Salmos 14:3 - Cofán: Chiga Tevaen'jen

³ Tsa'ma poiyi'cco ega tsaiqui'ye qquepa jacanqquia'caen fae'ngae egae tsincon'fa. Me'i'on tsu ñotsse tson'suve. Nane ni fae'ccoyi'qque ñotssiaja jimbi.

Salmos 14:3 ပူးပေါင်းရင်းမြစ်များ

Génesis 6:12

Poi aindeccu tsa'caen egae tsincomba osha'choma daño'jensi attepa Chigaja

Salmos 14:1

A'i sumbija tise injama'choni “Chigaja jimbi” qquen su. Ju, poiyi'cco tsu egae dapa ñoa'me in'jangae tsincon'fa. Me'i'on tsu ñotsse tson'suve.

Éxodo 12:30

Tsa'caen dasi faraón tisema shondosundeccu toya'caen poiyi'cco egiptondeccu cose jangipa quian'me pa'cco Egipto'ye i'na'fa. Ni fae ettiyi'qque a'i pa'chove me'i'ombi.

Éxodo 8:31

Chigaja Moisés iñajanqquia'caen tson. Nane tenqquen'choma tsu joqquitssian faraón'ñe, tisema shondosundeccu'ye toya'caen tise aindeccu'ye'qque. Nane ni fae tenqquen'choyi'qque jinchombitssi.

Isaías 53:6

Poiyi'cco gi oveja'caen injanga ccani jacamba qque'fa. Ingi in'janqquia'caen gi injanga canse'fa. Tsa'ma Na'suja pa'cco ingi egae tsincon'cho shacama tisenga antte.

Romanos 3:23

Nane poiyi'cco tsu egae tsincon'fa. Chiga ñotsse in'jan'chove nafattumbipa poiyi'cco tsu shacapa'fa.

1 Corinto'su 6:5

Qquen gi su que'ima ansangiañe. ¿Jimbi ti que'i'su fae a'i injama'pa majan, faengasundeccu iyiccosi, ñotsse tansiañe afa'suja?

2 Corinto'su 7:1

In'jan'chondeccu, va Chiga ñoa'me su'choma pañamba jinge'su giya'tsse onjonqquia'caen tisupama ñoña'faye. Osha'cho ai'vo egae tsincon'cho, injama'cho egae in'jan'choma'qque cati'faya'cho. Tsa'caen ñoñamba tisuma Chiganga afeqquia'caen Tise'veyi pañaña'cho.

Efeso'su 2:3

Ingi'qque tayoeja egae tsinconsundeqquia'caen egae in'jamba fae'ngae tsendeccui'ccu canse'fa. Ingi ai'vo in'jan'cho, ingi injama'cho in'jan'choma'qque in'jamba gi tsa'caen tsincomba canse'fa. Tsa'caen cansesi Chigaja ingima'qque cca'ima'caen chi'gapa joqquitssiansi gi catiyepa canse'fa.