Santiago 1:10 - Cofán: Chiga Tevaen'jen

¹⁰ Toya'caen Chiga in'jansi majan osha'choma an'biamba qqueña'da me'ccoe da'a'qque tsu avujaya'cho. Nane shoshovi te'ta pandipa paqquia'caen tsu tise'qque pasaya.

Santiago 1:10 ပူးပေါင်းရင်းမြစ်များ

Salmos 103:15

Poiyi'cco a'i tsu shoshovia'caen canse'fa. Nane te'ta afojoqquia'caen canseye ashaen.

Salmos 37:2

Junde tsu shoshovima samboenqquia'caen toya'caen te'tama pandianqquia'caen sefaen'faya.

Isaías 40:6

Aya'faja “¡Fundoja!” qquen susi gi ñajan iñajampaña: “¿Jongoesu qquen gi fundoya?” “Poiyi'cco a'i tsu shoshoviacan'fa. Nane te'ta'caen ta'etssimbi tsu.

Isaías 40:7

Na'su Chiga tise aya'fai'ccu ufasi shoshovi pandisi te'ta'qque pandipa shequeya. Ñoa'me tsu a'ija shoshovia'caen pandi'faya.

Isaías 66:2

¡Nane ña gi osha'chove agattoen'su! Ña agattoensi tsu osha'choja jincho. Qquen gi ña, Na'suja su.”

Mateo 5:3

—Que'i majan tisutsseyi Chiganga catseye oshambi qquen in'jan'da ñoa'me qui avujatssi'fa. Chigama na'sian'cho aindeccuve qui da'faya.

Mateo 6:30

Shoshovija ja'ño injanga sho'yopa cansesi tu'i a'ija tsama taipa panma matssañe tsu oque'faya. Tsa'ma Chiga Quitsaja tsa'caen te'tai'ccu shoshovima ñotsse ondiqquian'da ti'tsse tsu que'ima ondiqquiamba coira'je. ¿Micomba qui Chigave in'jambe canse'fa?

1 Corinto'su 7:31

Majan a'i va andeni'su jincho'choi'ccu jinchopa panshaen tsa'caen jinchombiqquia'caen canse'faya'cho. Ñoa'me tsu va andeni jincho'choja pasaya.

Filipo'su 3:8

Cristo Jesús ña Na'suve in'jañe osha'chone ñoa'me'qque ti'tsse'tssia tsu. Cristove in'jamba gi osha'cho tisu tayoe ti'tsse'tsse tsincon'choma ja'ñojan chi'ga. Nane ñoa'me pa'tssi ña quinsepoen'choma'qque gi tayo cati. Tayo cati'cho tsu, qquen gi in'jan Cristoma ganaqquia'caen

1 Timoteoga 6:17

Majan a'i ricove dapa osha'cho va ande'su jincho'choma an'bian'fa. Tsendeccuma mandaja cuintsu cca'indeccuma patsumbe'yi Chigave in'jan'faye. Nane tise'pa an'bian'choja tsangae jinchoya'bisi tsama in'jan'fajama tsai'ccu canseye. Tsa'ma Chigave in'jaña'cho Tise afesi canseye. Nane Chiga Quitsaja cansepa inginga osha'choma ñotsse afeye atesu cuintsu tsai'ccu ingi avujatsse canse'faye.

Santiago 4:14

Ni atesu'fambi qui tu'i ma'caen tisu daya'chove. ¿Jongoesu tsu ingi canse'choja? Ñoa'me ccuttopa'sia'can'fa gi. Ccuttopa'sija jangi'a'qque biasembitsse pasaya.

1 Pedro 1:24

Nane Chiga Tevaen'jenjan su: Poiyi'cco a'i tsu shoshoviacan'fa. Osha'cho tise'pa joccapitssia've jincho'choja shoshovi te'ta'can'fa tsu. Shoshovija sambasi, te'taja amppi.

1 Juan 2:17

Va ande tsu pasaya. Va ande'su a'i in'jan'cho'qque pasaya. Tsa'ma majan Chiga in'jan'chove in'jamba tson'choja, tsangae tsu canseya.