Santiago 1:1 - Cofán: Chiga Tevaen'jen

¹ Ña, Santiago gi Chigambe, Na'su Jesucristombe sema'su. Israe'su Cristove in'jan'chondeccu attufaccojin can'jendeccunga gi tevaen'jen. Case'te.

Santiago 1:1 ပူးပေါင်းရင်းမြစ်များ

1 Reyes 18:31

doce patuve isupa. Nane tayopi'su Jacob'ye Chiga tisema Israelve inisiainte doce dutssiyendeccuve an'bian. Tsendeccu'ye tsu israe'su doce aindeccuja sombo'fa. Tise'pa'ye tsu Elíasja tsa'caen doce patuve isupa

Esdras 6:17

Fiestaemba tsu cien vaura quitsaye, dosciento oveja quitsaye, cuatrociento oveja quitsaye du'shuma'qque oque oraemba Chiganga afe'fa. Toya'caen tsu afe'fa doce chivoma, poi israe'su doce aindeccu fae chivo, fae chivove, poi israendeccu egae tsincon'chone.

Éxodo 24:4

Tsa'caen su'fasi Moisésja pa'cco Na'su Chiga su'choma tevaen. Ccaqui a'ta ñoa'me sinte'yi jangipa ccotta'cco tsosiccuni Chiganga afeye oque'je'chove ñoña. Toya'caen dose patu biaccova'ma'qque ccutsutsian cuintsu dose Israel naccuve canjeñe.

Mateo 10:3

Felipe, Bartolomé, Tomás, Mateo (tsaja govierno impuestoma isu'su tsu), Santiago (tsa Alfeo dutssi'ye tsu), Tadeo,

Mateo 13:55

Tiseja mesama sema'sumbe dutssi'ye tsu. Tise mama tsu María. Tise quinshingendeccu tsu Santiago, José, Simón, Judas'qque.

Mateo 19:28

Qquen susi Jesús su: —Ñoa'me gi su: Jai'ngae osha'cho cuname dasi Sefaccone Ji'cho A'i tise ñotssia dyaipa'chonga dyaipa manda'nijan que'i'qque doce dyaipa'chonga dyaipa doce israendeccu'su aindeccuma manda'faya.

Marcos 3:18

toya'caen Andrés, Felipe, Bartolomé, Mateo, Tomás, Santiago (Tsaja Alfeo dutssi'ye), Tadeo, Simón (tsaja cananeandeccu'su a'i)

Lucas 22:30

ña na'suve dasi que'i'qque ñai'ccu ña an'jen'cho mesanga fae'ngae amba cu'i'faye. Que'ija na'su dyaipa'chonga dyaipa qui poiyi'cco israendeccumbe injama'choma somboeñe manda'faya. Toya'caen tsu Na'suja su:

Lucas 6:15

Mateo; Tomás; Santiago (tsaja Alfeo dutssi'ye); Simón (Zelote qquen su'cho);

Juan 12:26

Majan ña a'ive dapa shondocañe in'jan'da ñama tsu paña'faya'cho. Mani ña can'jen'ni'qque tseni tsu ñama shondo'su'qque can'jen'faya. Majan ñama shondocansi tsama tsu ña Yayaja ñotsse in'jan.

Juan 7:35

Tsonsi israendeccuja tisupapora iñajansepoencco'fa: —¿Mani jasi gi atteye'ja osha'faya'bi ingija? ¿Cca'i israendeccu griengonga attufaccopa can'jeni ti jaya, griegondeccuma atesian'suve?

Tson'fa'cho 1:13

Jerusaléni ca'nimba tise'pa can'jen'cho tsaoni japa sefani'su cuartonga ca'ni'fa. Tse'ttini tsu can'jen'fa: Pedro, Juan, Santiago, Andrés, Felipe, Tomás, Bartolomé, Mateo, Santiago (tsaja Alfeo dutssi'ye), Simón Zelotes, toya'caen Judas (tsaja Santiago quinshin).

Tson'fa'cho 12:17

Tsonsi tiseja tivei'ccu sepi'pian cuintsu ziya'faye. Tsomba condase ma'caen na'su Chiga tisema piccoje'cho etti'ye somboen'choma. Condasepa su: —Pa'tssima conda'faja Santiagonga, poi Jesúsve in'jan'chondeccunga'qque. Tsa'caen condapa sombopa cca'ttinga japa jacan.

Tson'fa'cho 15:13

Tsendeccu afa nanisi Santiagoja su: —Faengasundeccu, ñama paña'faja.

Tson'fa'cho 15:21

Nane tayopi ashaemba poi canqqueni tsu Moisés manda'choma atesian'jen'fa. Poi sema'ma'qquia a'ta tsu tsama camba afa'fa.

Tson'fa'cho 15:23

Tsendeccui'ccu tsu qquen tevaen'choma moen'fa: Vani'su Jesúsne afasundeccu, toya'caen coenzandeccuta gi Cristone que'i antiandeccupa, Que'i Antioquía'su, Siria'su, Cilicia'su Cristove in'jamba israembindeqquiama avujatsse chigambian'fa.

Tson'fa'cho 2:5

Tsequi a'ta Jerusaléni poi ande'su israendeccu can'jen'fa. Nane Chigave in'jamba tsa'caen jipa can'jen'fa.

Tson'fa'cho 21:18

Ccaqui a'ta Pablo ingi'ccu Santiagoni can'su jasi poiyi'cco tseni'su coenzandeccu'qque fae'ngae bo'fa.

Tson'fa'cho 23:26

Claudio Lisias tevaen Ñotssia Governaror Félixnga, case'te.

Tson'fa'cho 26:7

Nane ingi doce ande'su israendeccuja poi a'ta, poi cose quia'me Chigama iñajamba tsesu jai'ngae tsoña'chove ronda'je'fa. Na'su Agripa, ña'qque tsa'caen in'jansi tsu israendeccuja ñama egae afa'fa.

Tson'fa'cho 8:1

Tsa'caen fi'tti'fasi tsa Saulo'qque fae'ngae tsendeqquia'caen in'jan. Tsequi a'ta tsa'caen tsomba ñoa'me iyicca'yepa mandiañe ashaen'fa Jerusaléni'su Jesúsve in'jan'chondeccuma'qque. Tsa'cansi poiyi'cco dyopa ccuyapa jaja'fa. Majanjan Judea andeni, majanjan Samaria andeni'qque jaja'fa. Nane tsa doce Jesúsne afasundeccuyi tsu toya Jerusaléni can'jen'fa.

Romanos 1:1

Ña Pablo gi Jesucristoma shondo'su. Tise tsu ñama ttu'se tisema afa'suve. Ttu'sesi gi ñajan Chiga ñotsse condase'choma condaseye canse.

Galacia'su 1:19

cca'i Jesúsne afasundeccuma attembi. Nane Na'su Jesús quinshin Santiagoma gi atte. Tsa'ma faesumajan me'i.

Galacia'su 2:12

Majan a'i Santiagone toya jimbi'te Pedroja israembindeqquiai'ccu fae'ngae an'jen. Tsa'ma tsendeccu jisi Pedroja chhiyitevaeñe in'jan'chondeccu tisema afase'fasa'ne dyojopa israembindeqquiai'ccu fae'ngae an'jen'cho antte.

Galacia'su 2:9

Tsa'cansi Santiago, Pedro, Juan'qque Cristove in'jan'cho a'i nasundeccu qquen su'chondeccu, ingija tise'pa'caen Chiganga injaeñemba fae sema'baveyi semasundeccu qquen in'jamba tivei'ccu ingima chigambian'fa qquen canjaeñe. Tsa'caen chigambiamba tise'paja israendeccuma candusian'jemba ingimajan moen'fa israembindeqquianga candusian'faye.

Deuteronomio 28:64

Joqquitssiamba tsu Na'suja que'ima shequian mañaña poi faesu andenga, sefacco já ccutsuni. Tseni can'jemba qui faesu chigandeccuma iñajan'faya. Nane que'i ni que'i tayopisundeccu'ye atesumbi'choa quini'cco toya'caen patuma ñoña'cho chigandeccuma qui iñajan'faya.”

Deuteronomio 30:3

tsu Na'su que'i Chiga que'ima mende'yepa ñotssiama ccase que'inga afeya. Poi andeni tise que'ima shequian maña'cho ande'ye tsu que'ima ttu'sepa boñaña.

Filipo'su 1:1

Pablo, Timoteo'qque gi Jesucristone semasundeccu. Filipos canqque'su Cristo Jesúsve in'jan'chondeccunga gi tevaen'jen'fa. Que'ija Chiga in'jan'chondeccu. Cristove in'jamba bo'fa'chombe nasundeccunga, tise'pama fuitesundeccunga'qque gi tevaen'jen'fa.

2 Timoteoga 4:21

Que osha'ta sanfan toya napimbi'te vani jija. Toya'caen Eubulo, Pudente, Lino, Claudia, nane poiyi'cco faengasundeccu tsu quema chigambian'fa.

Titonga 1:1

Ña Pablo gi Chigambe sema'su. Jesucristone afa'su gi. Jesúsja ñama ttu'sepa moen Chiga in'jan'cho aindeccuma fuitesi cuintsu Tise've ti'tsse in'jan'faye. Tsendeccunga tsu ñama moen Chiga tansintsse su'choma atesiansi cuintsu ñotsse atesupa canse'faye.

1 Pedro 1:1

Ña Pedro gi Jesucristo moensi afa'su. Chiga in'jan'chondeccu attufaccojin can'jen'chonga gi tevaen'jen. Nane Ponto, Galacia, Capadocia, Asia, Bitinia andeni can'jendeccunga gi tevaen'jen.

2 Pedro 1:1

Ña Simón Pedro gi Jesucristo sema'su. Tisene afa'su gi que'inga tevaen'jen. Nane ingi Chiga, Jesucristo ingima ccushaen'suja ño'amba ingima in'jaenqquia'caen que'ima'qque in'jaen Tise've in'jan'faye. Tise've in'jañe tsu osha'chone ti'tsse bare.

Judas 1:1

Ña Judas gi Jesucristombe sema'su, Santiago quinshin. Chiga Quitsa in'jamba ttu'se'chondeccunga gi tevaen'jen. Que'i Cristoi'ccu jinchosi Chigaja que'ima an'bian.

Canjaen'cho 7:4

Tsonsi gi paña mañi'cco a'ima tsu tsa'caen tevaen'cho: ciento cuarenta y cuatro mil israendeccuma tsu Chigambe qquen tevaeña'cho.