Romanos 13:4 - Cofán: Chiga Tevaen'jen

⁴ Nane Chiga tsu tsa'caen goviernoma manda cuintsu que'ima fuiteye. Tsa'ma egae tson'da tisema dyojo'faja. Goviernojan aqquia injanga injama'choma somboembi. Tsa'ma Chiga tsu egae tsinconsundeccuma iyicca'yepa tsa'caen goviernoma manda cuintsu tise'pa injama'choma somboeñe.

Romanos 13:4 ပူးပေါင်းရင်းမြစ်များ

1 Reyes 10:9

¡Ñoa'me ñotssia tsu Na'su que Chigaja! ¡Quema tsu ñotsse in'jamba ccutsian Israel na'suve tsoñe! Nane Na'su Chiga tsu Israel aindeccuma tsangae ñotsse in'jamba quema tise'pa na'suve ccutsian. Tsa'caen tsu quema tson que injama'choi'ccu tansintsse in'jamba tise'pama ñotsse mandaye.”

Isaías 1:17

¡Ñotsse tsoña'chove atesu'faja! Pa'cco que'i quin'sui'ccu ñotssiama tson'faja. Nane va'chama fuitepa toya'caen tise yaya pasi isuya'choma se'pi'fajama. Tsandupajen'choma'qque fuite'faja faesu tise'bema cca'nasa'ne.”

Romanos 12:19

In'jan'chondeccu, faesu que'ima egae tsinconsi ccane'qque tisema egae tsincon'fajama. Tsa'ma antte'faja cuintsu Chiga Quitsa tsa egae tsincon'suma iyicca'yepa iyu'uye. Na'su Chigaja qquen su'choma tayo tevaen: “Ña gi injama'choma somboen'su. Egae tsincon'suma gi egae tsoña.” Tsa'caen tsu Na'suja su.

Romanos 13:6

Toya'caen govierno impuestoma'qque tsa'caen injama'choi'ccu afepoeñe, in'jamba afepoeña'cho. Nane Chiga tsu goviernoma manda cuintsu que'ima fuiteye. Mandasi tsu tsa'caen tson'jen.

1 Tesalónica'su 4:6

Tsa'ma ñotsse can'jen'faja faenga'sumbema in'jamba egae tsinconsa'ne. Tsa'caen tsincon'fa'nijan Chigaja iyicca'yepa que'i injama'choma somboeña ingi tayo que'inga condapa candusian'qquia'caen.

1 Pedro 2:14

Toya'caen ande na'su tsu bove'ccoa nasundeccuve ccutsian cuintsu in'jangae tsinconsundeccu injama'choma somboeñe; ñotsse tsonsundeccumajan ñotsse afaye. Tsendeccuma'qque tsu paña'faya'cho.