Tson'fa'cho 11:12 - Cofán: Chiga Tevaen'jen

¹² Chiga Qquendya'pa tsu ñama manda dyombe'yi tsendeccui'ccu jaye. Toya'caen va seis ingi faengasundeccu'qque ñai'ccu japa tsu ñama ttuse'sumbe tsa'onga ca'ni'fa.

Tson'fa'cho 11:12 ပူးပေါင်းရင်းမြစ်များ

Mateo 1:20

Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.

Juan 16:13

Tsa'ma Chiga Qquendya'pa, tsa tansintsse conda'su, jipa tsu que'ima angacaña osha'cho tansintssia'ma atesu'faye. Tisutsseyi tsu afaya'bi. Tsa'ma Tise Chigane paña'choma tsu afaya. Nane Tiseja que'ima canjaeña jai'ngae tsoña'choma.

Tson'fa'cho 1:15

Tsa'caen boyaqui a'ta ciento veinteqquia'ca'on a'i bo'fasi Pedroja faengasundeccu enttingenga ccutsupa su:

Tson'fa'cho 10:23

Tse'i Pedroja su: —Jipa ja'ño cose vani ana'faja. Ana atapa Pedro tsendeccui'ccu fae'ngae ja. Faesu Jope canqque'su Jesúsve in'jan'chondeccu'qque fae'ngae jaja'fa.

Tson'fa'cho 10:45

Tsa'caen ca'nisi faesu aya'fangae afapa Chigama ñotsse afa'fa. Tsonsi Pedroi'ccu ji'cho Cristove in'jan'cho israendeccuja attepa can'boen ccutsu'fa. Nane ¿Chiga Qquendya'pa ti israembindeqquianga'qque ca'ni? qquen in'jamba can'boen ccutsu'fa. Tsonsi Pedroja su:

Tson'fa'cho 11:13

Tise tsa'onga ca'nisi tsu conda ma'caen Chigama sefacconi'su shondo'su tise tsa'onga attiamba ccutsupa tisenga su'choma: “Mandaja a'ima Jope canqqueni Simón Pedro, qquen inise'cho'choma cuintsu ttusengaye.

Tson'fa'cho 13:2

Tseite tsendeccu ambe'yi Na'su Chigama afa'je'fa'ni Chiga Qquendya'paja tise'pama su: —Ñambe moenjan Bernabé, Sauloma'qque cuintsu ña manda'cho sema'bama sema'faye.

Tson'fa'cho 13:4

Chiga Qquendya'pa tise'pama mandasi Bernabé, Sauloi'ccu Seleucia canqqueni ja'fa. Tsene barconga otsepa Chipre anttepo'chonga ise'fa.

Tson'fa'cho 15:7

Tsain'bitsse condase pasapa Pedro jangi ccutsupa qquen su: —Faengasundeccu, que'i'qque qui atesu'fa tayoe Chiga ingini jipa ñama ttu'se'choma. Tsa'caen ttu'sesi ña'ñe tsu israembindeqquia'qque Jesúsne ñotsse condase'choma pañamba in'jan'fa.

Tson'fa'cho 15:9

Tsa'caen tsu tsendeccuma'qque ingima'caeñi fae'ngatsse canjaen'jen. Toya'caen tsu ingima'caeñi israembindeqquia injama'choma'qque ccucha Jesúsne pañamba in'jan'fasi.

Tson'fa'cho 28:15

Tseni'su faenga'su Jesúsve in'jan'chondeccu, ingi tayo jiña qquen pañamba majandeccu ingima cachuiye ji'fa Apio Foro canqqueni. Toya'caen majandeccu Tres Tabernas canqqueni ingima cachuicco'fa. Tsendeccuma attepa Pabloja avujapa Chigama ñotsse iñajan.

Tson'fa'cho 8:29

Tsonsi Chiga Qquendya'pa Felipenga su: —Tsa caronga catsepa pporotsse jacanjan.

Romanos 3:22

Chigaja antte cuintsu poiyi'cco a'i majan Jesucristove in'jan'da ño'ame da'faye. Poiyi'cco tsu fae'ngae tsa'caeñi ccusha'fa.

2 Tesalónica'su 2:2

Ñotsse in'jambipa junde injama'cho qque'fajama. Nane majan qquendya'pa in'jaensi afa'cho, majan a'i atesian'cho, toya'caen majan tevaen'jen “Pablo tevaen'jen” qquen su'cho: “Tayo tsu Na'suja ji” qquen susi paña'an'qque dyo'fajama.

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.