Rut 2:6 - Cofán: Chiga Tevaen'jen

⁶ Tise mandasi taiña'suja su: —Tsata tsu Moabita'su pushesu, voeyi Noemí'ccu Moab andene ji'cho.

Rut 2:6 ပူးပေါင်းရင်းမြစ်များ

Génesis 15:2

Tsa'ma Abramjan tisema su: —Na'su Chiga, ¿jongoesune tsu bare ña osha'choma injan'tsse isuye? Ñajan dutssi'yeve me'choa gi. Nane Queja ñanga du'shuma afembisi me'cco pa'ninda tsu tsa Damasco canqque'su Eliezer–ñambe sema'su a'i–pa'cco ña an'bian'choma isuya.

Génesis 24:2

Tsa'caen dapa tsu tisema shondo'su ti'tsse coenzama ttu'se. Tsaja pa'cco tise tsa'o'suma, pa'cco tise an'bian'choma'qque coira'su tsu. Tisema ttu'sepa su: —Que tivei'ccu ña ttena'go tsosiccufama pporaemba

Génesis 39:4

Tsa'caen attepa Joséma ñotsse in'jamba tisema fuite'suve tsomba tise tsa'o na'suve'qque tson. Tsa'o na'suve tsomba pa'cco tisu an'bian'choma tisenga antte cuintsu mandaye.

Mateo 20:8

Tsonsi tayo cosesi ovaccu na'su tisema shondo'suma ttu'sepa su: “Semasundeccuma ttu'sepa tise'panga afepoenjan. Omboe jisundeccunga o'tie afepoemba já tsa'yeyi o'tie jisundeccunga'qque afepoenjan.”

Mateo 24:45

Tsa'cansi ¿majan tsu ño'a injama'pa semoen'su? ¿Majan tsu ño'aña cuintsu tise na'su tisema in'jamba mandaye poiyi'cco semasundeccunga tise'pa anqque'suma aña'cho hora napi'ninda cuintsu afeye?

Rut 1:16

Tsa'ma Rutja su: —Ñama mandajama quema catiye ni toequi jaye. Que mani ja'ninda gi tseni ña'qque jaya. Que mani can'jen'ninda gi tseni ña'qque can'jeña. Que aindeccu tsu ña aindeccuve da'faya. Que Chiga tsu ña Chigave daya.

Rut 1:19

Anttepa tsa dos pushesundeccu jí nepi'fa Belén canqqueni. Tseni nepisi poiyi'cco tsa canqquesundeccu in'jamba iñajampaña'fa: —¿Vata ti vane sombopa ja'cho Noemí?

Rut 1:22

Tsa'caen tsu Noemíjan Moab andene toequi ji tise china Rut, tsa Moab'su pushesui'ccu. Tise'pa jisi tsu ñoa'me cebadama taiya'choja nepi.

Rut 2:5

Chigambian nanimba Boozja tise mandasi taiña'suma iñajampaña: —¿Majan'su tsu jova chu'a pushesuja can'jen?

Rut 2:7

Tiseja ‘Chigáne ñama antteja taisundeccumbe sepaccoe tise'pa shequian'jen'choma tai jacañe,’ qquen susi gi tisema antte. Anttesi tsu sinte'yi ji'cho ja'ño'qque anttembe'yi quian'me sema'jen. Nane voeyi tsu re'riccone ño'fa.