Santiago 1:26 - Cofán: Chiga Tevaen'jen

²⁶ Majan a'i: “Ña gi Chiga a'i” qquen supa tsa'ma tise aya'fai'ccu injanga afa'ta, tisuveyi afopoensi tise Chiga a'i qquen attian'choja barembi.

Santiago 1:26 ပူးပေါင်းရင်းမြစ်များ

Salmos 32:9

Cavayo ni boro'caen tsincoña'bi qui. Nane tsendeccu atesuye osha'fambisi queja yoshavama tise'pa aya'fanga botaemba mani jaya'chove tansian'jen. Tsa'caen tsombi'ninda quema paña'fambi.”

Salmos 34:13

Tsa'caen in'jan'da que menzanza'fama se'pija egae afasa'ne. Toya'caen minga'ni'qque que aya'fai'ccu afopoenjama.

Isaías 1:13

Ti'tsse i'je'fajama que'i afe'je'cho barembi'choama. Tsama oque oraen'fasi tsu ñane'jan tssu'jutssi. Chiga ccaccove ancansi, sema'ma'quia a'ta ji'ninda qui aindeccuma ttu'se'fa cuintsu fiestaemba ñama iñajan'faye. Tsa'ma que'i tsa'caen fiestaen'an'qque toya egae tsincomba canse'ninda gi avujatssiya'bi.

Mateo 15:9

Injanga tsu ñama iñajamba ñotsse afa'fa. Tise'pa atesian'cho'qque a'i asi'ttaemba manda'cho tsu.

Marcos 7:7

Aqquia tsu Ñame in'janqquia'caen tsincon'fa. Nane tise'pa atesian'jen'cho aqquia a'i in'jamba manda'choma tsu atesian'jen'fa.

Lucas 8:18

Tsonsi ñotsse pañamba in'jan'faja. Majan tayo in'jan'chota ti'tsse tsu in'jan'faya. Tsa'ma majan in'jambi'choa'ta tise injanga in'jan'choma'qque tsu qqueñaña.

1 Corinto'su 15:15

Nane tsendeccu suqquia'caen Chigaja Cristoma ccase qquendyaembie'can'da ingi tiseja ccase qquendya qquen supa gi ñoa'me afopa'chondeccuye'can. ¡Nane Chigane gi afopoen'faye'can!

1 Corinto'su 15:2

Va ñotsse condase'choma in'jamba qui ccusha'fa. Tsa'ma ti'tsse in'jamba canse'faya'cho injama'cho shacasi injanga in'jansa'ne.

1 Corinto'su 3:18

Tisuma afopoen'fajama. Majan que'i'su osha'cho va andeni'su jincho'choma atesupa tisuja injama'pa qquen tsu in'jan'fa. Tsa'caen in'jan'da osha'cho tsa'caen in'jan'choma tsu cati'faya'cho. Catipa ccase atesumbi'choa've dapa Jesucristone atesuye ashaeña'cho cuintsu ñoa'me injama'pave daye.

Galacia'su 2:6

Toya'caen joccapitssiandeqquiaja ñama ti'tsse manda'fambi. (Nane tise'paja joccapitssia qquen su'fasi in'jambi gi. Tsa'ma Chiga poiyi'ccoma attesi fae'ngatssi'fa tsu.)

Galacia'su 2:9

Tsa'cansi Santiago, Pedro, Juan'qque Cristove in'jan'cho a'i nasundeccu qquen su'chondeccu, ingija tise'pa'caen Chiganga injaeñemba fae sema'baveyi semasundeccu qquen in'jamba tivei'ccu ingima chigambian'fa qquen canjaeñe. Tsa'caen chigambiamba tise'paja israendeccuma candusian'jemba ingimajan moen'fa israembindeqquianga candusian'faye.

Galacia'su 3:4

Cristove in'jamba osha'chone vanamba ¿aqquia injanga ti qui ja'ño tsama cati'fa? Me'i. Ñajan que'i tsa'caen tson'faye in'jambi.

Galacia'su 6:3

Majan tisu panshaen joccapitssi qquen in'jamba cca'ima fuiteye oshambi'ta ñoa'me bove'ccoa tsu. Tisuma tsu afopoen.

Efeso'su 4:29

Osha'cho egama afa'fajama. Tsa'ma a'ima fuiteye in'jamba ñotssiama tsu afaya'cho. Tsa'caen tsu afaya'cho pañasundeccu pañamba nafattu'faye.

Efeso'su 5:4

Toya'caen cca'ima ansangiañe in'jamba da'ñomba afa'fajama. Injamambie daqquia'caen injanga afa'fajama. Ni in'jangae da'ño co'fepa afa'fajama. Tsaja ega tsu. Tsa'ma bove ñotssi tsu avujatsse Chigama ñotsse afa'faye.

Colosa'su 4:6

Tise'pai'ccu ñotsse condasecco'faya'cho. Nane que'ija Cristove in'jamba condase'faya'cho. Tsa'camba majan que'ima Cristone iñajampañasi qui tise'panga ñotsse condaye osha'faya.

Santiago 1:19

Ña in'jan'cho faenga'su Cristove in'jan'chondeccu, vama ñotsse in'jan'faja: Poiyi'cco pañañe fava'je'faja. Tsa'ma injanga afa'jeye fava'fajama. Ni junde iyicca'ye'fajama.

Santiago 1:22

Tisuveyi afopoen'fajama, aqquia Chiga Aya'fama pañá dyaipa. Tsa'ma Chiga Aya'fama pañamba tsa'caen canse'faya'cho.

Santiago 2:20

¡Sumbi! ¿Atesumbi ti qui? A'ija tisu tson'choma canjaembipa aqquiayi Cristove in'jan qquen su'ninda pa'choa'caen barembi tsu tise in'jamba su'choja.

1 Pedro 3:10

Chiga Tevaen'jenjan su: Majan bo'tsse avujatsse canseye in'jan'da tsu egae afambecaña'cho. Nane tisu aya'fai'ccu afopoembe tsu caña'cho.