Salmos 2:9 - Cofán: Chiga Tevaen'jen

⁹ Yoshava'ccoi'ccu quian'me mandapa qui ande nasundeccuma patsuya. Nane apima ochhai doñaqquia'caen qui tise'pama naniaña.”

Salmos 2:9 ပူးပေါင်းရင်းမြစ်များ

Salmos 89:23

Nane tisema iyiccayesundeccuma gi ccuchaya. ¡Minguite tsu tsendeccuma ccase tiseja atteya! Tisema chi'gasundeccuma'qque gi sefaeña.

Jeremías 19:11

Doñamba tise'panga qquen suja: ‘Qquen tsu Na'su Osha'choma Oshacho'cho Chigaja su: A'i apima doñaqquia'caen gi va canqque, va aindeccuma'qque nepiaña ccase ñoña'ma'sia've. Ña tsa'caen tsonsi tsu pa'chondeccuma Tofet sinjunccu on'batsse a'tu boña'faya mani faesuma a'tuya'chove metsse.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Daniel 2:45

Tsane tsu tsa patu ccotta'cco'ye a'i ccofettambi'ma battin jipa pa'cco yoshava, cu'a yoshava, apicha, totoacori, toya'caen corima metsse vuvian cati'choja canjaen. Ti'tsse Joccapitssia Chiga tsu Que Ti'tsse'tssianga jai'ngae ma'caen daya'choma tsa'caen canjaen. Tsa ayo'opata tsu ñoa'metsse ayo'o'cho. Toya'caen tsane conda'cho'qque tsu ñoa'metsse su'cho.”

Mateo 21:44

Patuve su'chone gi que'ima su: Majan pañambiqquia'caen tsa patunga zuccopanshan amppi'ta ñoa'me ucaqquia'caen tsu tisuma daño. Tsa'ma tsa patu majanga amppi'ninda ñoa'me vuvuqquia'caen tsangae tsu qqueya.

Canjaen'cho 12:5

Tsa'ma pushesuja tsandie du'shuve isusi tse'faei'ccuyi du'shuma Chigani angasi Chiga dyaipa'cho jini can'jen. Du'shuja poi ande'su goviernoma mandaya. Nane yoshava'ccoi'ccu mandaqquia'caen tsu quia'me mandaya.

Canjaen'cho 19:15

Na'sumbe aya'fa'ye tsuintssia sundaro matichi sombo eje. Tsai'ccu tiseja poi ande'su nasundeccuma iyiccopa patsuya. Ñoa'me tiseja yoshava'ccoi'ccu tsendeccuma quia'me mandaya. O'fa tsajama tsui'je'cho changonga tsui chapianqquia'caen tiseja poimbe injama'choma somboeña. Chiga Quitsa tsu ñoa'me a'ima iyicca'yepa tsa'caen vinoma somboenqquia'caen tise'pa injama'choma somboeña.