Romanos 3:12 - Cofán: Chiga Tevaen'jen

¹² Poiyi'cco tsu Chiga tansintssia tsaiquima catipa ccaningae jaja'fa. Barembiqquia'caen tsu da'fa. Me'i'on tsu majañi'qque ñotsse tsoñe. Ni fae'ccoyi'qque.

Romanos 3:12 ပူးပေါင်းရင်းမြစ်များ

Génesis 1:31

Chigaja osha'choma attepa avujatssi. Cosepa a'tasi sexto a'ta tsu.

Salmos 14:3

Tsa'ma poiyi'cco ega tsaiqui'ye qquepa jacanqquia'caen fae'ngae egae tsincon'fa. Me'i'on tsu ñotsse tson'suve. Nane ni fae'ccoyi'qque ñotssiaja jimbi.

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’

Isaías 53:6

Poiyi'cco gi oveja'caen injanga ccani jacamba qque'fa. Ingi in'janqquia'caen gi injanga canse'fa. Tsa'ma Na'suja pa'cco ingi egae tsincon'cho shacama tisenga antte.

Isaías 59:8

Nane opatsse canseya'chove atesu'fambi qui. Ni tansintsse tsoñe qui osha'fambi. Que'i ja'je'cho tsaiquija itoyetssi tsu. Nane majan tsa'caen jacan'da tsu opatsse canse'faya'bi.

Mateo 25:30

Toya'caen tsa barembi'choa shondo'sumajan tsoteni sintssianga ttova moen'faja. Tseni tsu i'naña. Nane ñoa'me ttun'dundu'je'e iyicca'yepa tsu i'naña.”

Romanos 3:11

A'ija paña'jen'fambi Chigama. Ni Chigave ttatta'je'fambi.

Romanos 3:13

Pa'chombe atu'tti changoma ovimbisi tssu'jianqquia'caen tise'pa aya'fa changoi'ccu injanga afapa tise'pa injama'cho egae in'jan'choma attian'fa. Tise'pa aya'fai'ccu faesuma patsuye in'jamba afopoen'fa. Tise'pa afa'je'choja iyo seje'pa'caen daño.

Efeso'su 2:3

Ingi'qque tayoeja egae tsinconsundeqquia'caen egae in'jamba fae'ngae tsendeccui'ccu canse'fa. Ingi ai'vo in'jan'cho, ingi injama'cho in'jan'choma'qque in'jamba gi tsa'caen tsincomba canse'fa. Tsa'caen cansesi Chigaja ingima'qque cca'ima'caen chi'gapa joqquitssiansi gi catiyepa canse'fa.

Filemónga 1:11

Tayoe tiseja quene barembi tsu. (Onésimojan “bare” qquen tsu su.) Tsa'ma ja'ñojan tise inise suqquia'caen tiseja ñoa'me tsu ñane bare. Quene'qque tsu ja'ñojan bare.

1 Pedro 2:25

Que'ija tayoe oveja qque'choa'caen qui jacan'fa. Tsa'ma ja'ñojan coira'su Cristonga ccase jisi tiseja que'i injama'choma coirapa an'bian.