Tson'fa'cho 11:21 - Cofán: Chiga Tevaen'jen

²¹ Na'su Chiga tisema fuitesi condasesi tsu tsain'bitssi a'i tise'pa tayopi in'jan'choma anttepa Na'su Jesúsve in'jan'fa.

Tson'fa'cho 11:21 ပူးပေါင်းရင်းမြစ်များ

Nehemías 2:18

Tse'i ñajan tise'panga conda ma'caen Chiga ñama ñotsse fuitesi na'su Artajerjes ñama ñotsse afa'choma. Condasesi tsu su'fa: —¡Tsa'caenjan jinge ccase ttuccuma ccutsian'faye! Tsa'caen in'jamba tisupapora ñotsse injanccopa ashaen'fa.

Nehemías 2:8

Toya'caen gi faesu tevaen'jeme iñajan na'sumbe tsampima coira'su Asafnga afeye cuintsu tsaja osha'cho quini'ccoma ñanga afeye. Afesi mesave somboemba Chiga etti pporotsse'su sundaro etti'su sombo'ttima toya'caen ttuccu'su sombo'ttima'qque ccase ñoñamba ña tsa'ove'qque tsao'ñañe. Ña tsa'caen iñajansi tsu Na'su, ña Chiga, ñama ñotsse fuitesi na'su Artajerjesja osha'cho ña iñajan'choma ñanga afe.

Isaías 53:1

¿Majan tsu ingi condase'choma in'jan'faya? ¿Majanga tsu Na'suja tise oshacho'choma canjaen?

Isaías 59:1

Na'su Oshacho'choja ingima ccushaeñe oshambi'bi tsu inginga nepipa ingima ccushaeñe. Ni tsosinambia'caen ingima pañañe oshambi'bi tsu.

Lucas 1:66

Poiyi'cco majan tsane pañamba injama'choni in'jamba su'fa: —¿Micoña tsu va du'shuja? Chigaja ñoa'me tisema in'jamba fuitepa angacan.

Tson'fa'cho 11:24

Nane Bernabé tsu ñotssia a'i, Chiga Qquendya'pa ca'ni'cho. Tise injama'choi'ccu Na'su Jesúsve ñotsse in'jan. Tsa'camba avujapa candusiansi tsu tsain'bitssi a'i Na'su Jesúsve in'jan'fa.

Tson'fa'cho 15:19

Tsa'cansi gi ñajan in'jamba su: Israembindeqquia'qque tayo Jesúsve in'jamba tise'pa tayopi in'jan'choma antte'fasi tise'pama noñangian'fajama.

Tson'fa'cho 2:47

Chigama iñajamba avujatsse afa'fa. Tsa'caen canse'fasi cca'indeccuja camba tsendeccuma ñotsse in'jan'fa. Toya'caen poi a'ta na'su Chigaja a'ima in'jaensi ti'tsse'tssi a'i Jesúsve in'jan'fa. Tsa'caen in'jamba faenga'su Jesúsve in'jan'chondeccui'ccu bo'fa.

Tson'fa'cho 4:4

Tsa'ma tsain'bitssi a'i, Chiga Aya'fama pañasundeccu, ñotsse pañamba in'jan'fa. Pañamba in'jan'chondeccuja jo'su tsandienaccuveyi agatto'ma cinco milqquia'ca'ontssi.

Tson'fa'cho 5:14

Tsa'camba tsain'bio a'i toya paña'jemba Cristove in'jan'fa, majan tsandiendeccu, majan pushesundeccu'qque.

Tson'fa'cho 6:7

Tsonsi tse'i ti'tsse'tssi a'i tsu Chiga Aya'fama paña'fa. Nane tsain'bio Jerusaléni'su aindeccu pañamba Jesús a'ive da'fa. Toya'caen tsain'bio Chigama afasundeccu'qque Jesúsve in'jan'fa.

Tson'fa'cho 9:35

Tsa'caen ccushasi attepa poiyi'cco Lida canqquesundeccu Sarón canqquesundeccu'qque tise'pa tayopi in'jan'choma anttepa Na'su Jesúsve in'jan'fa.

1 Tesalónica'su 1:5

Ingija que'inga ñotsse condase'choma candusiamba injanga afa'fambi gi. Tsa'ma Chiga Qquendya'pa ñoa'me ingima in'jaensi gi ingi afa'je'choja ñoa'me Chiga su'cho qquen in'jamba afa'je'fa. Nane que'i'qque qui atesu'fa ingi que'i'ccu can'jemba que'ima fuiteye ma'caen ñotsse canse'choma.