu condasepa ja'ñojan Tise Dutssi'yema moen cuintsu inginga condaseye. Tseyi me'ttia'ye Chigaja Dutssi'yema oshaensi tsu osha'cho andeni, sefacconi jinqque'suve agattoen. Toya'caen Chigaja pa'cco agattoen'choma Dutssi'yenga afesi tise tsu pa'ccone na'su.

Hebreo'su 3:4

Nane a'i tsu tsao'ña'fa. Tsa'o ñotssisi cca'indeccuja tsane ñotsse afapa tsaoña'sune bove ñotsse afa'je'fa. Tiseja na'su tsu. Tsa'cansi Jesúsja Moisésma ti'tsse'tssia tsu. Moisésja aqquia a'i tsu. Tsa'ma Jesúsja a'ive agattoen'su tsu. Toya'caen Chigaja pa'tssine Na'su tsu.

Canjaen'cho 20:11

Tsomba rande totoa na'su dyaipa'choma gi atte. Tsani dyai'suma'qque gi atte. Pa'cco ande, pa'cco sefacco'qque Tisene ccuyin jaqquia'caen me'i'en da'fa. Tise'pa mani jinchoya'chove me'i'on.