Tson'fa'cho 12:23 - Cofán: Chiga Tevaen'jen

²³ Qquen fundo'je'fasi Herodesja “Ñajan chigambi” qquen condambisi Chigama sefacconi'su shondo'suja tse'faei'ccuyi tisema pporaen. Tsa'caen pporaensi pave dapa misiangepa pa.

Tson'fa'cho 12:23 ပူးပေါင်းရင်းမြစ်များ

2 Reyes 19:35

Tsequi cose tsu Na'su Chigambe sefacconi'su shondo'su japa ciento ochenta y cinco mil Asiria'su sundarondeccuma fitti'tti. Ccaqui a'tasi poiyi'cco tsu papa ccui'fa.

Job 19:26

cuintsu ña ai'vo'su na congoña'cca'ni'qque toya camba'jui'ccu Chigama atteye.

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Éxodo 12:12

Tsequi cose gi pa'cco Egipto andengae panshamba poiyi'cco egipto'su aisheve isu'cho tsandiendeccuma toya'caen tise'pa aiña'cho aisheve isu'chondeccuma'qque fitti'ttiya. Tsa'caen gi poi Egiptombe chigandeccuma patsuya. Ña Na'su Chiga gi tsa'caen su.

Éxodo 12:23

Tsa'caen tson'fasi tsu Na'su Chigaja egiptondecuma fittitti'jepa sombo'tti'su utufa toya'caen ombafa'fa'su onjoen'choma atte'ta tsa ettima anttepa panshaña. Tsayita tsu Na'su Chigaja se'piya tsa fi'tti'su que'i tsa'onga ca'nisa'ne.

Éxodo 12:29

Tsomba tse'i enttinge cose Na'su Chigaja egiptosundeccu aisheve isu'chondeccuma fitti'tti. Nane faraón, na'su dyaipa'chonga dyai'sumbe dutssi'ye coenza toya'caen indiyepa can'jen'chombe dutssi'ye coenza tsu fae'ngae pa'fa. Toya'caen tsu tise'pa aiña'cho aisheve isu'chondeccu'qque pa'cco pa'fa.

Éxodo 9:17

Tsa'camba qui tsa'caen tson'ni'qque toya sepi'je ña aindeccuma moeñe.

Tson'fa'cho 12:22

Tsa'caen candusiansi aindeccuja fundoye ashaen'fa: —¡Va afa'suja a'imbi tsu! ¡Ñoa'me chiga!

Tson'fa'cho 5:19

Tsa'ma cosesi Chigama sefani'su shondo'su jipa picco'je'cho etti'su sombo'ttima fettapa tsendeccuma somboemaña qquen supa: