Santiago 5:13 - Cofán: Chiga Tevaen'jen

¹³ Majan que'i'su vana'jen'da Chigama iñajaña'cho. Majan avujatssi'ta Chiganga settapoeña'cho.

Santiago 5:13 ပူးပေါင်းရင်းမြစ်များ

Salmos 105:2

Tise've in'jamba pañamba settapoen'choi'ccu canjaen'faja. ¡Tise ñotsse tson'jen'chone afa'faja!

Salmos 118:5

Ñombi'yepa gi Na'suma afasi tiseja ñama pañamba fettaqquia'caen ccushaen.

Salmos 91:15

Ñama iñajansi gi pañamba afaya. ¡Nane ña gi tisei'ccu can'jeña! Tise injama'choma gi vuiquiaña cuintsu opatsse can'jeñe. Toya'caen gi tisema ñotssiave tsoña.

Daniel 5:4

Tsa'caen cui'jepa poiyi'cco tise'pa ñoña'cho chigandeccunga iñajan'fa. Nane majan cori chiga, majan totoacori, majan cu'a yoshava, majan yoshava, majan quini'cco chiga, toya'caen majan patuma ñoña'cho chiganga tsu iñajan'fa.

Oseas 6:1

Jinge poiyi'cco shandapa ccase Na'sunga ja'faye. Tiseja ingima daño'an'qque ccushaeña. Ingima iñaccaen'an'qque se'jeya.

Jonás 2:2

su: “Na'su, ña vana'jemba quema iñajansi qui ñama pañamba afa. Nane ñoa'me pa'cho quema afasi qui paña.

Jonás 2:7

Ñoa'me paye tson'jen qquen in'jamba gi quema in'jan ña Na'su. Ña quema iñajan'choma qui que can'jene paña.

Mateo 26:30

Settapoen nanimba sombopa Olivo ccotta'cconga ja'fa.

Lucas 22:44

Tsa'caen ñoa'me vana'jemba ti'tsse quia'me Chigama iñajan. Poipa'su'qque sombopa ñoa'me injan'tsse anjampa tssanqquia'caen andenga amppi'je.

Lucas 23:42

Tsomba tiseja Jesúsma su: —Jesús, que na'suve da'ta ñama injan'jenjan.

1 Corinto'su 14:15

¿Mingae gi tsoña? Ñoa'me gi ña qquendya'pai'ccu Chigama iñajamba ña injama'choi'ccu'qque Chigama iñajaña'cho. Toya'caen ña qquendya'pai'ccu settapoemba ña injama'choi'ccu'qque settapoeña'cho.

1 Corinto'su 14:26

Tsomba tse'i, faengasundeccu, que'i bopa majan que'i'su settapoen'choma tsu settapoen'fa. Majanda tsu atesian'choma atesian'fa. Majanda Chiga in'jaensi condase'choma tsu a'i aya'fangae conda'fa. Majanda ccaninga aya'fangae afa'choma tsu afa'fa. Majanda tsa afa'choma pañamba a'i aya'fangae tsu conda'fa cuintsu poiyi'cco paña'faye. Ñotssi tsu. Tsa'caen tsu tsoña'cho poiyi'ccoma fuiteccoye.

Efeso'su 5:19

Tsa'caen injaengepa tisupaporai'ccu Na'su Cristone condasecco'faja. Chiganga settapoen'choi'ccu fae'ngae Chiganga avujatsse settapoemba Chigama ñotsse afa'faja.

Hebreo'su 5:7

Tsa'cansi Cristoja a'ive dapa va andeni can'jemba ina'jemba fundondo'e Chiga Quitsama quia'me iñajan. Nane Chiga Quitsayi tsangae paya'cho'ye tisema ccushaeñe oshasi tsu Tisema iñajan. Tsa'caen dyoe'sui'ccu Chigave in'jamba iñajansi Chigaja tisema paña.

Santiago 5:10

Ña faenga'su Cristove in'jan'chondeccu, tayopi'su Chiga Aya'fama afasundeccuma injan'jen'faja. Tsendeccuja Na'su Cristone afapa vana'je'an'qque anttembe'yi opatsse ro'ndá can'jen'fa.

Canjaen'cho 14:3

Tse'tti Na'su dyai'ttie tsu cuna settapoen'choma settapoen'fa. Tsa cuatro canse'pa jinchondeccu pañasi veinticuatro coenzandeccu'qque paña'fa. Nane cca'indeccuja tsa settapoen'choma atesupa settapoeñe osha'fambi. Tsa'ma tsa ciento cuarenta y cuatro mil aindeccu'yi tsu tsa settapoen'choma atesupa settapoen'fa. Nane tsendeccuja poi ande'su aindeccu'suma ccushaensi tsu tsa'caen cansepa settapoen'fa.

Canjaen'cho 7:10

fae'ngatsse fundondo'e afa'fa: Chiga Quitsaja ingima ccushaen'su tsu. Tise tsu dyaipa'choni dyai. Nane Oveja'qque tsu ingima ccushaen'su.