Santiago 5:16 - Cofán: Chiga Tevaen'jen

¹⁶ Tsa'cansi egae tsincon'da tisupapora condasecco'faja. Toya'caen tisupaporane Chigama iñajan'faja cuintsu ccushaeñe. Ño'a a'i ñoa'me Chigama iñajan'nijan Chigaja pañamba osha'choma tsoña.

Santiago 5:16 ပူးပေါင်းရင်းမြစ်များ

Génesis 19:29

Tsa'caen tsu Chigaja tsa Jordán na'en sinjunccu'su canqquema sefaen cati. Abraham antianmbe du'shu Lot tseni can'jen'choma Na'su Chigaja Abrahamma in'jamba Lotma ccushaen.

Génesis 20:17

Tsonsi Abrahamjan Abimelecne Chigama iñajan. Iñajansi Chigaja Abimelec, tise pushema'qque ccushaen. Poiyi'cco tise'pambe sema'su pushesundeccuma'qque ccushaen cuintsu ccase surie da'je'faye. Nane Abimelec Sarama tsa'caen itsasi tsu Na'su Chigaja poiyi'cco tseni'su pushesundeccuma pporaen cuintsu surive dambe'yi canse'faye. Tsa'ma ccushaensi ccase surie da'je'fa.

Génesis 20:7

Tsa'ma ja'ño tsa pushesuma tise tsa'ndunga afeja. Nane tise tsa'nduja ñane afa'su tsu. Tise que'ine ñama iñajan'ninda qui ccusha'faya. Tsa'ma tise pushema afembi'ta qui ñoa'me que, que aindeccu'qque pa'faya.”

Génesis 32:28

Tsa'caen susi a'ija su: —Ti'tsse quema Jacob qquen afambipa Israel qquen tsu afa'faya. Nane queja Chigai'ccu, aindeccui'ccu iyiccopa patsusi tsu tsa'caen quema afa'faya.

Job 42:8

Tsa'camba siete vaura quitsaye, siete oveja quitsayema'qque angapa Jobma can'su ja'faja. Tseni japa ñanga tsa vaura, ovejama'qque oque oraen'fasi tsu Jobja que'ine ñama iñajaña. Ñajan tise iñajan'choma pañamba que'i egae tsinconsi vanaeña'choma joqquitssiamba aqque'paya. Nane que'i ñama shondo'su Job ñane ñotsse tansintsse afaqquia'caen afambi'choa shacama gi aqque'paya.”

Salmos 34:15

Na'su Chigaja tise've in'jamba paña'suma ñotsse coirapa paña'jen tise ttuse'je'choma pañañe.

Éxodo 17:11

Iyicco'je'fasi Moisés tise tivema yasa'ninda tsu israendeccu ganajin'fa. Tsa'ma Moisés antte'nijan amalecitandeccu ganajin'fa.

Éxodo 9:33

Faraóin'ccu afa nanimba Moisésja tsa canqque'ye sombopa tise tivema Na'su Chiganga yasapa iñajan. Tse'faei'ccuyi tsandapandaqui, unjin toya'caen tsanda'qque ziya.

Números 11:2

Tsa'caen setsasi aindeccuja Moisésma iñajan'fa cuintsu fuiteye. Tsonsi Moisésja Na'su Chigama iñajan tsendeccune. Iñajansi si'ngeja pa.

Mateo 21:22

Nane ñame in'jamba osha'cho jongoesuve iñajan'da qui tsa'caen isu'faya.

Mateo 3:6

Bopa Juan candusian'choma pañamba tise'pa egae tsincon'choma chi'gapa tsane conda'fa. Conda'fasi Juanjan tise'pama feti Jordán na'enga.

Marcos 1:5

Poiyi'cco Judea ande'su a'i, Jerusalén canqque'su a'i'qque jiji'fa. Tise'pa egae canse'choma condase'fasi Juan Jordán na'enga tsendeccuma feti.

Lucas 9:6

Tsonsi tsendeccuja sombopa cca'tti cca'tti poi canqquenga japa Chiga ñotsse condase'choma candusian'fa. Mani ja'a'qque pajisundeccuma ccushaen'fa.

Juan 9:31

Tayo gi ñotsse atesu'fa Chigaja egae tsinconsundeccuma pañambi. Tsa'ma poiyi'cco majan Tisema in'jamba Tise in'janqquia'caen tso'ninda tsu Tiseja tsendeccuma paña.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

Tson'fa'cho 19:18

Tsain'bitssi a'i, tayo Jesúsve in'jamba jipa condase'fa tise'pa tayopi egae tsincon'choma.

Tson'fa'cho 8:24

Qquen susi Simónjan su: —Na'su Chigama iñajan'faja ñane que suqquia'caen ña dasa'ne.

Romanos 3:10

Chiga Tevaen'jen tsu qquen su: Me'i'on tsu ñotssia a'ive. Ni fae'ccoyi'qque.

Romanos 5:19

Nane fae a'i Chigama ñotsse pañambisi tsain'bio a'i egae tsinconsundeccuve da'fa. Tsa'ma faesu a'ija Chigama ñotsse pañasi tsain'bitssia a'i Chigane ñotssiave da'fa.

Colosa'su 1:9

Tsa'caen pañamba gi poi a'ta que'ine Chigama iñajan'fa. Iñajan'fa gi cuintsu que'ija Chiga que'ine ñotsse in'jan'choma in'jan'faye. Iñajan'fa gi cuintsu Chiga que'i injama'choma in'jaensi Tise in'jan'choma atesupa in'jan'faye.

1 Tesalónica'su 5:17

Chigama iñajan'jen'choma antte'fajama.

1 Tesalónica'su 5:23

In'jan gi cuintsu Chigayi, ingima ñoquian'su Chigayi, que'ima Tisumbeve nanitsse ñoñañe. Toya'caen gi in'jan cuintsu Tise'yi que'i qquendya'pama, que'i injama'choma, que'i ai'voma'qque ñotsse coiraye. Tsa'caen Tisumbeve coira'jesi que'ija ñoa'me egae jinchoya'bi ingi Na'su Jesucristo ccase jiya'ngae.

1 Tesalónica'su 5:25

Faengasundeccu, ingine Chigama iñajan'faja.

Hebreo'su 11:4

Tayopi'su Adán dutssi'ye Abel, tise quindya Caín'qque tise'pa afe'choma Chiganga afe'fa. Caínjan Chigave ñotsse in'jambi'ma aqquia afe. Tsa'ma Abelja Chigave in'jamba ñotsse afesi Chigaja tise afe'choma in'jamba “Abelja ño'a” qquen tsu su. Can'jemba Caínjan Abelma fi'tti. Tsa'ma Abel pa'ni'qque toya tise canseite Chigave in'jamba canse'choma pañamba gi Chigave in'jan'chone ti'tsse atesu'fa.

Hebreo'su 11:7

Tayopi'su Noé pañasi Chigaja, na'en jipa andema picco catiya'chone, tisenga condase. Noéjan Chigave in'jamba “Chiga su'choja ñoa'me su'cho” qquen atesupa Chiga mandaqquia'caen rande tsa'o shavove shavoña. Tsanga otsepa tise, toya'caen tise antiandeccu'qque pambe'yi ccusha'fa. Cca'indeccuja in'jambipa pa'fa. Tsa'caen tsu Noéjan Chigave in'jamba ccushapa cca'indeccu in'jambipa pa'fa'chone ti'tsse canjaen. Chigave in'jansi tisene tsu Chigaja su: “Noéjan Ñame in'jamba tsu ño'a.”

Hebreo'su 12:13

Tansintssia tsaiquima omboemba jacanqquia'caen osha'cho afopoensi paña'jen'choma catipa tansintsse atesian'jen'choma ti'tsse paña'faya'cho. Tsayita qui ccushapa ti'tsse ta'etsse in'jamba amppimbe'yi canse'faya.

Hebreo'su 13:18

Ingine Chigama iñajan'faja. Injama'choni Chiga in'janqquia'caen in'jamba gi osha'chone ñotsse tson'fa qquen gi in'jan'fa. Toya'caen ti'tsse tsa'caen tsoña'chove gi in'jan'fa.

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.

1 Juan 3:22

Nane Tise manda'choma ñotsse pañamba Tise in'janqquia'caen ñotsse tson'jensi tsu Tiseja osha'cho ingi iñajan'choma afeya.

1 Samuel 1:12

Tsa'caen Ana bia'ave Na'suma iñajan'jensi Chigama afa'su Elíja aya'fa oya'je'choma atte.