Tson'fa'cho 16:39 - Cofán: Chiga Tevaen'jen

³⁹ ji'fa Pablo, Silasma afapa ñoquiañe. Tsa'caen ñoquiañe afapa somboemba su'fa cuintsu canqque'ye sombopa ccani ja'faye.

Tson'fa'cho 16:39 ပူးပေါင်းရင်းမြစ်များ

Éxodo 11:8

Tsa'caen dasi tsu poiyi'cco quema shondosundeccu jipa ccaru dyaipa ñama iñajamba su'faya: ‘¡Junde que, toya'caen que aindeccui'ccu jaja'faja!’ Tsa'caen susi gi ja'faya. Tsomba Moisésja ñoa'me iyicca'yepa faraón dyai'ttie sombopa ja.

Daniel 6:16

Tsa'caen su'fasi na'suja manda cuintsu Danielma ipa ttesi changonga ttova moe'faye. Tsa'ma toya tsa'caen tson'fambi'te na'suja Danielnga qquen su: —Que Chiga, tsa que ñoa'me in'jamba tsain'bitsse shondocan'cho, tsu quema ccushaeña.

Daniel 6:23

Tsonsi na'suja avujapa manda cuintsu Danielma tsa chango'ye somboen'faye. Somboemba camba ni fae fuchha'ttiveyi'qque atte'fambi tise Chigama in'jansi tisema mende'yepa ccushaensi.

Mateo 8:34

Tsa'caen condasi poiyi'cco tsa canqque'su aindeccu sombopa Jesúsma cachuiye ji'fa. Jipa tisema attepa dyopa iñajan'fa cuintsu Jesús tise'pa'ye joqquitssiye.

Marcos 5:17

Aindeccu tsa'caen pañamba Jesúsma iñajan'fa cuintsu tise'pa ande'ye sombopa jaye.

Canjaen'cho 3:9

Majan a'ija Satanane atesian'jen'ttisundeccu can'jen'fa. “Israendeccu gi” qquen supa ñoa'me israendeccumbipa aqquia tsu afopoen'fa. Ña gi tise'pama que tsutteccofanga ipa ccuiñaña. Tsa'caen tise'pama patsupa ccuiñasi tsu ña quema in'jan'choma in'jan'faya.