Santiago 4:7 - Cofán: Chiga Tevaen'jen

⁷ Tsa'cansi tisuma Chiganga afepa cocoya na'suma se'pi'faja cuintsu que'i'ye joqquitssi jaye.

Santiago 4:7 ပူးပေါင်းရင်းမြစ်များ

Job 1:21

su: —Chu'cco gi va andenga isuye. Toya'caen pa'ta gi chu'cco jaya. Na'suyi tsu pa'ccoma ñanga afe. Toya'caen Na'suyi tsu ñama itsa. ¡Ñoa'me ñotssia tsu Na'su Chigaja!

Daniel 4:25

Nane Que, Ti'tsse'tssia qui aindeccu'ye joqquitssipa aiña'chondeccui'ccu canseya. Vaura'caen qui shoshovima amba canseya. Toya'caen que ai'vonga tsu suruno shequepa tssipoen'jeña. Tsa'caen qui siete canqque'fave canseya. Nane Joccapitssia Chiga tsu va ande'su nasundeccuma ma'caen tsoñe oshachopa tsayi majama na'suve tsoñe in'jan'da tsama na'suve tson'su qquen in'jaña'ngae qui tsa'caen canseya.

Daniel 4:32

Nane aindeccu'ye joqquitssipa qui aiña'chondeccui'ccu canseya. Toya'caen siete canqque'fave qui vaura'caen shoshovima amba canseya. Tsa'caen qui canseya joccapitssia Chiga tsu poi andeni cansesundeccuma ma'caen tsoñe oshachopa majama na'suve tsoñe in'jamba tsama na'suve tson'su qquen in'jaña'ngae.”

Mateo 11:29

Ñai'ccu fae'ngae semamba ñama atesupa ti'tsse in'jan'faja. Nane ña injama'choni gi iyu'upa patsumbe'yi que'ima ñotsse atesiaña. Ñai'ccu semamba qui que'i injama'choma'qque ño'faen'faya.

Tson'fa'cho 26:19

Na'su Agripa, sefani'su Na'su Jesús tsa'caen sefaccone attiamba susi gi ñotsse pañamba in'jan.

Tson'fa'cho 9:6

Tsa'caen pañamba Sauloja ttun'dundu'jeve dyopa su: —Na'su, ¿ma'caen ña tsoñe qui in'jan? Tsonsi na'suja su: —Jangipa jaja canqqueni. Tseni que jasi tsu quenga condaseya ma'caen tsoña'chove.

Romanos 10:3

Nane Chiga a'ima ño'ame tsoña'chove atesu'fambi. Tsa'caen atesumbipa tisutsseyi ño'ame daye qquen vana'jen'fa. Tsa'caen tson'jemba tsu chi'ga'fa cuintsu Chiga tise'pama ccushaeñe.

Romanos 14:11

Nane Chiga Tevaen'jenjan qquen su: Ña gi canse. Qquen tsu Na'su Chigaja su. Ña gi tansintsse conda'su. Ñoa'me poiyi'cco a'i tsu ñanga ccarundyai'faya. Poiyi'cco tsu “Chigaja ñoa'me ti'tsse'tssia” qquen su'faya.

Efeso'su 4:27

Cocoya na'su tsa'caen que'ima qqueñañe in'jansi tisema fuitejama.

Efeso'su 5:21

Que'i Cristoma in'jan'da tisupapora ñotsse pañamba canse'faya'cho.

Efeso'su 6:13

Tsa'caen in'jaensi cocoyandeccui'ccu iyicco'je'ta sundaro tisuma ccushaeñe yoshavama ejianqquia'caen pa'cco Chiga que'inga afe'choma isu'faja. Isupa maqui a'ta que'ima egae noñangiansi qui se'pipa patsu'faya. Tsa'caen patsupa qui dyombi'tsseyi ccutsu'faya.

Hebreo'su 12:9

Toya'caen va andeni cansepa gi ingi yayandeccuma ñotsse in'jamba paña'fa. Ingima nafattaiamba iyu'upa vanaensi gi pañamba tise'pama ti'tsse ñotsse in'jan'fa. Tsa'caen tise'pama pañasi ingi sefacconi'su Yaya ingima nafattia'ninda gi ti'tsse Tisema pañamba ñotsse in'jan'faya'cho. Tsayita gi ñoa'me canseye ashaen'faya.

1 Pedro 2:13

Na'su Cristo aindeccuve da'ta tsu pañaña'cho va andeni'su nasundeccu manda'choma. Nane ande na'suja ti'tsse'tssiasi tisema paña'faya'cho.

1 Pedro 5:6

Chigaja osha'choma oshacho Tise tivei'ccu. Tsa'cansi opatssi'faja cuintsu Tise in'jamba jai'ngae que'ima ti'tsse'tssia've tsoñe.

1 Samuel 3:18

Tsa'caen susi Samuelja pa'tssi Chiga su'choma tisenga conda. Condasesi Elíja su: —¡Chiga tsu Na'su! ¡Ma'caen tise in'janqquia'caen tson'jenjan!