Salmos 69:8 - Cofán: Chiga Tevaen'jen

⁸ Ña antian, ña mama dushundeccu'qque ñama atesumbi qquen canjaen'fa.

Salmos 69:8 ပူးပေါင်းရင်းမြစ်များ

Isaías 53:3

Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.

Isaías 53:4

Tsa'ma tise tsu ingi vana'jen'choma an'bian. Nane ingi ñombi'ye'choma'qque tsu tiseja angacan. “Chiga tisema ma'ppipa iñaccaensi vana'jen” qquen gi in'jan'fa.

Mateo 26:56

Tsa'ma tayopi'su Chiga Aya'fama afasundeccu ñama fi'ttiya'chone tevaensi ja'ño tsu tsa'caen tsoña'cho ñoa'me su'cho qquen canjaeñe. Qquen su'je'ni poiyi'cco Jesúsma shondosundeccu tisuveyi tisema catipa ccuya'fa.

Juan 1:11

Nane a'ive dapa jisi tisupanaccuja tisema chi'ga'fa.

Juan 7:5

Ni tise quinshingendeccuyi'qque in'jan'fambi tise've.

1 Samuel 17:28

Tsa'ma David quindya, Eliab, pa'cco David faesu tsandiendeccui'ccu condase'je'choma pañamba Davidma iyicca'yepa su: —¿Jongoesie qui vani ji? ¿Majain'ccu qui va'cha ovejama a'i menia catipa ji? In'jan gi que injama'cho egae in'jan'choma. ¡Nane in'jangae tsincomba qui aqquia sundaro iyicco'je'choma can'boeñe ji!