Salmos 1:1 - Cofán: Chiga Tevaen'jen

¹ Avujatssi tsu tsa a'i majan ega aindeccu su'choma pañambe, ni egae tsinconsundeccu tson'chove tsombe, ni Chigave in'jambipa feñasundeccui'ccu fae'ngae afasembe canse'cho.

Salmos 1:1 ပူးပေါင်းရင်းမြစ်များ

Génesis 49:6

Minga'ni'qque gi tise'pa tsa'onga fae'ngae boye in'jambi. Nane iyicca'yepa qui aindeccuma fi'tti'fa. Aqquia injanga iyicca'yepa qui vaura tsu'ttema uccasho'fa.

Génesis 5:24

Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

1 Reyes 16:31

Nane tiseja tsa Nabat dutssi'ye Jeroboam tsonqquia'caen egae tsincomba ti'tsse tsu egae tsincon Jezabelma pushepa. Tsa Jezabel tsu sidóni'su pushesu, tsa andeni'su na'su Et-baal onque'nge. Tisema pushepa tsu Acabja chiga Baalma iñajamba avu'jaen.

Salmos 1:6

Nane Na'su Chigaja ño'andeccuma tsu ñotsse coirapa an'biaña. Tsa'ma ega aindeccuja tisupa in'janqquia'caen cansepa pa'faya.

Salmos 106:3

Nane avujatssi tsu majan a'i ñotsse tson'suja. Anttembe'yi ñotsse tsomba tsu anttembe'yi avujatssi.

Salmos 112:1

¡Ñotssi tsu Na'su Chigaja! ¡Avujatssi tsu tsa a'i, majan Na'suve in'jamba tise manda'choma pañamba tson'su!

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Salmos 34:8

Tsa'cansi Na'suma atesucamba canjan tise ñotsse tson'choma atesuye. ¡Nane avujatssi tsu majan tisuma Na'sunga afe'su!

Salmos 36:4

Nane ana'jen'chonga ccui'a'qque ti'tsse egae tsincoña'choveyi asi'ttaen. Anttembe'yi egae tsincoñe in'jamba ccaningae tsomba ñotsse tsoñe oshambi.

Proverbios 3:34

Na'suja tisu ñotssi qquen in'jamba afasesundeccuma ccane'qque afasepa cca'ima quinsepoembipa opatsse canse'chondeccuma ñotsse tsoña.

Mateo 16:17

Tsonsi Jesúsja su: —Simón, Jonás dutssi'ye, Chiga tsu quema ñotsse tson. A'i in'jan'choi'ccu ya'caen afambipa qui Chiga ña Quitsa quenga canjaen'choi'ccu afa.

Lucas 11:28

Tsa'ma Jesúsja su: —Ju, tsa'ma majan Chiga Aya'fama pañamba tson'da tsa tsu ti'tsse avujatssi.

Juan 13:17

Tsa'caen atesupa qquen tson'da qui ñoa'me avujatssi'faya.

Juan 20:29

Jesúsja su: —Tomás, ñama attepa qui in'jan. Ñoa'me avujatssi'fa tsu majan ñama attembe in'jan'chondeccu.

Romanos 5:2

Jesucristove in'jamba gi Chiganga catsepa Tise ñotsse afe'choma isu'fa. Isupa gi tsangae an'bian'fa. Tisia'caen ti'tsse'tssia've daya'chove ronda'jepa gi avujatssi'fa.

Efeso'su 6:13

Tsa'caen in'jaensi cocoyandeccui'ccu iyicco'je'ta sundaro tisuma ccushaeñe yoshavama ejianqquia'caen pa'cco Chiga que'inga afe'choma isu'faja. Isupa maqui a'ta que'ima egae noñangiansi qui se'pipa patsu'faya. Tsa'caen patsupa qui dyombi'tsseyi ccutsu'faya.

1 Pedro 4:3

Tayo qui mi'ge'e'qque Chigama atesumbindeqquia'caen egae tsincon'fa. Nanitssi tsu. Tsani'da qui injanga in'jambe canse'fa. Egae qui in'jan'fa. Ccusipa'fa. Ccusipa qui qquejian'fa. majanjan ti'tsse ccusiye qui in'jan'fa. Chiga se'pi'cho ñoña'cho chiga'can'me qui in'jan'fa.

Canjaen'cho 22:14

Poiyi'cco majan tise'pa ondiccu'jema giya'tsse ma'ppan'da ñoa'me tsangae avujatssi'faya. Tsendeccuja Chiga canqque'su sombo'tti'ye ca'niñe osha'faya. Ca'nimba Cansiaña'cho Quini'cco'su teta'choma añe osha'faya.