Santiago 1:8 - Cofán: Chiga Tevaen'jen

⁸ Nane tsaja injiengembipa asi'ttaembe'yi tsu injanga jacamba canse.

Santiago 1:8 ပူးပေါင်းရင်းမြစ်များ

1 Reyes 18:21

Tsonsi Elíasja poi aindeccunga catsepa su: —¿Mi'nge'e qui tsa'caen dosve in'jamba canse'fa'ya? Na'su Chiga ñoa'me Chigamanda tsave in'jan'faja. Tsambi'pa Baal ñoa'me Chigamanda tsu tsave in'jan'faya'cho. Tsa'caen susi a'i bo'choja afa'fambi.

2 Reyes 17:33

Tsa'camba aindeccuja Na'su Chigama iñajan'an'qque toya tsu tise'pa chigandeccuma'qque iñajan'fa. Nane tayopi tseni can'jen'cho aindeccu in'jañe atesuqquia'caen tsu toya tson'jen'fa.

Isaías 29:13

Toya'caen Na'su Chigaja ñanga qquen su: “Va aindeccu aya'fai'ccu ñame in'jan qquen su'fa. Nane tise'pa su'choi'ccu ñanga ñotsse afa'fa. Tsa'ma tise'pa injama'choni ñama chi'ga'fa. A'i in'jamba afa'choma pañamba tsa'caen afa'fa ñama iñajañe. Nane in'jambe'yi injanga afa'choi'ccu afa'fa.

Mateo 6:22

Tso'fe tsu ai'vo'su tuño'can ingi in'jan'choma canjaeñe. Que tso'fe ñotssija pa'cco que ai'vo'qque a'tatssia'caen ñotsse tsu tsoña.

Mateo 6:24

Sema'suja dos na'suma shondoye oshambi. Nane fa'ema chi'gapa faesuma tsu in'jaña. Tsambi'ta fa'ema ñotsse in'jamba faesuma tsu chi'gaya. Chigama in'jamba que'i corifin'dima'qque fae'ngatsse in'jañe osha'fambi qui.

Santiago 1:7

Tsa'caen asi'ttae'nijan ¿ma'caen tsu Na'su Chigaja tise iñajan'choma tisenga afeya?

Santiago 4:8

Chiganga catse'faja. Catse'nijan tise'qque tsu que'inga catseya. Egae tsinconsundeccu, que tivema otishiqquia'caen que'i egae tsincon'choma cati'faja. Nane Chigama in'ja'an'qque qui va andeni jincho'choma'qque in'jan'fa. Tsa'camba que'i injama'cho'ye egae tsincon'choma ccucha'faja.

2 Pedro 2:14

Toya'caen pushesuma attepa egae in'jambe can'fambi. Quimbi'fambi egae tsincoñe. Faesuja injama'cho shacasi tisema qqueña'fa. Osha'choma an'biamba ti'tsse in'jangae in'jañe atesu'fa. Nane tsa'caen tsonsi Chigaja tise'pama chi'ga.

2 Pedro 3:16

Poiyi'cco tise tevaen'jenga Chiga ccushaen'choveyi tsu afa. Majan tevaen'jenda vanamba pañaña'cho tsu. Majan sumbindeccu, majan Chigave in'jambindeqquiaja injama'cho shacapa Pablo tevaen'jema ccaningae in'jamba afopoen'fa. Tsendeccuja faesu Chiga tevaen'jen su'choma'qque tsa'caen ccaningae in'jamba afopoemba tisupa tsu qque'fa.