Santiago 3:9 - Cofán: Chiga Tevaen'jen

⁹ Ingi aya'fai'ccu gi Na'su Chiga Quitsanga ñotsse afa'fa. Toe aya'fai'ccu gi Chiga tisuma'caeñi agattoen'cho a'ima egae afase'fa.

Santiago 3:9 ပူးပေါင်းရင်းမြစ်များ

Génesis 5:1

Va tsu Adán omba'su dutssiyendeccumbe inisema tevaen'cho. Chigaja a'ima agattoemba tsu tisia'caen agattoen.

Génesis 9:6

Majan faesu a'ima fi'tti'ninda faesu a'i tsu tsama'qque fi'ttiya. Nane Chiga tisia'caen a'ive agattoen'choma fi'ttipa tsu tsa'caen paya.

Salmos 10:7

Tise aya'fa'qque anttembe'yi afasepa afopoemba cca'ima daño'jen. Nane tise aya'fai'ccu tsu tise noñangiamba vanae'choma a'tien'jen.

Salmos 16:9

Tsa'cansi gi injama'cho tsosipie avujatssipa pa'cco ai'voi'ccu, pa'cco in'jan'choi'ccu'qque opatsse can'jen.

Salmos 34:1

Pa'cco a'ta Na'su Chigama ñotsse afapa gi anttembe'yi ña aya'fai'ccu tise ñotssiama condaya.

Salmos 51:14

Chiga Quitsa, Chiga ñama ccushaen'su, chigáne ña a'ima fi'tti'choma aqque'paenjan. Tsa'caen tson'ninda gi que ñotsse tson'jen'choma in'jamba settapoeña.

Isaías 29:13

Toya'caen Na'su Chigaja ñanga qquen su: “Va aindeccu aya'fai'ccu ñame in'jan qquen su'fa. Nane tise'pa su'choi'ccu ñanga ñotsse afa'fa. Tsa'ma tise'pa injama'choni ñama chi'ga'fa. A'i in'jamba afa'choma pañamba tsa'caen afa'fa ñama iñajañe. Nane in'jambe'yi injanga afa'choi'ccu afa'fa.

Mateo 26:74

Qquen susi Pedro Chigama iñajan tise tansintsse su'choma canjaeñe. Nane afopoen'ninda Chiga tisema egae tsoña'chove ttu'se. Tsa'caen ttu'sepa tsu su: —Atesumbi gi tsa a'ima. Tse'faei'ccuyi arapa gayo se'yo.

Mateo 5:44

Tsa'ma ñanda gi que'ima su: Que'ima chi'ga'fa'niqque ñotsse in'jan'faja. Que'ima afasesundeccuma ñotsse afa'faja. Que'ima chi'gasundeccuma ñotsse tson'faja. Que'ima afasepa noñangiansundeccuma in'jamba tise'pane Chigama iñajan'faja.

Tson'fa'cho 2:26

Tsa'cansi gi ña injama'cho avujatssipa ña aya'fai'ccu avujatsse afa. Tsa'cansi tsu ña ai'vo'qque dyombi'tsse ronda'je.

Romanos 3:14

Nane iyicca'yepa afase'choi'ccuyi afa'je'fa.

1 Corinto'su 11:7

Chigaja Tisuma'caen tsandieve agattoen cuintsu Chiga ñotssiama canjaeñe. Tsa'cansi tsandieja tsovenga ontsiambe'yi Chiga ñotssiama canjaeña'cho. Tsa'ma Chigaja pushesuve agattoen tsandie ñotssiama canjaeñe.

Efeso'su 1:3

Ñoa'me'qque ti'tsse'tssia tsu Chiga ingi Na'su, tsa Jesucristo Quitsa. Ingija Cristoi'ccu fae'ngae jincho'fasi Chigaja sefacconi osha'cho tsangae ñotssiave ingimbe tayo ñoña.

Santiago 1:27

Qquen tsu Chiga Quitsaja in'jan a'i ñoa'me ñotsse afopoembi'choa Chiga a'ive dapa tsoña'chove: yayamendeqquia'ma fuiteya'cho; tsandupajen'chondeccu vana'jen'choma'qque fuiteya'cho; tisuma coiraya'cho va ande'su egae in'jan'choma tsonsa'ne.

Santiago 3:10

Toe aya'fai'ccu gi ñotsse afapa egae afase'fa. Ña faenga'su Cristove in'jan'chondeccu, tsa'caen tson'masia tsu.

1 Pedro 1:3

Chigaja, ingi Na'su Jesucristo Quitsa, ñoa'me'qque ti'tsse'tssia. Ingima mende'yepa ñoa'me ñotsse in'jan. Tsa'camba Jesúsma pa'cho'ye qquendyaen ingima cuname isuye. Tsa'caen tsonsi gi Tise dutssiyendeccuve dapa avujatsse ro'ndá canse'fa.