Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Salmos 10:4 - Cofán: Chiga Tevaen'jen

4 Nane tsofa'tuma janchiamba quinsepoemba su: “Chigaja jimbi. Me'i'on tsu ña injama'choma somboen'suve.” Tsa'caeñi tsu tiseja in'jan.

အခန်းကိုကြည့်ပါ။ ကော်ပီ




Salmos 10:4
30 ပူးပေါင်းရင်းမြစ်များ  

Poi ande'su aindeccu egae tsincomba canse'fasi Na'su Chigaja attepa in'jan. Nane aindeccu poi a'ta injama'choni egaveyi asi'ttaemba in'jansi


Egae tsincon'cho egae tsincon'sumbe injama'cho tsosipie afasi tsaja ni asi'ttaembi Chigama pañañe.


Tsa'ma faraónjan pañamba su: —¿Majan tsu tsa ‘Na'su Chiga’ ña tisema pañamba israendeccu jaye antteye? Nane atesumbi gi tsa na'suve, ni antteya'bi gi cuintsu israendeccu sombopa ja'faye.


Que'i tsu'tte'ta tsu bare egae tsincon'chonga buttopa jaye, toya'caen quian'me japa egae tsincombi'choma fi'ttiye. Que'i injama'choni'qque egae in'jan'choyi on'ba'osi qui mani jacan'an'qque osha'choma dañomba vanae'fa.


Ñajan a'ima in'jamba pa'cco a'ta tise'pama ttu'se'ni'qque pañambipa ñama iyicca'ye'fa. Tisupa in'jan'choveyi in'jamba injanga ccaningae jaja'fa.”


Nane injama'cho tsosine egae in'jaensi a'ija egae in'jan'fa. Tsa'caen in'jamba tsu casara'chondeccu faesui'ccu egae can'se'fa. Injanga tsandie pushesu anttembi'chondeqquia fae'ngae egae can'se'fa. Cca'na'fa. Fi'tticco'fa.


Que egae tsincon'choma antteja. Na'su Chigama iñajanjan atesuye que injama'cho egae in'jan'choma tsu joqquitssian'me'se.


Chigane tsa'caen atesu'a'qque Tisema iñajan'fambi ni Tisema ñotsse afa'fambi. Tsa'ma injamambie daqquia'caen ti'tsse egave tsu in'jan'fa. Nane tise'pa injama'cho'qque sumbie tsu da'fa.


Tsendeccuja Chigama atesuye in'jambisi Chigaja tise'pama cati cuintsu injama'choni osha'cho egave in'jan'faye. Tsa'cansi tsu tsendeccuja Chiga in'jambi'choa've tsincon'fa.


Toya'caen ñotsse in'jan'faja. Tseiteta qui toya Cristove in'jambipa ni israendeccui'ccu fae'ngae jincho'fambi. Chiga Tise aindeccui'ccu jai'ngae ñotsse tsoña'chove su'choma'qque qui atesu'fambi. Tsane in'jambipa qui Chigama atesumbipa catiyeqquia'caen injanga va andeni canse'fa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ