Santiago 1:11 - Cofán: Chiga Tevaen'jen

¹¹ Coejechiga tansijimba de'nijan shoshovi pandisi tise ñotssia te'taja amppipa pasaya. Tsa'caen tsu tsa osha'choma an'bian'su'qque ñotsse gana'da junde pasaya.

Santiago 1:11 ပူးပေါင်းရင်းမြစ်များ

Salmos 103:15

Poiyi'cco a'i tsu shoshovia'caen canse'fa. Nane te'ta afojoqquia'caen canseye ashaen.

Salmos 37:2

Junde tsu shoshovima samboenqquia'caen toya'caen te'tama pandianqquia'caen sefaen'faya.

Mateo 13:6

Tsa'ma coejechiga desi setsa'fa me'i'onsi pandipa samba.

Mateo 20:12

“Va chiga amppiji'ni semañe ashaensundeccuja aqquia fae hora'ccoe semamba tsu ingi'ccu fae'ngatsse isu'fa. Ingija pa'cco a'ta coe'jenga quinsetsse semasi qui ingima tise'pai'ccu fae'ngae in'jamba afepoen.”

Mateo 6:30

Shoshovija ja'ño injanga sho'yopa cansesi tu'i a'ija tsama taipa panma matssañe tsu oque'faya. Tsa'ma Chiga Quitsaja tsa'caen te'tai'ccu shoshovima ñotsse ondiqquian'da ti'tsse tsu que'ima ondiqquiamba coira'je. ¿Micomba qui Chigave in'jambe canse'fa?

Marcos 4:6

Tsa'ma setsa'fa mechopa coe'je desi pandipa samba.

1 Corinto'su 7:31

Majan a'i va andeni'su jincho'choi'ccu jinchopa panshaen tsa'caen jinchombiqquia'caen canse'faya'cho. Ñoa'me tsu va andeni jincho'choja pasaya.

1 Pedro 1:4

Ja'ño Chigaja Tise dutssi'yenga afe'choma ñoñamba an'bian sefacconi. Que'i'qque jai'ngae tsama isu'faya. Tise dutssi'yenga afeya'choja congo'masia tsu. Egave mechopa tsu ni ñotssia te'ta'caen pandi'masia.

1 Pedro 5:4

Tsa'caen tsonsi tsu ti'tsse'tssia coira'su Jesúsja attiamba que'inga tsangae ñotssiama afeya. Tsa afe'choja congo'masia tsu, va andeni jinqquia'cambi.