Romanos 3:7 - Cofán: Chiga Tevaen'jen

⁷ Majandeccuta tsu su'faya: “Tsa'ma ña afopoen'choja, ‘Chiga tansintsse su'cho tsu bove ñotsse’ qquen canjae'ninda, ¿ma'caen tsu Chigaja ña egae tsincon'chone ña injama'choma somboen'jen?

Romanos 3:7 ပူးပေါင်းရင်းမြစ်များ

Génesis 37:20

Tise jisi jinge fi'ttiye. Fi'ttipa tise ai'voma posonga ttova catipa ‘Ttesi an’ qquen jinge su'faye. Tsa'caen tsomba jinge atesuye tise ayo'opa ma'caen da've'se.

Éxodo 14:30

Tsequi a'ta tsu Na'su Chigaja egiptondeccu'ye israendeccuma ccushaen. Tsa'caen ccushaensi tsu israendeccuja egiptondeccumbe aya, mar otafani ccui'fa'choma, atte'fa.

Éxodo 14:5

Tsa'caen tson'jen'fa'ni egipto'su na'sunga conda'fa israendeccu ccuyapa ja'choma. Pañamba faraón toya'caen tisema shondosundeccu'qque asi'ttaemba ccaningae in'jamba qquen su'fa: “¿Jongoesu qquen in'jamba gi antte'fa cuintsu israendeccu ingi'be sema'jen'choma anttepa tsa'caen ja'faye?”

Éxodo 3:19

Tsa'ma tsa'caen su'ni'qque egipto'su na'suja tisema mingae dyoñambi'ninda que'i somboye antteya'bi'choa've qquen gi in'jan.

Mateo 26:34

Tsa'ma Jesúsja su: —Ñoa'me gi su: Ja'ño cose toya arapa seyo'bi'te qui ñane tres se a'tieña.

Tson'fa'cho 2:23

Chigaja tayoe pa'tssima atesupa ñotsse in'jan'ma Jesúsma que'inga moen cuintsu que'i ma'caen tsoñe in'jan'da tsa'caen tisema tson'faye. Tsa'caen moensi que'ija tisema fi'tti'fa. Nane indipa egandeqquianga afesi avuja'cconga otipa fi'tti'fa.

Romanos 3:4

Me'i. Nane poiyi'cco a'i afopoen'ni'qque toya tsu Chigaja tansintsse afa'je. Chiga Tevaen'jeni Chigama qquen su: Queja tsangae tansintsse afa'su qui. A'i Quema egae afase'fasi qui ccane'qque tansintsse afapa patsu'je.