Santiago 5:8 - Cofán: Chiga Tevaen'jen

⁸ Tsa'caen que'i'qque tisu Cristove in'jan'choma anttembe'yi opatsse ro'ndá can'jen'faya'cho. Nane Na'su Jesucristo jiya'cho ca'tsa napiji.

Santiago 5:8 ပူးပေါင်းရင်းမြစ်များ

Génesis 49:18

Ña Na'su, ¡ronda'je qui que ñama ccushaeñe!

Salmos 37:7

Na'suma iñajamba ziyapa tise fuiteya'chove ron'daya'cho. Tsa'ma a'i egae in'jamba injanga tson'cho ñotsse naningesi que injama'choni se'pijama.

Miqueas 7:7

Tsa'ma ñajan Na'su Chigave in'jamba gi ronda'jeya. Tise ñama pañasi gi ccushaen'su qquen tisema in'jamba canseya.

Lucas 21:19

Que'i ñame ta'etsse in'jamba qui ccushapa tsangae canse'faya.

Juan 21:22

Jesúsja su: —Ña, ña ccase jiya'ngae tise canseye in'jan'ninda ¿jongoesie qui fundo'je? Queja ñai'ccu jija.

Romanos 8:25

Tsa'ma toya isumbi'ta opatsse gi ronda'je'faya'cho.

Galacia'su 5:22

Tsa'ma Chiga Qquendya'pa in'jaensi ñotsse canse'faya'cho tsu qquen: Poiyi'cco a'ima ñotsse in'jan'fa; avujatsse canse'fa; opatsse canse'fa; iyicca'yembe'yi ron'daye atesu'fa; faesuma ñotsse tson'fa; faesuma mende'yepa afe'fa; tisu su'choma tsa'caen tson'fa;

Filipo'su 4:5

Ñotsse canse'faja poi a'ima canjaeñe. Na'su Jesúsja junde tsu jiya.

1 Tesalónica'su 1:10

Toya'caen tsu conda'fa ma'caen que'i Chiga Dutssi'ye Jesús sefaccone jiya'chove ronda'je'choma. Chiga Quitsaja pa'cho'ye tsama ccase qquendyaen. Tsa'caen qquendyaensi tsu Chiga ingima iyicca'yepa catiya'cho'ye ccushaen.

1 Tesalónica'su 2:19

Nane ¿jongoesuya tsu ingi in'jamba ronda'je'choja? ¿Jongoesuya tsu ingi avuja'choja? ¿Jongoesuya tsu ingi patsupa avujaya'choja? Nane ingi Na'su Jesucristo jisi qui que'i tsesu'faya.

1 Tesalónica'su 3:13

Nane Na'suja tsa'caen que'ima in'jaemba tise in'janqquia'caen shaca mechoe que'i injama'choma ñoñamba tsu que'ima Chiga ingi Quitsanga attiaña. Maqui a'ta Na'su Jesús tise aindeccui'ccu ji'ta tsa'caen tsu tsoña.

2 Tesalónica'su 3:5

In'jan'fa gi cuintsu Na'su Chiga que'ima fuitesi que'i in'jan'faye Tise que'ima in'jan'choma. Tsomba qui Jesucristoa'caen in'jamba quiñamba ro'ndá canse'faya.

Santiago 5:3

Que'i cori, corifin'di'qque ccopapájeccoe da. Tsa'caen dapa tsu canjaen: Que'ija corifin'dima se'pipa ñotsse tson'fambi. Ñoa'me qui osha'choma boñamba an'bian'fa osefaeña'cho a'ta napiya'ngae. Tsa'ma que'i corifin'diyi tsu si'ngenga ai'vo ju'ruqquia'caen ti'tsse que'ima dañoña.

Santiago 5:9

Faenga'su Cristove in'jan'chondeccu, tisupapora afasecco'fajama que'i injama'choma somboensa'ne. Nane injama'choma somboen'su Cristo tsu pan napiji.

1 Pedro 4:7

Osefaeña'cho a'ta tayo tsu napiji. Tsa'cansi que'ija ñotsse in'jamba opatsse Chigama iñaján canse'faja.

Canjaen'cho 22:20

Qquen tsu va su'choma afa'suja su: —Ju, ¡junde gi jiya! Tsangaeyi. ¡Jija Na'su Jesús!