Salmos 8:1 - Cofán: Chiga Tevaen'jen

¹ ¡Na'su ingi Chiga, poi andeni ti'tsse'tssia tsu que iniseja! Nane pa'cco sefaccoma ti'tsse joccapitssia qui queja.

Salmos 8:1 ပူးပေါင်းရင်းမြစ်များ

1 Reyes 8:27

“Tsa'ma, ¿ñoa'me ti Chigaja va andeni andepa can'jeña? Nane pa'cco sefacco quema an'biañe oshambi'choa'manda, ¿ma'caen tsu va ña quembe tsao'ña'choja quema an'biaña?

Salmos 36:5

Tsa'ma queja Na'su, sefacconi nepiqquia'caen qui ñotsse in'jamba, tsangae que suqquia'caen tson'jen.

Salmos 8:9

¡Na'su ingi Chiga, poi andene tsu que iniseja ti'tsse'tssia!

Mateo 22:45

David tsa'caen “Ña na'su” qquen susi ¿ma'caen tsu tiseja David dutssi'yeya?

Juan 20:28

Tsonsi Tomásja su: —¡Ña Na'su qui! ¡Ña Chiga qui!

Efeso'su 4:10

Tiseja o'tie andeni andepa papa omboe Chiga can'jeni'su sefacconi ccase ansunde. Tsa'caen ansundepa tsu poiyi'ccoma ñoñamba in'jaemba an'bian.

Deuteronomio 28:58

“Osha'cho va tevaen'jeni tevaemba manda'choma ñotsse pañamba tson'faja. Toya'caen Na'su que'i Chiga joccapitssia inisema dyoe'sui'ccu ñotsse in'jan'faja.

Filipo'su 3:8

Cristo Jesús ña Na'suve in'jañe osha'chone ñoa'me'qque ti'tsse'tssia tsu. Cristove in'jamba gi osha'cho tisu tayoe ti'tsse'tsse tsincon'choma ja'ñojan chi'ga. Nane ñoa'me pa'tssi ña quinsepoen'choma'qque gi tayo cati. Tayo cati'cho tsu, qquen gi in'jan Cristoma ganaqquia'caen

Hebreo'su 7:26

Nane Jesúsyi tsu ingine ñotssia Chigama afa'su na'su. Tiseja Chiga in'janqquia'caen ño'a tsu. Tiseja egae in'jambi ni egae tsincombi. Tsa'camba tsu tiseja ingi egae tsinconsundeccuma ccaninga'o. Toya'caen tiseja joccapitssia've dapa Chigai'ccu sefacconi can'jen.

Canjaen'cho 19:6

Toya'caen tsain'bio a'i bopa fundoqquia'caen gi paña. Na'en bo'epa jenqquia'caen, tsanda quia'me afaqquia'caen afasi gi qquen paña: ¡Aleluya! Tayo tsu Na'suja mandaye ashaen. Chiga ingi Na'suja osha'choma tsu oshacho.